Астон Вила

Од Википедија, слободната енциклопедија
Прејди на: содржини, барај


Aston Villa
Логото на Ф.К. Астон Вила
Целосно име Фудбалски клуб Астон Вила
Прекар(и) Вила, Виланите, Лавовите
Основан март 1874; пред 140 години (1874-03)[1]
Терен Вила Парк
Тринити Роуд
Бирминген B6 6HE
England[2]
(Капацитет: 42,788[3][4])
Сопственик Ренди Лернер
Менаџер Пол Ламберт
Лига Премиер лига
Веб страна Официјално мрежно место
Team colours
Kit body villa1112h.png
Team colours
Team colours
Team colours
Kit socks band claret blue.png
Team colours
Домашни бои
Soccerball current event.svg Тековна сезона

Фудбалскиот клуб Астон Вила (исто така познат како Вила, Виланите и Лавовите), е англиски професионален фудбалски клуб со седиште во Астон, Бирмингем. Клубот е формиран во 1874 година, а имаат заиграно на нивниот стадион, Вила Парк, од 1897 година. Астон Вила е еден од клубовите - основачи на Премиер Лигата во 1992 година и оттогаш биле постојани учесници во оваа лига. Клубот бил во незавидна позиција поради претходниот сопственик и претседател Даг Елис, но во 2006 година Ренди Лернер ја превзеде целокупната контрола врз клубот. Астон Вила е еден од најстарите и најуспешните фудбалски клубови во Англија, станувајќи шампион во Првата Лига седум пати и освојувајќи го ФА Купот седум пати. Вила исто така го има освоено и Европскиот Куп, кој ги сместува во четирите клуба кој го имаат освоено натпреварувањето денес познато како УЕФА Лига на Шампионите. Астон Вила како англиски клуб се наоѓа на четвртото место по бројот на освоени трофеи. Тие имаат развиено жесток локален ривалитет со Бирмингем Сити. Градското дерби помеѓу Астон Вила и Бирмингем Сити се има играно уште од далечната 1879 година. Традиционалната боја на нивните дресови е бордо со небесно сина боја на ракавите, бели шорцеви и сини чорапи. Нивниот традиционален знак е составен од нескротлив златен лав на светло сина позадина заедно со мотото на клубот ”Подготвени” кој што е под него. Во 2007 година е прифатена изменета верзија на знакот.

Историја[уреди]

Хари Хемптон го постигнува еден од своите два гола на финалето на 1905 ФА Купот
Тимот на Астон Вила во 1890-те
Прослава на освојувањето на Европскиот Куп во 1982

Фудбалскиот клуб Астон Вила е формиран во март 1874 година, од страна на членовите на Вила Веслејанската Капела во Хандсворт кој сега е дел од Бирмингем. Четворицата основачи на Астон Вила се Џек Хјуз, Фредерик Метјуз, Валтер Прајс и Вилијам Скатергуд. Првиот натпревар на Астон Вила бил против локалниот рагби тим Сент Мери од Астон Брук. Како услов за одигрување на мечот Вила морал да се согласи да го одигра првото полувреме по правилата за рагби, а второто полувреме по правилата за фудбал. Вила наскоро докажала дека се еден од најдобрите тимови во Мидландс, освојувајќи го нивниот прв трофеј, Сениорскиот Куп на Бирмингем во 1880 година, под капитенската лента на Шкотот Џорџ Ремзи. Kлубот го има освоено нивниот прв ФА Куп во 1887 година, предводен од капитенот Арчи Хантер, со што станаа еден од првите тимови во овој спорт кои се натпреварувале во првата сезона од Фудбалската Лига во 1888 година, заедно со еден од клубските директори Вилијам Мекгрегор, кој воедно бил и основачот на Лигата. Астон Вила се појави како најуспешен англиски клуб во Викторијанската ера, освојувајќи пет првенствени титули и три ФА Купа до самиот крај на владеењето на Кралицата Викторија. Во 1897 година, кога Вила ја има освоено “Двојната Круна”, тие се преселија во нивниот сегашен дом, теренот Астон Ловер. Симпатизерите го преименуваа во “Вила Парк”, но нема официјални изјави дека наведениот терен се нарекува Вила Парк. Астон Вила го има освоено нивниот шести ФА Куп во 1920 година, наскоро по нивниот спор пад кој што доведе Вила, во тоа време еден од најпознатите и најуспешните клубови во светскиот фудбал, за прв пат да падне во Втората Лига во 1936 година. Ова беше резултат на слабата одбрана, тие примиле 110 гола во 42 натпревари, кои 7 од нив ги постигнал Тед Дрејк од Арсенал во неславниот пораз на Вила Парк од 1-7. Како и сите англиски клубови, Вила пропушти седум сезони поради Втората Светска војна, па поради конфликтот, се доведоа неколку кариери на фудбалери да завршат предвреме. Како за потсетување, во 1940 година тимот повторно се изгради под водството на поранешниот играч Алекс Меси. Првиот трофеј на Астон Вила по цели 37 години дојде во сезоната 1956-1957 кога друг поранешен играч на Вила, Ерик Хогтон го доведе клубот до тогаш рекорден седми ФА Куп трофеј, поразувајќи ги во финалето “Бизбиевите бебиња” на Манчестер Јунајтед. Сепак, напорите на менаџерот Џо Мерсер ја врати Вила во првата лига како шампиони на Втората Шампионска Дивизија во 1960 година. Сезоната што следуваше ја прокламира Вила како првиот освојувач на Лига Купот. Принудното пензионирање на Мерсер од клубот во 1964 година го назначи периодот на длабоки превирања. Најуспешниот клуб во англија се обидуваше да фати чекор со промените во модерниот фудбал, ова доведе Вила во 1967 година да падне во втора лига по нејзин трет пат под водство на менаџерот Дик Тејлор. Следната сезона фановите повикаа бордот да поднесе оставка како резултат на 16. место на Вила на крајот на сезоната во Втората Дивизија. Со огромни долгови и клубот лежејќи на дното на втората лига, бордот го отпушти Томи Камингс (менаџерот кој го замени Тејлор) и по само неколку недели целиот борд поднесе оставка поради преголемиот притисок од фановите. По многубојните шпекулации, контрола врз клубот воспостави лондонскиот финансиер Пет Метјуз, исто така доведувајќи го Даг Елис на претседателската функција. Сепак, новиот сопственик не можеше да спречи Вила да падне во Третата Дивизија за прв пат кон крајот на сезоната 1969-1970. Сепак, Вила постепено почна да се опоравува под раководството на нивниот поранешен капитен Вик Кроув. Во сезоната 1917-1972 се вратија во Втората Дивизија како шампиони, со освоени рекордни 70 поени. Во 1974 година Рон Сандерс беше назначен за менаџер. Неговиот пристап како тренер се покажа многу ефикасен освојувајќи го Лига Купот следната сезона и на крајот од сезоната 1974-1975 ги врати во Првата Дивизија и во Европа. Вила се врати меѓу елитата како што Сандерс продолжи да го гради победничкиот тим. Во 1980-1981 ова доведе до освојување на седмата титула во највисоката по ранг лига. Фановите и коментаторите беа изненадени поради оставката која Сандерс ја поднесе на средината на сезоната 1981-1982, поради влошени односи со претседателот, Вила наоѓајќи се во четврт финалето на Европскиот Куп (Лига на Шампиони). Тој беше сменет од неговиот кроток асистент - менаџер Тони Бартон кој го предводеше клубот до 1-0 победа над Баерн Минхен во финалето на Европскиот Куп (Лига на Шампиони) во Ротердам со постигнатиот гол на Питер Вајт. Во сезоната што следеше, Вила беше прогласена како победник во Европскиот Супер Куп, по победата над Барселона во финалето. Ова го означи врвот на Вила, па остатокот ос славните 80-ти години од 20-от век беа прокнижени со драстичен, кулминирајќи со паѓање во втората лига во 1987 година. Следствено на ова беше промоцијата на Греам Тејлор под чие водство ги понесе во освојување на второто место во Првата Дивизија во сезоната 1989-1990. Вила беше една од основачите на Премиер Лига во 1992 година, и во истата сезона завршија зад Манчестер Јунајтед на второто место. За остатокот на деведесеттите Вила смени тројца менаџери и нејзиното на табелата во текот на сезоната беше непостојано, и покрај тоа што тие успеаја да освојат два Лига Купа и создадоа услови на стадионот кои се според УЕФА стандардите. Повторно позицијата на клубот во Лигата почна да варира под раководство на неколку различни менаџери и работите дојдоа до врвот летото 2006 година кога Дејвид О`Лири си замина со голема горчина. После 23 години поминати како Претседател и најголем акционер (приближно околу 38 %), Елис конечно одлучи да ги продаде неговите акции во Астон Вила поради болест. По многубројните шпекулации беше објавено дека клубот ќе го купи американскиот бизнисмен Ренди Лернер сопственик на американскиот рагби тим Кливленд Браунс. Пристигнувањето на Мартин О`Нил го означи стартот на периодот на оптимизам во таборот од Вила Парк и драстични промени кои се појавија потоа во клубот вклучувајќи нов симбол, нов дрес, нов спонзор и смена во тимот во летото 2007 година. Првото финале во Купот во ерата на Лернер се случи во 2010 година, кога Вила беше поразена со 2-1 во финалето на Лига Купот. Вила го направи второто појавување на Вембли, но во полуфиналниот натпревар во ФА Купот кој го загуби од Челси со 3-0. Само пет дена пред почетокот на 2010-2011 сезона, О`Нил поднесе неотповиклива оставка. Менаџерот на резервниот тим Кевин Мекдоналд ја презеде улогата на менаџер, пред клубот во септември 2010 година да го назначи Жерар Улие за постојан менаџер.

Бои и симбол[уреди]

Клубските бои се состојат од бордо боја на дресовите и небесно сина на ракавите, сини чорапи со бордо - бели елементи. Со оваа комбинација на бои бил создаден и нивниот прв дрес. Боите на клубот на почетокот биле составени од обични дресови (бели, сини или темно сини) , со бели или црни шорцеви. Неколку години после (1877-1879) тимот носеше неколку различни дресови, почнувајќи од целосно бели, сини и црни, црвени и сини до стандардно зелени. Во 1880 година, црните дресови со извезен црвен лав на градите беше претставено како идеја на Вилијам Мекгрегор. Оваа верзија на бојата на дресовите се употребуваше цели шест години. На 8. ноември 1886 година, понеделник пишан е цитат кој ќе влезе во официјалната книга на клубот:

  • “предложен и поддржан предлог кој вели дека боите на дресовите треба да бидат со чоколадна нијанса и небесно сина боја и дека треба да нарачаат околу дваесеттина”;
  • “поддржан предлог дека господин Мекгрегор треба да биде задолжен за нивно доставување по најниска цена”.

Чоколадната боја подоцна премина во бордо. Никој не знае со сигурност зошто бордо и небесно синта боја биле прифатени како клубски бои. Новиот симбол беше презентиран на 2. мај 2007 година, за сезоната 2007-2008 и понатаму. Новиот симбол исто така го сочинува и ѕвезда која го претставува трофејот освоен во Европскиот Куп 1982 година и позадината е небесно сина, позади “нескротлив лав” кој го зазема главното место на целиот симбол на Вила. Традиционалното мото “Подготвени” останува на симболот и името Астон Вила е скратено на АВФК, каде што ФК беше отфрлено од претходниот симбол. Лавот сега унифицира наспроти лавот кој пред тоа беше користен. Ренди Лернер спроведе истражување која ги опфати фановите кои потпомогнаа во дизајнирањето на новиот симбол. Три дреса кои го претставуваа новиот симбол беа претставени на 17. јули 2007 година, во трговскиот центар во Бирмингем. На 2. јуни 2008 година Астон Вила изјави дека за сезоната 2008-2009 ќе се откаже од ставање на спонзор на дресовите, во замена за тоа тие ќе ја водат добротворната организација за Детската Болница Акорнс, прв ваков договор во историјата на Лигата. Партнерството продолжи и во сезоната 2009-2010, пред да згасне во 2010 година кога комерцијален спонзор го наследи Акорнс, каде што болницата стана официјален добротворен партнер на клубот. Стадионот на Астон Вила се вика Вила Парк, кој од страна на УЕФА е оценет со пет ѕвезди, играјќи претходно на Астон Парк (1874-1876), и Пери Бар (1876-1897). Вила Парк е најголемиот стадион во областа Мидландс во Англија, го зазема осмото место по големина во државата. Стадионот бил домаќин на 16 интернационални на сениорски репрезентации, првата одржана во 1899 година, а последната во 2005 година. И покрај тоа, овој стадион е првиот на англиско тло на кој се одржувале интернационални натпревари во три века последователно. Вила Парк е најкористениот стадион за полуфиналните средби во ФА Купот, на кој бил домаќин 55 пати. Клубот доби дозвола за проширување на северниот дел на стадионот, односно ќе се пополнат празнините на двете страни на корнер - знаменцат. Ако овој проект се исполни, капацитетот на Вила Парк ќе се зголеми и ќе изнеува околу 51.000 седишта. Моментално, тренинг центрите се лоцирани во Бодимур Хит во северен Варвикшир, земјиште кое е купено од локален фармер уште во раните 1970-ти од поранешниот претседател а Вила, Даг Елис. Иако, Бодимур Хит во 70-те гопдини беше најразвиена област, до доцните 90-ти, областа почна да наликува на застарена. Во ноември 2005 година, Елис и Астон Вила, изјавија дека Бодимур ќе биде подложна на повторна реизградба која ќе чини 13 милиони фунти и ќе биде поделена на две фази. Како и да е, работата во Бофимур беше прекината од страна на Елис поради финансиски проблеми и беше оставена во недовршена состојба се додека новиот сопственик Ренди Лернер не го постави ова за приоритет и го направи во едно од најдобрите на светот. Новите тренинг - кампови официјално се отворени за јавност на 6. мај 2007 година, од страна на менаџерот Мартин О`Нил, потоа од капитенот Герет Бери и еден од победниците во Европскиот Куп од 1982 година тогашниот капитен Денис Мортимер, каде што и целиот тим на Астон Вила се преселија во сезоната 2007-2008.

Сопственост[уреди]

Споственикот на клубот Ренди Лернер

Првите акции на клубот биле издадени кон крајот на 19-от век како резултат на законот кој настојуваше да го кодификува растечкиот број на професионални тимови во Фудбалската Асоцијација на Лиги (ФА). ФА тимовите биле задолжени да достават акции до инвеститорите како начин на олеснување на тргувањето помеѓу тимовите без мешање на ФА. Ова тргување продолжи и во 20-от век, се до 1960 година кога Елис почна да ги купува поголемиот дел од акциите. Тој стана претседател и најголем акционер на Астон Вила ФК од 1968 до 1975 година, исто така беше сопственик на мнозина акции во клубот од 1982 до 2006 година. Клубот беше ставен на продажба на Лондонската Берза во 1996 година, а вредноста на акциите беше непостојана и по десет години од ставањето на продажба. Во 2006 година се објави информацијата дека неколку конзорциуми и индивидуалци сакаат да наддаваат за купување на Астон Вила. Во август 2006 година, беше потврдено дека Ренди Лернер, сопственикот на Кливленд Браубс, роден во Охајо, дошол до спогодба во вредност од 62.6 милиони фунти за купување на клубот Астон Вила. Изјавата излезе во јавност на 25. август во која се вели дека Лернер обезбедил 59.69% од акциите на Вила, станувајќи најголемиот акционер. Исто така и се назначи за Претседател на клубот. Последната година во која Елис беше таму задолжен, Вила загубила 8.2 милиони фунти пред даноците, споредено со 3 милиони фунти профит од претходната година, а приходите паднаа од 51.6 милиони фунти на 49 милиони фунти. Ренди Лернер презеде целосна контрола на 18. септември поседувајќи 89.69% од акциите. На 19. септември 2006 година, Елис и Бордот поднесоа оставка и беа сменети со нов одбор на чело со Лернер. Лернер го вработи Чарлс Крулак како надворешен директор, а Елис беше награден со почесното место Претседател во пензија.

Општествена одговорност[уреди]

Астон Вила има уникатни односи со Детската Болница Акорнс, односи какви никој досега немал во англискиот фудбал. За прв пат во Премиер Лигата, Астон Вила го отстапи местото напред на своите дресови, кое е наменето за високоплатените спонзори, за болницата Акорнс, со цел хуманитарната акција за се здобие со поголемо внимание, а со тоа и да собере што повеќе парични средства. Покрај натписот на дресовите кои тие им го отстапија, тимот исто така одвои и парични средства за околу 300 дена во кои се вршеше хуманитарна работа, обезбедување и собирање на финансиски средства за болницата, како и посети на самите играчи на болницата. Во септрември 2010 година, Астон Вила во Вила Парк започна иницијатива наречена “Храната во Вила Мидланд” каде што клубот помина две години во обучување на ученици заедно со “Гостопримството на Астон Вила и Настаните” и со Советот на градот Бирмингем. Клубот ќе отвори и ресторан на трибината Тринити Роуд каде што ќе бидат регрутирани 12 студенти во радиус од 12 километри оддалечени од Вила Парк, каде што мнозина од храната која што ќе биде сервирана во ресторанот ќе потекнува од тоа локално место.

Фанови и ривалства[уреди]

Астон Вила има најмногубројни фанови и црпи поддршка во Мидленд и пошироко, но и со поддршка од целиот свет. Поранешниот Главен Извршен Директор Ричард Фицџералд изјави дека најголемиот дел од фановите околу 98% се белци. Кога Ренди Лернер и неговиот режим го презедоа клубот, тие се стремеа да ги прошират границите на поддшка на клубот и кон другите етнички заедници. Многубројните организации се воспоставија како поддржувачи на локалната заедница вклучувајќи го и Астон Прајд. Програмата “Вила во заедницата” исто така беше имплементирана за да ги охрабри младите луѓе за да ја дадат својата поддршка. Новите сопственици исто така иницираа неколку истражувања за да се здобијат со мислењата на фановите на Вила како и тие да бида вклучени во одлучувањето за одредени работи. Се свикуваат состаноци на секои три месеци каде што се поканети и фановите по случаен избор, да поставуваат прашања до Бордот. Во март 2011 година, клубот поддржи иницијатива од фановите за официјална химна која би требало да го подигне духот на Вила Парк на повисоко ниво. Песната “Ѕвоната ѕвонат” (The Bell’s Are Ringing) требало да биде наменета да се пее пред почетокот и на крајот на секој натпревар. Како и другите англиски клубови, Астон Вила има неколку хулигански “фирми” (организации) познати како “Villa Youth”, “Streamers”, “Villa Hardcore” и “C-Crew”, со што втѕориве биле многу активни во 70-те и 80-те. Како што може да се примети низ целиот англиски фудбал, хулиганските групи се ставени под контрола. Во 2004 година хулиганите на Вила беа вмешани во тепачка со фановите на Квинс Парк Ренџерс хадвор од Вила Парк каде што загина еден редар. Главните групи на поддржувачи сега може да се најдат во голем број меѓу кои има и домашни и меѓународни поддржубачи на клубот. Ова ја вклучува и официјалната група на фанови на Астон Вила која има мали ограноци како дома, така и надвор. Во времето на Даг Елис постоеја неколку независни групи на поддржувачи, но повеќето се распуштија по неговото пензионирање. Клубските фанови исто така имаат објавено и списанија како што се “Хероите и Виланите” и “Светите Тројца”. Ривалите на Астон Вила се Бирмингем Сити, чии што натпревари меѓу овие два клуба се познати и како “Второто Градско Дерби”. Историски гледано, Вест Бромвич Албион се најголемиот ривал на Вила, според истражувањето спроведено помеѓу фановите во 2003 година. Двата тима се натпреварувале во три ФА Куп финалиња во доцниот 19-ти век. Вила може да се каже дека чувствува соперништво и против Вулверхемптон Вандерерс и Ковентри Сити. Поради паѓањето на Вест Бромвич и Бирмингем Сити во Втората Лига во сезоната 2005-2006, во сезоната 2006-2007 Вила беше единствениот тим во Премиер Лигата кој се натпреваруваше од Мидландс. Единствениот тим во кој Вила гледаше како на ривал и соперник беше Шефилд Јунајтед, кој играше 100 километри подалеку од Јоркшир. За сезоната 2010-2011, Вест Бромвич Албион, Вулверхемптон Вандерерс и Бирмингем Сити и се придружија на Вила во елитната лига. Ова го означи периодот кога “Големата Четворка” на тимови од Западен Мидлендс играле заедно во Премиер Лига во една сезона и за прв пат во најелитната англиска лига од сезоната 1983-1984.

Статистика[уреди]

До денес Астон Вила има одиграно 100 сезони во првата лига, само Евертон има одиграно повеќе од Вила, 107 сезони во највисоката по ранг лига. Како резултат на тоа, натпреварот Астон Вила против Евертон има најмногу одиграни средби во првата лига. Астон Вила е една од најголемите седум екипи која играла во Премиер Лигата од нејзиното формирање заедно со Арсенал, Евертон, Челси, Ливерпул, Манчестер Јунајтед и Тотенхем Хотспур. Вила е петта на табелата, сметано од формирањето на Премиер Лига до денес, по бројот на освоено бодови и е на четвртото место по бројот на освоени трофеи, вкупно 20. Астон Вила моментално го држат рекордот на најмногу постигнати голови во првата лига во една сезона, 128 гола во сезоната 1930-1931. Легендата на Вила, Арчи Хантер стана првиот играч кој постигнал гол во секое коло на ФА Купот во победоносната кампања на Вила во 1887 година. Најдолгиот рекорд на домашни натпревари без пораз во ФА Купот траеше цели 13 години и 19 натпревари, од 1888 до 1901 година. Астон Вила е еден од четирите англиски тима кој го имаат освоено Европскиот Куп. Тоа го постигнаа на 26. мај 1982 година во Ротердам, нанесувајќи му пораз на Баерн Минхен, благодарение на голот на Питер Вите.

Стадион[уреди]

Панорама на Вила Парк сегашниот стадион на Астон Вила,со сите четири трибини Trinity Road Stand,North Stand,Doug Ellis Stand и Holte End

Играчи[уреди]

Моментален Состав[уреди]

Бр. Нац. Позиција Играч
1 Ирска ГМ Шеј Гивен
2 Шкотска ОД Алан Хатон
4 Холандија ОД Рон Влар
5 Ирска ОД Ричард Дан
6 Ирска ОД Киаран Кларк
7 Ирска СР Стивен Ајрланд
8 Мароко СР Карим Ел Ахмади
9 Англија НП Дарен Бент
10 Франција СР Шарл Н'Зогбија
11 Англија НП Гебриел Агбонлахор
12 Англија СР Марк Олбрајтон
14 Австралија СР Брет Холман
15 Англија СР Ешли Вествуд
16 Англија СР Фабијан Делф
19 Бугарија СР Стилијан Петров
20 Белгија НП Кристијан Бентеке
Бр. Нац. Позиција Играч
21 Англија НП Џордан Боуери
22 САД ГМ Бред Гузан
25 Шкотска СР Бари Банан
26 Австрија НП Андреас Вајман
27 Англија ОД Џо Бенет
29 Ирска ОД Енда Стивенс
30 САД ОД Ерик Лихај
31 Австралија СР Крис Хрд
32 Англија ОД Нејтн Бејкер
33 Англија ГМ Енди Маршал
34 Англија ОД Метју Лоутон
35 Англија СР Даниел Џонсон
36 Ирска НП Греам Брк
37 Ирска СР Дерик Вилијамс
38 Англија СР Гери Гарднер
40 Ирска СР Самир Карутерс

Поврзано[уреди]

Премиер лига

Клубски трофеи[уреди]

Астон Вила има освоено европски и домашни трофеи, последниот беше во 1996 година во Лига Купот. Европски:

  • Европски Куп 1: 1982
  • Еврпскики Супер Куп 1: 1982-1983
  • Интертото Куп 1: 2001

Домашни:

  • Прва Шампионска Дивизија 7: 1893-1894, 1895-1896, 1896-1897, 1898-1899, 1899-1900, 1909-1910, 1980-1981
  • Втора Шампионска Дивизија 2: 1937-1938, 1959-1960
  • Трета Шампионска Дивизија 1: 1971-1972

Купови:

  • ФА Куп 7: 1887, 1895, 1897, 1905, 1913, 1920, 1957
  • Лига Куп 5: 1961, 1975, 1977, 1994, 1996
  • Комјунити Шилд 1: 1981 (поделен)
  • Воениот Куп на Фудбалската Лига 1: 1944 (поделен).

Наводи[уреди]

  1. Aston Villa Football Club information“, BBC Sport, 1 јануари 2010 (конс. 26 јуни 2007).
  2. http://www.avfc.co.uk/page/GettingToVillaPark
  3. Villa held by 10 man United (match attendance at top)“, Sky Sports, 10 февруари 2010 (конс. 11 февруари 2010).
  4. Aston Villa 1 – 1 Man Utd (match attendance at bottom)“, BBC Sport, 11 февруари 2010 (конс. 10 февруари 2010).