Крис Смолинг

Од Википедија — слободната енциклопедија
Крис Смолинг
Лични податоци
Полно име Кристофер Лојд Смолинг[1]
Роден на 22 ноември 1989(1989-11-22)(34 г.)[1]
Роден во Лондон, Англија
Држава Англија Англија
Висина &100000000000001920000001,92 м[2]
Позиција одбрана
Клупски податоци
Сегашен клуб Рома Рома
Број 6
Младинска кариера
Милвол Милвол
Мејдстоун Јунајтед Мејдстоун Јунајтед
Кариера*
Години Клуб Наст. (Гол.)
2007-2008 Мејдстоун Јунајтед Мејдстоун Јунајтед 12 (1)
2008-2010 Фулам Фулам 13 (0)
2010- Манчестер Јунајтед Манчестер Јунајтед 206 (12)
2019-Рома Рома 69 (6)
Репрезентација
2009 Англија Англија 20 1 (0)
2009-2011 Англија Англија 21 14 (1)
2011- Англија Англија 12 (0)
*Настапи и голови само на првенствени натпревари, според податок од 15 февруари 2012
‡ Настапи и голови за репрезентација, според податок од 15 февруари 2012

Кристофер Лојд „Крис“ Смолинг (англиски: Christopher Lloyd Smalling; роден на 22 ноември 1989, во Лондон) — англиски фудбалер, играч од одбраната на Рома и на англиската репрезентација.

Во текот на својата младост, Смолинг играл за академијата на Милвол, пред да замине во локалниот тим од нон-лигата Меидстоун јунајтед. Тој бил избран во екипата на училиштето Кент за играчи под 16 години во 2005 година, а подоцна напредувал и заиграл во тимот до 18 години во 2007 година. Неговите перформанси за училиштето Кент резултирале со тоа да биде повикан во англиската училишна репрезентација за ученици под-18 години во 2008 година. Во ова време Смолинг, исто така, се утврдил во првиот тим на Меидстоун јунајтед и неговите импресивни игри за клубот и земјата му носат потпишување на две-годишен договор со Мидлзборо во мај 2008 година.

Едвај еден месец по потпишувањето за Мидлзборо, сепак, Смолинг и клубот го раскинале договорот поради неговата носталгија за неговиот роден град. Набргу потоа, во јуни 2008 година, тој потпишал за Премиерлигашот, Фулам. Тој го направил своето професионално деби со нив во мај 2009 година во последниот натпревар од сезоната 2008-09 и им помогнал да стигнат до финалето во Лига Европа на крајот од сезоната.

Во јануари 2010 година, Смолинг потпишал пред-договор со Манчестер Јунајтед и му се приклучил на клубот, официјално на 1 јули. Тој го направил своето деби во официјален натпревар во Комјунити Шилд 2010 во победата над Челзи и го заработил својот прв медал во кариерата. Од своето деби, тој направил повеќе од 100 настапи за клубот.

Смолинг ја претставувал Англија на различни нивоа и во моментов е член на сениорскиот тим. Тој играл за Англија на училишно ниво под-18 години, во почетокот на 2008 година пред да го направи своето деби во селекцијата под 20 и под 21 година во 2009. Своето деби за сениорскиот тим на Англија го направил во победата со 3-0 над Бугарија на 2 септември 2011 година.

Кариера[уреди | уреди извор]

Ран живот и Меидстоун Јунајтед[уреди | уреди извор]

Смолинг е роден во Гринич, Лондон,[1] и започнал да игра фудбал на возраст од девет години за Валдерслејд Бојс. По кратко време поминато во академијата на Милвол, 16-годишниот Смолинг[3] му се приклучил на младинскиот состав на Меидстоун Јунајтед и го продолжил своето образование во "Чатам" школото за граматика.

Откако ги поминал сите младински категории на Меидстоун, тој бил прекомандуван во првиот тим од страна на тренерите Питер Нот и Тони Корнвел.[3] Смолинг го направил своето деби за првиот тим на стоунсите на 11 април 2007 година во поразот со 4-1 од Тонбриџ во Кент Сениор купот.[4] Понатаму, тој настапувал во ФА Трофи купот, а во декември 2007 Смолинг го направил своето деби во првенствен натпревар за клубот и ги одиграл сите 90 минути во ремито 1-1 против Харлоу Таун.[5] Смолинг импресионирал со својте настапи и набрзо станал витален дел од последната линија на Меидстоун, но сепак, поради повреда и репрезентативните должност направил само 11 настапи за клубот од Кент.[6] Смолинг го постигнал единствениот гол со екипата на Меидстоун, на 24 март 2008, во победата со 4-2 над Ист Тарок Јунајтед, натпревар кој се испоставил како негов последен за клубот.[7]

Фулам[уреди | уреди извор]

Смолинг со Фулам во август 2009

Откако го привлекол вниманието на клубовите од повисоките лиги како Фулам, Гилингем, Чарлтон и Рединг,[8] Смолинг потпишал две-годишен договор со Мидлзборо на 30 април 2008.[8][9] Сепак, веднаш по потпишувањето на неговиот договор со Боро трансферот бил откажан заради тоа што Смолинг бил загрижен за родното место и чувствувал носталгија,[10] па во јуни 2008 потпишал за клубот од Премиер лигата, лондонскиот Фулам.[11] Смолинг не бил под договор со Меидстоун (според правилото за учениците кој играат за Англија), па така клубот од Истмиан лигата немал право на надоместок за играчот, сепак Фулам постигнале договор со кој му исплатиле на Меидстоун Јунајтед сума од 10,000 £ за трансферот и 10.000 £ на секои десет одиграни првенствени натпревари.[12] Тој бил назначен за капитен на тимот за играчи во развој, од страна на менаџерот Били Мекинли.[13]

На 24 мај 2009 година, Смолинг го направил своето деби во Премиер лигата за Фулам, влегувајќи како замена на местото на Арон Хјуз во 77-мата минута од последниот натпревар за сезоната 2008-2009, поразот на домашен терен од Евертон со 2-0.[14] Смолинг го направил својот прв старт за Фулам на 17 септември, на гостувањето во Софија кај ЦСКА во Лига Европа, натпреварот завршил 1-1.[15] На 28 декември, Смолинг го направил својот прв старт во лигата за Фулам, во поразот со 2-1 од Челси на Стемфорд Бриџ во последниот натпревар за Фулам во 2009 година и постигнал одлучувачки автогол во 75-тата минута од натпреварот.[16]

Манчестер Јунајтед[уреди | уреди извор]

На 27 јануари 2010, Манчестер Јунајтед објавиле дека потпишале договор со Смолинг, за неоткриена сума, но играчот ќе остане во Фулам до крајот на сезоната 2009-2010. Трансферот бил официјализиран на 1 јули. Тој го направил своето деби за Манчестер Јунајтед во победата со 3-1 во пријателски натпревар против Селтик на 16 јули, и направил пенал, кој довел до единствениот гол за Селтик во натпреварот. Својот прв гол за клубот го постигнал во уште еден пријателски меч овојпат против Чивас Гвадалахара на 30 јули, стрелајќи со глава по корнерот на Дарон Гибсон, во поразот со 3-2.

Смолинг во дресот на Манчестер Јунајтед во 2011

Смолинг го направи своето деби во официјален натпревар за Јунајтед на 8 август 2010 во Комјунити Шилд, влегувајќи како замена во второто полувреме во победата со 3-1 над Челзи. Неговото деби во Премиер лигата за новиот клуб го имал на 28 август, во победата со 3-0 против Вест Хем Јунајтед, влегувајќи од клупата за резерви во 74-тата минута на местото на Џони Еванс. На 15 септември, тој го направил својот деби настап во Лигата на шампионите во ремито 0-0 на домашен терен против Ренџерс, играјќи го целиот натпревар. Осум дена подоцна Смолинг го постигнал својот прв гол за Манчестер Јунајтед, кој исто така бил неговиот прв сениорски гол во кариерата, во победата со 5-2 на гостувањето кај Сканторп Јунајтед во Лига купот. Потоа, тој го одиграл својот прв целосен натпревар во Премиер лигата за Јунајтед на 4 јануари 2011 година, играјќи како партнер на Немања Видиќ во победата со 2-1 над Стоук Сити. Сезоната ја затворил со 16 првенствени натпревари, давајќи го во нив својот придонес за рекордната 19-та титула на Манчестер Јунајтед - Првак на Англија. На 8 јули 2011 година, Смолинг потпишал нов петгодишен договор со клубот.

Смолинг го постигнал својот прв гол за сезоната 2011-2012 уште во првиот официјален натпревар на клубот, во Комјунити Шилд 2011 против градскиот соперник Манчестер Сити; по слободниот удар на Ешли Јанг, топката дошла до Смолинг кој од непосредна близина со волеј-удар ја испратил во мрежата за да го намали дефицитот на својот тим на 2-1. Манчестер Јунајтед победил во натпреварот со 3-2, после пресврт од 0-2. На почетокот на новата сезона, Смолинг се прилагодувал на новата улога во тимот, откако поради поивредите на Немања Вдиќ, Рио Фердинанд и Рафаел, бил префрлен на позицијата десен бек, додека Џони Еванс и новото засилување Фил Џонс играле како двојка централни дефанзивци. Таа позиција била нова за него затоа што во минатата сезона постојано играл во центарот на одбраната. На 18 септември 2011, Смолинг го постигнал својот прв гол во Премиер лигата во кариерата, против Челзи на Олд Трафорд во победата со 3-1. Смолинг морал да го пропушти последниот натпревар од сезоната во Премиер лигата како и Европското првенство 2012 со Англија, поради повреда на препоните со која се здобил за време на победата на Манчестер Јунајтед со 2-0 над Свонзи Сити во претпоследното коло од првенството.[17]

На 21 јули 2012 година, било најавено дека Смолинг би можел да го пропушти почетокот на сезоната, откако лекарите му предвиделе период од 10 недели за опоравување од операцијата на скршена коска. Исто така морал да ја пропушти целата пред-сезонска турнеја. Тој го направи своето враќање на теренот на 7 ноември, играјќи ги сите 90 минути во победата со 3-1 на гостувањето во Португалија кај Брага во Лигата на шампионите.[18] Три дена подоцна, тој го одиграл својот прв натпревар во Премиер лигата по пауза од пет месеци, во победата со 3-2 над Астон Вила и бил директен виновник за првиот гол.[19] На 22 април 2013, со победата од 3-0 повторно над Астон Вила (во вториот дел од сезоната), Манчестер Јунајтед станал шампион на Англија, а за Смолинг тоа била втора титула во Премиер лигата.[20]

На 27 ноември 2013 година, Смолинг го постигна својот прв погодок во Лигата на шампионите при победата со 5-0 на гостувањето кај Баер Леверкузен.[21] На 26 декември, постигнал гол во победата со 3-2 против Хал Сити.[22]

Смолинг во двобој со Дидје Дрогба од Челси во април 2015.

Сезоната 2014-2015 Смолинг ја започнал играјќи како централен дефанзивец, но во одбрана со тројца играчи, како дел од формацијата (3-4-1-2) на новиот менаџер Луј ван Гал. Првиот настап за сезоната го направил на 16 август 2014, во поразот на домашен терен од Свонзи Сити со 1-2 во Премиер лигата. На 2 ноември во Дербито на Манчестер тој бил исклучен во првото полувреме од натпреварот, а Јунајтед загубил со 1-0.[23] По натпреварот Луј ван Гал го нарекол Смолинг "глупав" заради прекршокот над Џејмс Милнер по кој го заработил вториот жолт картон во натпреварот.[24] Сепак Смолинг се вратил во акција за гостувањето кај Арсенал и играл клучна улога во одбраната при победата со 2-1. На 29 ноември, Смолинг го постигнал првиот гол во Премиер лигата за сезоната во победа над Хал Сити на Олд Трафорд со 3-0, негов прв гол на Олд Трафорд за повеќе од три години.[25][26] На 11 февруари 2015 година, се појавил во игра како замена во петтата минута и за првпат во неговата кариера постигнал два гола на еден натпревар придонесувајќи за победата со 3-1 против Барнли.[27] На 12 април 2015, тој го постигнал својот четврти гол за сезоната во победата со 4-2 над Манчестер Сити.[28] На 21 април, Смолинг потпишал нов договор со Манчестер Јунајтед во трајност до јуни 2019.[29] На 17 мај 2015, Смолинг за првпат во својата кариера ја носел капитенската лента на Манчестер Јунајтед, во ремито 1-1 против Арсенал.[30][31]

Следната сезона ја започнал како стартер играјќи во пар со Дели Блинд во централниот дел на одбраната. Својот прв гол за сезоната го постигнал на 30 септември 2015, во второто коло од групната фаза на Лигата на шампионите против Волфсбург, во победата со 2-1 на Олд Трафорд со пресврт откако германците први повеле.

Рома[уреди | уреди извор]

На 30 август 2019, Смолинг се преселил во италијанската Серија А, приклучувајќи на екипата на Рома на позајмица до крајот на сезоната за која римската екипа му платила на Манчестер Јунајтед 3 милиони евра.[32] Дебитирал во Серија А на 25 септември во натпреварот на домашен терен против Аталанта.[33]

Репрезентативна кариера[уреди | уреди извор]

Смолинг во репрезентативниот дрес

Смолинг ја претставувал Англија во неколку младински категории, почнувајќи од настапите за категоријата под 18 години на училишно ниво во 2008, потоа во селекцијата под 20 години во почетокот на 2009, а подоцна истата година го направил своето деби и во селекцијата под 21 година.

Смолинг го направил своето деби за репрезентацијата на Англија под 20 години на 31 март 2009, играјќи 45 минути во победата со 2-0 против Италија на Лофтус Роуд.[34] На 11 август, четири месеци по неговото деби за тимот под 20 години, тој го направил своето деби за тимот под 21 година во пријателски натпревар против Холандија, влагувајќи како замена во 58-мата минута во натпреварот што завршил 0-0.[35] На 14 ноември, Смолинг го направил првиот старт за репрезентацијата под 21 година во квалификациите за Европското првенство против Португалија во победата со 1-0 на Вембли.[36] Тој го постигнал својот прв гол за оваа национална категорија на 8 октомври 2010 година против Романија во првиот натпревар од баражот за пласман на Европското првенството 2011, стрелајќи од непосредна близина по асистенцијата на Џек Вилшер. Голот кој го постигнал во 83-тата минута, се покажал како да победнички за Англија во победата со 2-1.[37]

На 13 ноември 2010, Смолинг бил повикан за првпат во сениорската репрезентација на Англија за пријателскиот натпревар со Франција. Меѓутоа, не добил можност за деби и остнал неискористена резерва во натпреварот. Своето деби го направил речиси една година подоцна, на 2 септември 2011, во квалификациите за Евро 2012 против Бугарија, играјќи како десен бек.

На 12 мај 2014 година, Смолинг бил избран во списокот од 23 играчи кој ја претставувале Англија на Светското првенство 2014.[38] Откако Англија била елиминрана, Смолинг го направил своето деби на турнирот играјќи како стартер во последниот натпревар од групната фаза, помагајќи на тимот да не прими гол во ремито 0-0 со Костарика во Бело Хоризонте.[39]

Хронологија на репрезентативните настапи[уреди | уреди извор]

Хронологија на настапи и постигнати голови за националната селекција ― Англија
Дата Град Домашни Резултат Гости Натпреварување Голови Инфо Детали
2-9-2011 Софија Бугарија Бугарија 0 – 3 Англија Англија Квал. за Евро 2012 -
6-9-2011 Лондон Англија Англија 1 – 0 Велс Велс Квал. за Евро 2012 -
29-2-2012 Лондон Англија Англија 2 – 3 Холандија Холандија Пријателска - заменет 64'
6-2-2013 Лондон Англија Англија 2 – 1 Бразил Бразил Пријателска -
22-3-2013 Серавале Сан Марино Сан Марино 0 – 8 Англија Англија Квал. за СП 2014 -
26-3-2013 Подгорица Црна Гора Црна Гора 1 – 1 Италија Италија Квал. за СП 2014 -
15-10-2013 Лондон Англија Англија 2 – 0 Полска Полска Квал. за СП 2014 -
15-11-2013 Лондон Англија Англија 0 – 2 Чиле Чиле Пријателска - влегол во игра 57' добил жолт картон во 64-тата минута 64'
19-11-2013 Лондон Англија Англија 0 – 1 Германија Германија Пријателска -
5-3-2014 Лондон Англија Англија 1 – 0 Данска Данска Пријателска -
30-5-2014 Лондон Англија Англија 3 – 0 Перу Перу Пријателска - влегол во игра 73'
4-6-2014 Мајами Еквадор Еквадор 2 – 2 Англија Англија Пријателска -
24-6-2014 Бело Хоризонте Костарика Костарика 0 – 0 Англија Англија СП 2014-1 фаза -
15-11-2014 Лондон Англија Англија 3 – 1 Словенија Словенија Квал. за Евро 2016 - влегол во игра 89'
18-11-2014 Глазгов Шкотска Шкотска 1 – 3 Англија Англија Пријателска -
31-3-2015 Торино Италија Италија 1 – 1 Англија Англија Пријателска - заменет 44'
7-6-2015 Даблин Ирска Ирска 0 – 0 Англија Англија Пријтелска -
14-6-2015 Љубљана Словенија Словенија 2 – 3 Англија Англија Квал. за Евро 2016 -
8-9-2015 Лондон Англија Англија 2 – 0 Швајцарија Швајцарија Квал. за Евро 2016 - добил жолт картон во 71-вата минута 71'
9-10-2015 Лондон Англија Англија 2 – 0 Естонија Естонија Квал. за Евро 2016 -
13-11-2015 Аликанте Шпанија Шпанија 2 – 0 Англија Англија Пријателска - заменет 44'
26-3-2016 Берлин Германија Германија 2 – 3 Англија Англија Пријателска -
29-3-2016 Лондон Англија Англија 1 – 2 Холандија Холандија Пријателска - заменет 70'
27-5-2016 Сандерленд Англија Англија 2 – 1 Австралија Австралија Пријателска -
2-6-2016 Лондон Англија Англија 1 – 0 Португалија Португалија Пријателска 1
11-6-2016 Марсеј Англија Англија 1 – 1 Русија Русија Евро 2016 - Прва фаза - дет.
16-6-2016 Ленс Англија Англија 2 – 1 Велс Велс Евро 2016 - Прва фаза - дет.
20-6-2016 Сент-Етјен Словачка Словачка 0 – 0 Англија Англија Евро 2016 - Прва фаза - дет.
27-6-2016 Ница Англија Англија 1 – 2 Исланд Исланд Евро 2016 - Осминафинале - дет.
22-3-2017 Дортмунд Германија Германија 1 – 0 Англија Англија Пријателска - заменет 84'
10-6-2017 Глазгов Шкотска Шкотска 2 – 2 Англија Англија Квал. за СП 2018 -
Вкупно Настапи 31 Голови 1

Титули[уреди | уреди извор]

Англија Манчестер Јунајтед[уреди | уреди извор]

Наводи[уреди | уреди извор]

  1. 1,0 1,1 1,2 Hugman, Barry J., уред. (2010). The PFA Footballers' Who's Who 2010–11. Mainstream Publishing. стр. 382. ISBN 978-1-84596-601-0.
  2. „Chris Smalling“. ManUtd.com. Manchester United. Посетено на 30 June 2011.
  3. 3,0 3,1 Jolly, Richard (2011-10-09). „Chris Smalling steps up to prove his class | Football | Sport | Daily Express“. Express.co.uk. Посетено на 2014-05-12.
  4. Tunnell, Ruth (11 April 2007). „Maidstone United 1–4 Tonbridge Angels“. MaidstoneUnited.co.uk. Maidstone United. Архивирано од изворникот на 2013-06-05. Посетено на 13 June 2011.
  5. Tunnell, Ruth (11 December 2007). „Maidstone United 1–1 Harlow Town“. MaidstoneUnited.co.uk. Maidstone United. Архивирано од изворникот на 2007-12-21. Посетено на 11 December 2007.
  6. „The Rise And Rise of Chris Smalling“. MaidstoneUnited.co.uk. Maidstone United. Архивирано од изворникот на 2013-06-05. Посетено на 2015-04-10.
  7. Tunnell, Ruth (24 March 2008). „East Thurrock United 2–4 Maidstone United“. MaidstoneUnited.co.uk. Maidstone United. Архивирано од изворникот на 2008-04-05. Посетено на 24 March 2008.
  8. 8,0 8,1 „News – February 2008“. MaidstoneUnited.co.uk. Maidstone United Football Club. 18 February 2008. Архивирано од изворникот на 2013-06-05. Посетено на 30 June 2011.
  9. Young, Colin (6 May 2008). „Boro boost their ranks as young England defender Smalling signs on at The Riverside“. DailyMail.co.uk. Daily Mail Online. Посетено на 6 May 2008.
  10. Howard, Tim (30 May 2008). „Craven Cottage switch for Boro signing Smalling“. KentNews.co.uk. Kent News. Архивирано од изворникот на 2014-12-05. Посетено на 10 December 2013.
  11. Beattie, Chris (4 January 2009). „Chris Smalling: Fulham move proof there's talent outside Football League“. TribalFootball.com. Tribal Football. Посетено на 10 December 2013.
  12. „Chris Smalling: Sam Wallace: It's sad that Maidstone miss out on share of £10m Smalling windfall“. Independent.co.uk. The Independent. 8 February 2010. Посетено на 8 February 2010.
  13. „Pathway to Success“. fulhamfc.com. Fulham FC. 4 June 2009. Посетено на 10 December 2013.
  14. „Fulham v Everton“. fulhamfc.com. Fulham FC. 24 May 2009. Посетено на 10 December 2013.
  15. Lyon, Sam (17 September 2009). „CSKA Sofia 1–1 Fulham“. BBC Sport. British Broadcasting Corporation. Посетено на 17 September 2009.
  16. Hughes, Ian (28 December 2009). „Chelsea 2–1 Fulham“. BBC Sport. British Broadcasting Corporation. Посетено на 28 December 2009.
  17. Tuck, James (11 May 2012). „Smalling out of Euro 2012“. ManUtd.com. Manchester United. Посетено на 11 May 2012.
  18. "Braga 1–3 Man Utd" BBC Sport. 7 November 2012. Преземено 29 ноември 2012.
  19. "Aston Villa 2–3 Man Utd" BBC Sport. 10 November 2012. Преземено 29 ноември 2012.
  20. Хет-трик на Ван Перси за 20. титула на Манчестер Јунајтед daily.mk Преземено 10 април 2015
  21. "Bayer Leverkusen 0–5 Man Utd" BBC Sport. 27 November 2013. Преземено 27 ноември 2013.
  22. "Hull City 2–3 Manchester United" BBC Sport. 26 December 2013. Преземено 26 December 2013.
  23. McNulty, Phil (2 November 2014). „Man City 1–0 Man Utd“. BBC Sport. Посетено на 2 November 2014.
  24. „Man Utd: Louis Van Gaal angry at 'stupid' Chris Smalling“. BBC Sport. 2 November 2014. Посетено на 2 November 2014.
  25. http://www.bbc.co.uk/sport/0/football/30065812
  26. http://www.bbc.co.uk/sport/0/football/30156606
  27. „Manchester United 3 Burnley 1: Two goals from Chris Smalling bright spots in abject performance“. The Telegraph. Посетено на 12 February 2015.
  28. „Manchester United 4–2 Manchester City“. BBC Sport. 12 April 2015. Посетено на 13 April 2015.
  29. „Smalling signs new contract“. Manchester United F.C. 21 April 2015. Посетено на 21 April 2015.
  30. „Chris Smalling named Manchester United captain for clash with Arsenal at Old Trafford“. Daily Mirror. London. 17 May 2015. Посетено на 18 May 2015.
  31. „Louis van Gaal: Why I named Chris Smalling captain for Arsenal clash“. Daily Express. London. 17 May 2015. Посетено на 18 May 2015.
  32. „Chris Smalling: Manchester United defender joins Roma on loan“. BBC Sport. 30 August 2019. Посетено на 30 August 2019.
  33. „Zapata-de Roon, l'Atalanta sbanca 2-0 l'Olimpico“. Посетено на 2019-09-25.
  34. „Lions' Loftus roar“. TheFA.com. The Football Association. 31 March 2009. Посетено на 31 March 2009.
  35. „New-look Under-21s draw comfort in Holland“. TheFA.com. The Football Association. 11 August 2009. Посетено на 10 December 2013.
  36. „Rose blooms as England beat Portugal“. TheFA.com. The Football Association. 14 November 2009. Посетено на 10 December 2013.
  37. Williams, Richard (8 October 2010). „Chris Smalling gives England slender advantage over Romania Under-21s“. Guardian.co.uk. The Guardian. Посетено на 10 December 2013.
  38. „World Cup 2014: England name Ross Barkley in squad“. BBC Sport. 12 May 2014. Посетено на 25 June 2014.
  39. Taylor, Daniel (24 June 2014). „England end disappointing World Cup with barren draw against Costa Rica“. The Guardian. Посетено на 25 June 2014.

Надворешни врски[уреди | уреди извор]