Општина Брвеница

Проверена верзија на оваа страница, одобрена на 1 август 2020, се засноваше на оваа преработка.

Општина Брвеница



Знаме	Грб
Општи податоци
Седиште	Брвеница
Регион	Предлошка:Грбови
Површина	164,3 км²
Основана	2004
Службен јазик	македонски и албански
Демографија
Население	15.855 жит.
- проценка од 31 декември 2016	16.590 жит.
Густина	96,50 жит./км²
Населени места	10 Блаце, Брвеница, Волковија, Гургурница, Долно Седларце, Милетино, Радиовце, Стенче, Теново и Челопек
Народности	Македонци и Албанци
Самоуправа
Градоначалник	Енвер Пајазити
Совет	15 члена
Контактни податоци
Седиште	Маршал Тито б.б. 1216, Брвеница, Тетово.
Телефон	044 456-005
Факс	044 456-015

Општина Брвеница — општина во северозападна Македонија. Центар на општината е селото Брвеница. Опшината опстојува како посебна од 1996 и опфаќа 10 села покрај Сува Гора. Населението на општината е воглавно македонско и албанско.

Географиja

Општината е формирана во 1996 година со Законот за територијална организација на Република Македонија. Пред 1996 година, територијата на општина Брвеница беше составен дел од општина Тетово. Брвеница е рурална општина и граничи со општините: Тетово, Боговиње, Желино, Гостивар, Врапчиште и Македонски Брод. Низ општината поминува реката Вардар. Покрај реката Вардар, значајни географски форми во општината се Полошката Котлина и планината Сува Гора, која се протега низ целата општина. Во рамките на општината е и дел од езерото Козјак.

Брвеница спаѓа во руралните општини и опфаќа 10 населени места, организирани во 11 месни заедници и тоа: Брвеница, Долно Седларце, Горни и Долни Челопек, Милетино, Радиовце, Блаце, Стенче, Волковија, Теново и Гургурница. Шест од овие месни заедници се рамничарски, четири ридски и едно планинско.

На подрачјето на општината во периодот од формирањето на општината, поточно од 1997 годна со финансиска помош на државата и невладини организаци е изграден водовод во следните населени места: Брвеница и Долно Седларце, Милетино, Стенче и Радиовце.^[1]

Стопанство

Главни стопански гранки во општината се земјоделството, градинарството и сточарството. Постојат и повеќе мали индустриско-производни капацитети во различни села од општината.

Демографија

Според пописот на население од 2002 година, општината има вкупно население од 15.855 жители со густина на население од 96,50 жители на километар квадратен. Етничкиот состав на општината бил следниот:^[2]^[3]

Народ	Број	Удел (%)
Македонци	5.949	37,53
Албанци	9.770	61,62
Срби	78	0,49
Турци	2	0,01
Бошњаци	1	0,01
останати	55	0,35

Вероисповед	Вкупно
православни	5.933
муслимани	9.781
католици	7
протестанти	0
останати	134

Јазик	Вкупно
македонски	6.005
албански	9.778
турски	0
ромски	0
влашки	0
српски	30
бошњачки	1
останати	41

Население по населено место

	Македонци	Турци	Срби	Бошњаци	Албанци	останати и непознато
апсолутно мнозинство
релативно мнозинство

Општина Брвеница	Вкупно	Македонци	Албанци	Турци	Бошњаци	Срби	останати
Блаце	344	344
Брвеница	2,918	2.834			1	68	15
Волковија	270	270
Гургурница	1556	1	1,549				6
Долно Седларце	693	690				3
Милетино	1,986	642	1,336			2	6
Радиовце	1,049	346	691			3	9
Стенче	150	149				1
Теново	1,602	210	1,391				1
Челопек	5,287	463	4,803	2		1	18
Вкупно	15,855 100,00%	5.949 37,53%	9.770 61,62%	2 0,01%	1 0,01%	78 0,49%	55 0,35%

На табелата е прикажан националниот состав на населението во општината низ сите пописни години:^[4]

Години	Македонци	Албанци	Турци	Роми	Власи	Срби	Бошњаци	Ост.	Вкупно
1948	—	—	—	—	—	—	—	—	8.720
1953	4.870	4.366	44	4	—	102	...	12	9.398
1961	5.079	5.003	101	...	...	83	...	61	10.327
1971	5.011	6.418	99	5	...	81	...	71	11.685
1981	5.613	7.963	43	—	—	73	...	142	13.834
1994	5.905	8.793	3	—	—	79	...	13	14.793
2002	5.949	9.770	2	2	—	78	—	55	15.855

Во пописот од 1953 година, Македонците сочинувале 51,8 %, а Албанците 46,4 % од населението во општината. По зголемувањето на бројот на Албанци во општината, нивниот процент се зголемува на 61,2 %, а на Македонците се намалува на 37,5 %.

Иселеништво

Населението на општината во однос на пописот е значително намалено, поради иселувањето. Голем дел од албанското население е иселено во странство. Иселувањето на македонското население е нешто помало, и воглавно е во правец село-град и дел во странство.

Општествени установи

Училишта

Во општината функционираат следните централни училишта:

Цркви

Црква „Св. Константин и Елена“ - Блаце
Црква „Св. Троица“ - Блаце
Црква „Св. Георги"- Блаце
Црква „Св. Атанасиј“ - Брвеница - изградена во 1922 година, а осветена во 1930 година. Подигната е врз темели на црква од 1628 г.^[5]
Црква „Св. Архангел Михаил“ - Брвеница
Црква „Св. Атанасиј“ - Радиовце

Самоуправа и политика

Градоначалник на општина Брвеница е Енвер Пајазити, кој бил реизбран за трет мандат на локалните избори во 2017 како независен кандидат.^[6] Општината има вкупно 15 советници кои го претставуваат 10 села од општината. Според последните локални избори од 2017 година, членовите на советот според припадноста на политичките партии е следен:

Во склоп на општина Брвеница се следниве села: Блаце, Брвеница, Волковија, Гургурница, Долно Седларце, Милетино, Радиовце, Стенче, Теново и Челопек.

Културни и природни знаменитости

Стенчевска тврдина
Ранохристијанска епископија с.Стенче
Тумба Потсело - неолитска населба
Градиште - Брежине - населба и некропола од доцноантичкото време;
Кукул - археолошко наоѓалиште;
Змијанец - една од 16^те ранохристијански базилики во Полог

Личности

Некои од поистакнатите личности од општината се:

Јован Павловски, Познат македонски писател
Рајко Аврамовски (†1989), Борец во НОБ,пор. функционер на општина Жеровјане
Живко Стефановски (†2008), Регионален функционер, писател и публицист
Душко Милевски (†2005), Примариус д-р, спортски работник
Бошко Стефаноски (†2005),економист и писател
Стојчевски Атанас - Спиро (†1943) - жртва во логорот „Јасеновац“
Софре Ѓорѓевски (? – ?, 1963) - македонски војвода.
Владо Бучковски (делумно потекло)
Војо Михајловски политичар
Кузман Сотировски - Чокалија (16 октомври 1908 - Париз, 25 јуни 1990) - македонски фудбалер и прв македонски олимпиец
Љубе Бошковски - македонски политичар.

Поврзано

Наводи

↑ Civil World Macedonia
↑ Попис на населението во Македонија, 2002
↑ „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.
↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
↑ „Архиерејска Божествена Литургија во чест на свети Атанасиј Александриски во с. Брвеница“. МПЦ - ОА. 5 февруари 2007. Посетено на 2010-04-29.
↑ „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

Надворешни врски

[1] Civil World Macedonia

[2] Попис на населението во Македонија, 2002

[ДЗС-3] „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.

[4] Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.

[5] „Архиерејска Божествена Литургија во чест на свети Атанасиј Александриски во с. Брвеница“. МПЦ - ОА. 5 февруари 2007. Посетено на 2010-04-29.

[6] „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

[1]

[2]

[3]

[4]

[5]

[6]