Блаце (Тетовско)

Од Википедија — слободната енциклопедија
Прејди на прегледникот Прејди на пребарувањето
Блаце
Блаце is located in Македонија
Блаце
Местоположба на Блаце во Македонија
Координати 41°53′41″N 21°1′13″E / 41.89472° N; 21.02028° E / 41.89472; 21.02028Координати: 41°53′41″N 21°1′13″E / 41.89472° N; 21.02028° E / 41.89472; 21.02028
Општина Coat of arms of Municipality of Brvenica.svg Брвеница
Население 344 жит.
(поп. 2002)
Шифра на КО 28002
Надм. вис. 839 м
Блаце на општинската карта
Блаце во Општина Брвеница.svg

Атарот на Блаце во рамките на општината
Commons-logo.svg Блаце на Ризницата


Блаце — село во Општина Брвеница, во околината на градот Тетово.

Географиja и местоположба[уреди | уреди извор]

Традиционална архитектура во Блаце

Блаце се наоѓа на планината Сува Гора и е на надморска височина околу 839.Селото во претходниот век се наоѓало на повисока надморска височина.

Историja[уреди | уреди извор]

Во XIX век селото е дел од Тетовската каза во Отоманското Царство.

На 31 август 1944 година селото е нападнато од балисти со единствена цел да палат, пљачкосуваат и убиваат. До темели се изгорени 13 куќи и ѕверски се убиени 12 невини жители.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Блаце живееле 440 жители, сите Македонци.[1]

Според егзархискиот секретар („La Macédoine et sa Population Chrétienne“) во 1905 година во Волковија имало 360 Македонци, под врховенството на Бугарската егзархија.[2]

Според Афанасиј Селишчев во 1929 година, селото било дел од Милетинска општина и имало 62 куќи и 357 жители, Македонци.[3]

Според последниот попис на населението на Македонија од 2002 година, селото има 344 жители. Следува табела на националната структура на населението[4]

Националност Вкупно
Македонци 344
Турци 0
Роми 0
Албанци 0
Власи 0
Срби 0
Бошњаци 0
останати 0

На табелата е прикажана состојбата на населението во сите пописни години:[5]

Година 1900 1905 1929 1948 1953 1961 1971 1981 1991 1994 2002
Население 440[1] 360[2] 357[3] 442 471 513 493 385 362 375 344

Родови[уреди | уреди извор]

Блаце е македонско село.

Според истражувањата од 1947 година, родови во селото се:

  • Коруновци (16 к.) Староседелци. Имаат иселеници во Милетино;
  • Љочковци или Грујовци (15 к.) Староседелци. Имаат иселеници во Стенче (домазет), Скопје (едно семејство) и во Ниш (едно семејство);
  • Грнчаровци (8 к.) Староседелци. Имаат иселеници во Брвеница, Копаница, Милетино, Тетово (едно семејство) и во Белград (едно семејство);
  • Мартиновци (11 к.) Староседелци. Имаат иселеници во Тетово (едно семејство) и во Романија (едно семејство)
  • Лековци (3 к.) староседелци.
  • Николовци или Домазетовци (7 к.) потекнуваат од домазет кој се доселил од сега албанското село Пршовце, го знаат следното родословие: Веселин (жив на 47 г. во 1940-тите) Трпче-Тодор-Петре-Тримче-Никола, основачот на родот кој се доселил. Имаат иселеници во Тетово (едно семејство) и во Стенче;
  • Лукаревци или Богојевци (8 к.) доселени се од поречкото село Лупште. Имаат иселеници во Милетино, Челопек (домазет), Скопје (две семејства) и во Романија (едно семејство);
  • Тачеј или Шопевци (4 к.) рано се доселени однекаде. Имаат иселеници во Челопек и Брвеница[6]

Општествени установи[уреди | уреди извор]

Црквата „Св. Георгиј“
Црквата „Св. Константин и Елена“

Селото има три цркви и тоа:[7]

Самоуправа и политика[уреди | уреди извор]

Изборно место[уреди | уреди извор]

Во селото постои изборното место бр. 2046 според Државната изборна комисија, сместени во просториите на основното училиште.[8]

На претседателските избори во 2019 година, на ова изборно место биле запишани вкупно 262 гласачи.[9]

Култура и спорт[уреди | уреди извор]

Во блаце на 4 јули 1969 по турнир во соседното село Милетино се формирал фудбалски клуб. Клубот го добил името „4 јули“ според името кога бил формиран. Натпреварите се играле на стадионот „Грбавица“ кој се наоѓа под селото.

Иселеништво[уреди | уреди извор]

Од Блаце се иселиле многу луѓе, односно многу фамилии. Поради тоа, бројот на населението е помал за разлика од историските податоци.

Наводи[уреди | уреди извор]

  1. 1,0 1,1 Кънчов, Васил. „Македония. Етнография и статистика“. София, 1900, стр.212.
  2. 2,0 2,1 Brancoff, D.M. "La Macédoine et sa Population Chrétienne". Paris, 1905, р.122-123.
  3. 3,0 3,1 Селищев, Афанасий. „Полог и его болгарское население. Исторические, этнографические и диалектологические очерки северо-западной Македонии“. - София, 1929, стр.23.
  4. Попис на населението, домаќинствата и становите во Република Македонија, 2002 - Книга X
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  6. Трифуноски, Јован (1976). Полог. Белград: САНУ.
  7. „П Р А З Н И Ц И кога се собира повеќе народ во црквите и манастирите во Тетовското Архиерејско Наместништво“. Архиерејско намесништво Тетово. Посетено на 2010-05-02.
  8. „Описи на ИМ“. Посетено на 3 ноември 2019.
  9. „Претседателски избори 2019“. Посетено на 3 ноември 2019.

Поврзано[уреди | уреди извор]

Надворешни врски[уреди | уреди извор]