Липјан

Од Википедија — слободната енциклопедија
Прејди на прегледникот Прејди на пребарувањето
Липјан
Липјан is located in Македонија
Липјан
Местоположба на Липјан во Македонија
Координати 41°57′51″N 21°0′56″E / 41.96417° N; 21.01556° E / 41.96417; 21.01556Координати: 41°57′51″N 21°0′56″E / 41.96417° N; 21.01556° E / 41.96417; 21.01556
Регион Logo of Polog Region.svg Полошки
Општина Coat of arms of Želino Municipality.svg Желино
Област Долни Полог
Население нема жит.
(поп. 2002)
Шифра на КО
Надм. вис. 422 м


Липјан или Липјане — историско село на територијата на Општина Желино, Тетовско. Денес местото е во крајниот западен дел од атарот на с .Стримница.

Географија[уреди | уреди извор]

Селото се наоѓало во областа Долни Полог, на десниот брег на реката Вардар, на околу 1,5 км југозападно од Стримница.

Историја[уреди | уреди извор]

Познато е дека селото постоело уште од средниот век, и сè до неговото иселување било населено со Македонци. Во турските документи од 1467-68 г. се спомнува како село со 12 семејства, под надлежност на молк (лице со воени заслуги). Во 1795 г. е спомнато во тапијата на Реџеп-паша, кој селото му го подарува на Тетовското теќе.[1]

Липјан е раселен некаде во првата половина на XIX век. Неколку семејства се преселиле во Челопек (од родовите Трајковци и Гуној), а едно во Жилче (од родот Стојчевци).[2] Тие родови подоцна имале иселеници во Тетово, Скопје, Пловдив и други места.[1]

Во 1896 г. во книгата „Материјали по изучувањето на Македонија“, Ѓорче Петров го спомнува Липјан како веќе поранешно село, наречено по многуте липи на тоа место. Раскажува дека неговото население останало во сеќавањето како предавничко уште од времето на доаѓањето на Турците, кога самите ги повикале во Тетовско за да им помогнат да им се одмаздат на околните села од кои биле претходно малтретирани.[3]

Поврзано[уреди | уреди извор]

Наводи[уреди | уреди извор]

  1. 1,0 1,1 Петрушевски, Илија (2009). Исчезнати селски населби и села со променети имиња во Полог. Тетово: Здружение „Лешок“. стр. 51. ISBN 978-9989-2507-3-6.
  2. Трифуноски, Јован (1976). Полог. Белград: САНУ.
  3. Г. Петров, Материали по изучаванието на Македония, София 1896, стр. 455.