Кодракалангочит (Црвивци)

Кодракалангочит — археолошко наоѓалиште во кичевското село Црвивци. Претставува населба од неолитско време. Се наоѓа на околу 500 м југозападно од селото и на околу 150 м од Зајаска Река. На благата падина под ридот Чука, што постепено се спушта кон полето, поточно во приватни ниви, што зафаќаат простор од 3 декара, има множество фрагменти од керамички садови, орудија од кремен и куќен лепеж. Според фактурата, бојата и другите типолошки карактеристики на керамиката, населбата е среднонеолитска и културно блиска на велушко-породинската група од Пелагонија.

Поврзано

• Латинска црква — црква од средниот век;
• Црвивци;
• Список на археолошки наоѓалишта во Кичевско;