Долна Саксонија

Од Википедија — слободната енциклопедија
Прејди на: содржини, барај
Долна Саксонија
Land Niedersachsen (германски)
Land Neddersassen (долносаксонски)
Lound Läichsaksen (затерландски фризиски)
—  Сојузна покраина  —

Знаме

Грб
Координати: 52°45′22″ СГШ 9°23′35″ ИГД / 
Држава Германија
Главен град Хановер
Управа
 • Министер-претседател Штефан Вајл (SPD)
 • Владејачки партии SPD / Зелени
 • Гласови во Бундесратот 6 (од 69)
Површина
 • Вкупно 47.624,22 км2
Население (2013-12-31)[1]
 • Вкупно 7.790.559 жит.
Час. појас CET (UTC+1)
 • Лете (DST) CEST (UTC+2)
ISO 3166 DE-NI
БДП € 213.97 млрд. (2010)
NUTS-регион DE9
Портал www.niedersachsen.de

Долна Саксонија (германски: Niedersachsen; долногермански: Neddersassen; холандски: Nedersaksen) — сојузна покраина сместена во северозападниот дел на Германија и втор по површина, со 47.624 км² и четврта по население (8 милиони) помеѓу шеснаесетте покраини во Германија. Во руралните делови, сè уште се говорат севернодолносаксонски, дијалект на долногерманскиот и затерландски фризиски, вид на фризискиот, но бројот на говорници опаѓа.

Долна Саксонија се граничи со (од север надесно) Северното Море, сојузните покраини Шлезвиг-Холштајн, Хамбург, Мекленбург-Западна Померанија, Бранденбург, Саксонија-Анхалт, Тирингија, Хесен и Северна Рајна-Вестфалија и Холандија. Понатаму, покраината Бремен создава две енклави во рамките на Долна Саксонија, едната е градот Бремен, а другата пристанишниот град Бремерхафен. Всушност, Долна Саксонија се граничи со повеќе соседи отколку било која друга сојузна покраина. Поголеми градови покрај главниот покраински град Хановер, се следниве: Брауншвајг, Линебург, Оснабрик, Олденбург, Хилдесхајм, Волфенбител, Волфсбург и Гетинген.

Северозападниот дел на Долна Саксонија, кој се наоѓа на брегот на Северното Море, е наречен Источна Фризија и седумте Источнофризиски Острови до брегот се омилени од туристите. На крајниот запад на Долна Саксонија е Емсланд, традиционална сиромашна и малку населена област, каде некогаш преовладувале непристапните мочуришта. Северната половина на Долна Саксонија, исто така позната како Северногерманска Низина, е скоро целосно рамна освен малите ридови околу Бремен. Кон југ и југозапад се наоѓаат северните делови на Средногерманските висорамнини: Везерските висорамнини и планините Харц. Помеѓу овие две се наоѓаат Долносаксонските ридови, масив на ниски ридови. Така, Долна Саксонија е единствената сојузна покраина која поседува морска и планинска област.

Поголемите градови и економски средишта на Долна Саксонија главно се наоѓаат во нејзините средишни и јужни делови, освен Олденбург кој се наоѓа близу северозападниот брег. Областа на североисток, близу Линебург, е наречена Линебуршка степа, најголема таква област во Германија и во средновековниот период богата поради рудниците за сол и трговијата со сол, како и поради помалиот степен на искористување на мочуриштата до околу 1960-тите години. На север, реката Елба ја дели Долна Саксонија од Хамбург, Шлезвиг-Холштајн, Мекленбург-Западна Померанија и Бранденбург. Бреговите јужно од Елба се познати како Алтес Ланд („Стара земја“). Поради нејзината умерена локална клима и плодна почва е најголема област за овоштарство во покраината, главно на јаболка.

Поголем дел од територијата на покраината била дел од историското Кралство Хановер; покраината Долна Саксонија го прифатила грбот и другите симболи на поранешното кралство. Била создадена со спојување на Државата Хановер со неколку помали држави во 1946 година.

Географија[уреди | уреди извор]

Местоположба[уреди | уреди извор]

Долна Саксонија има природна граница на север со Северното Море и долниот и средниот тек на реката Елба, иако делови на градот Хамбург лежат јужно од Елба. Градот-држава Бремен е енклава целосно опкружена од Долна Саксонија. Метрополитенската област Бремен/Олденбург е заедничка тело за областа на енклавата. На југоисток, покраинската граница поминува низ Харц, ниски планини, дел од германските Средни Висорамнини. Североистокот и западот на покраината — кој создава околу три четвртини од нејзината површина — припаѓаат на Северногерманската Низина, додека на југ се Долносаксонските ридови, вклучувајќи ги Висорамнини Везер, Висорамнини Лајне, Шаумбург Ланд, Брауншвајгер Ланд, Унтерајхсфелд, Елм и Лапвалд. На североисток во Долна Саксонија се наоѓа Линебуршкото поле (или степа). Степата е преовладувана од сиромашна песочна почва, додека во источниот и југоисточниот дел се наоѓаат попродуктивни почви со висока природна плодност. Со вакви услови — со глина и песок — земјата е добро развиена во земјоделството. На запад се наоѓаат Грофството Бентхајм, Оснабрик Ланд, Емсланд, Олденбург Ланд, Амерланд, Олденбург Минстерланд и на брегот Источна Фризија.

Во покраината се наоѓаат неколку големи реки кои течат на север: Емс, Везер, Алер и Елба.

Највисока планина во Долна Саксонија е Вурмберг (971 м) во Харц. Поголем дел од планините и ридовите се наоѓаат во југоисточниот дел на покраината. Најниска точка во покраина, на околу 2,5 метри под морето, е депресијата близу Фрепзум во Источна Фризија.

Покраинското стопанство, население и инфраструктура се наоѓаат околу градовите Хановер, Штатхаген, Келе, Брауншвајг, Волфсбург, Хилдесхајм и Залцгитер. Заедно со Гетинген во јужна Долна Саксонија го создаваат јадрото на метрополитенската област Хановер-Брауншвајг-Гетинген-Волфсбург.

Административна поделба[уреди | уреди извор]

Долна Саксонија е поделена на 38 области (Landkreise или само Kreise):

Карта на областните граници во Долна Саксонија
  1. Амерланд
  2. Аурих
  3. Бентхајм
  4. Целе
  5. Клопенбург
  6. Куксхавен
  7. Дипхолц
  8. Емсланд
  9. Фризија
  10. Гифхорн
  11. Гослар
  12. Гетинген
  13. Хамелин-Пирмонт (Hameln-Pyrmont)
  1. Хановер (Hannover)
  2. Харбург
  3. Хелмштед
  4. Хилдесхајм
  5. Холцминден
  6. Лер
  7. Лихоу-Даненберг
  8. Линебург
  9. Нинбург
  10. Нортхајм
  11. Олденбург
  12. Оснабрик
  13. Остерхолц
  1. Остероде
  2. Пеине
  3. Ротенбург
  4. Шаумбург
  5. Золтау-Фалингбостел
  6. Штаде
  7. Уелцен
  8. Вехта
  9. Верден
  10. Везермарш
  11. Витмунд
  12. Волфенбутел

Исто така, има и осум независни градови, кои не припаѓаат на ниедна област:

  1. Брауншвајг (Брунзвик)
  2. Делменхорст
  3. Емден
  4. Олденбург
  5. Оснабрик
  6. Залцгитер
  7. Вилхелмсхафен
  8. Волфсбург

Политика[уреди | уреди извор]

Листа на премиери на Долна Саксонија[уреди | уреди извор]

  1. 1946 - 1955: Хинрих Вилхелм Копф (СДП)
  2. 1955 - 1959: Хајнрих Хелвеге (ГП)
  3. 1959 - 1961: хинрих Вилхелм Копф (СДП)
  4. 1961 - 1970: Георг Дидерихс (СДП)
  5. 1970 - 1976: Алфред Кубел (СДП)
  6. 1976 - 1990: Ернст Албрехт (ХДУ)
  7. 1990 - 1998: Герхард Шредер (СДП)
  8. 1998 - 1999: Герхард Глоговски (СДП)
  9. 1999 - 2003: Зигмар Габриел (СДП)
  10. од 2003: Кристијан Вулф (СДП)

Надворешни врски[уреди | уреди извор]

  1. „Густина на населеноста на градовите и окрузите - Став 31.12.2013“. Служба за статистика и комуникациска технологија на Долна Саксонија. http://www1.nls.niedersachsen.de/statistik/.