Бремен
| Бремен
Bremen | ||
 | ||
|
.svg)
| |
  Бремен | ||
| Управа | ||
| Земја | Германија | |
|---|---|---|
| Покраина | Бремен | |
| Градски единици | 5 окрузи | |
| Градоначалник | Андреас Бофеншулте (СДП) | |
| Основни податоци | ||
| Површина | 326,73 км2 | |
| - Метроп. | 11.627 км2 | |
| Надм. височина | 12 м | |
| Население | 566.573 (31 декември 2020)[1] | |
| - Густина | 1.734 жит/км2 | |
| - Метроп. | 2,400,000 | |
| Други информации | ||
| Часовен појас | CET/CEST (UTC+1/+2) | |
| Рег. табл. | HB (со 1 до 2 букви и 1 до 4 цифри)[2] | |
| Пошт. бр. | 28001–28779 | |
| Повик. бр. | 0421 | |
| Портал | Bremen online | |
| Местоположба на градот Бремен во рамките на Бремен | ||
 | ||
| Координати | 53°05′0″N 8°48′0″E / 53.08333° СГШ; 8.80000° ИГДКоординати: 53°05′0″N 8°48′0″E / 53.08333° СГШ; 8.80000° ИГД | |
Бремен (службено: Градска општина Бремен; германски: Bremen или Stadtgemeinde Bremen) — главен град на сојузната покраина Бремен, сместен во северозападниот дел на Германија. Градот Бремен е единаесетти град по големина во Германија и припаѓа на метрополитенската област Северозапад.
Бремен бил важен ханзин град, поради што се развил во важен трговски и индустриски град. Поседува големо пристаниште на реката Везер.
Градското бременско прекуокеанско пристаниште Бремерхафен претставува една ексклава на градот Бремен во рамки на градот Бремерхафен.
Географија[уреди | уреди извор]
Бремен се наоѓа на обете страни на реката Везер, околу 60 километри од нејзиното устие во Северното Море, односно неговиот премин во т.н. „надворешен Везер“ кај Бремерхафен. Кај стариот град во Бремен Среден Везер преминува во Долен Везер, кој од железничкиот мост „Бремен“ станува пловен. Областа лево од Долен Везер е означена како Везермарш, додека десно од него припаѓа на триаголникот Елба-Везер. Реката Лезум, со своите притоки Виме и Хаме, Шенебекер Ауе и Блументалер Ауе, се притоки на реката Везер.
Градското подрачје е долго 38 километри и широко 16 километри (максимални вредности). Бремен е шеснаесетти најголем град во Германија по површина, како и втор најголем град во Северна Германија, по Хамбург, по број на жители, и единаесетти во цела Германија.
Бремен се наоѓа околу 50 километри источно од слободниот град Олденбург и 180 километри источно од Гронинген, 110 километри југозападно од Хамбург, 120 километри северозападно од Хановер, 100 километри северно од Минден и 105 километри североисточно од Оснабрик. Еден од бремерхафенската пристанишна област е наречено градско бременско прекуокеанско пристаниште Бремерхафен, што е всушност ексклава на градот Бремен.
Соседни општини[уреди | уреди извор]
Градот Бремен е целосно опкружен од територијата на покраината Долна Саксонија (со исклучок на ексклавата „Градско бременско прекуокеанско пристаниште Бремерхафен“, кое е опкружено од градското подрачје на Бремерхафен). На запад се граничи со слободниот град Делменхорст, како и со округот Везермарш со општините Лемвердер, Берне и Елсфлет, на север со округот Остерхолц со општините Шваневеде, Ритерхуде и Лилиентал, на исток со округот Ферден со општините Отерсберг, Ојтен, Ахим и на југ со округот Дипхолц со општините Ваје и Штур.[3] Бремен заедно со 26 други околни општини и два округа го образуваат комуналниот сојуз Долна Саксонија/Бремен во кој живеат 1,05 милиони луѓе.
Следни поголеми градови се: на запад градот Олденбург и на север приморскиот град Бремерхафен. Во пошироката област на Бремен живеат 987.400 жители,[4] додека во метрополитенската област Северозапад има над 2,37 милиони жители.
Градски единици[уреди | уреди извор]
Градското подрачје на Бремен е поделено на пет градски окрузи. Од нив се издвоени 88 места, кои образуваат 18 градски делови подредени на петте градски окрузи. За градските делови постојат соодветни совети, кои се надлежни за локални прашања.
| Градски округ | Единици | Површина | Жители | Густина на населеност | Карта |
|---|---|---|---|---|---|
| Мите[5] 1 |
|
33,741 км² | 17.392 | 515 жит/км² |
|
| Зид 2 |
|
66,637 км² | 123.303 | 1.850 жит./км² |
|
| Ost 3 |
|
108,201 км² | 218.843 | 2.023 жит./км² |
|
| Вест 4 |
|
56,606 км² | 89.216 | 1.576 жит./км² |
|
| Норд 5 |
|
60,376 км² | 98.606 | 1.633 жит./км² |
|
Кон градот Бремен припаѓа и градското бременско прекуокеанско пристаниште Бремерхафен со површина од 8 км², кое во рамки на договорите општинската управа припаѓа на градот Бремерхафен.[6] Областа припаѓа на градската единица Хефен.
Водотеци[уреди | уреди извор]
Реката Везер тече низ самиот град и претставува граница со која градот е поделен на лев и на десен брег. Важна граница е и реката Лезум помеѓу самиот центар на градот и Бремен-Норд, која е притока на Везер. Јужно од Лезум е мочуриште, познато како Вердерланд, додека северно е гестот познат како бременска Швајцарија. Друга притока на Везер е Охтум, на која поминува јужната граница. Реката Виме тече низ Боргфелд и е гранична река до нејзиното устие (заедно со Хаме) во Лезум.
Природни области[уреди | уреди извор]
Бремен има 18 заштитени природни подрачја со вкупна површина од 2.126,9 хектари и со 6,69% од градското подрачје е заштитено.[7] Како најголеми областа се Боргфелдер Вимевизен (677 хектари), Охтумнидерунг кај Брокхухтинг (375 хектари), Вердерланд (330,7 хектари) и западниот дел на Холерланд (293 хектари).
Возвишенија[уреди | уреди извор]
Стариот дел на градот се наоѓа на дина на Везер, поради што бременската катедрала е подигната на природна височина од 10,5 метри; највисоката точка во градското подрачје е 14,4 метри источно од Куќата на полицијата. Со 32,5 метри највисока природна точка во градот и покраината Бремен се наоѓа во паркот Фридехорст, во северозападниот дел на местото Бурглезум.[8] Со тоа Бремен ја има најниската точка од сите сојузни покраини.[9] Врвот на депонијата за отпад во местото Ховег има височина помеѓу 42 метри[10] и 49 метри.[11]
Клима[уреди | уреди извор]
Бремен, како и голем дел на Германија освен повисоките планински и алпски области, има свежа клима со силно морско влијание поради неговата близина со Северното Море. Сепак, во секое годишно време може да има влијание на континенталните воздушни маси, поради што лете се појавуваат топлотни бранови, а зиме подолги периоди на мрзнење. Вообичаено, температурите ретко одат под −15 °C и над 35 °C. Најтопол месец е јули со просечна температура од 18,0 °C, додека најладен е јануари со 1,8 °C.[12] Највисока измерена температура во Бремен изнесува 37,6 °C на 9 август 1992 година, додека најниска измерена температура изнесува −23,6 °C на 13 февруари 1940 година.[13]
| Клима на Бремен | |||||||||||||
|---|---|---|---|---|---|---|---|---|---|---|---|---|---|
| Показател | Јан | Фев | Мар | Апр | Мај | Јун | Јул | Авг | Сеп | Окт | Ное | Дек | Годишно |
| Просечна максимална (°C) | 5,1 | 6,9 | 9,9 | 14,6 | 19,3 | 22,9 | 24,3 | 23,9 | 20,0 | 14,4 | 8,9 | 7,8 | 14,9 |
| Просечна температура (°C) | 2,4 | 3,5 | 4,2 | 9,1 | 13,5 | 17,2 | 18,7 | 18,2 | 14,8 | 10,6 | 5,9 | 5,4 | 10,3 |
| Просечна минимална (°C) | −0,2 | 0,2 | 1,6 | 3,6 | 7,7 | 11,6 | 13,1 | 12,5 | 9,6 | 6,8 | 3,0 | 3,0 | 6,1 |
| Просечно кол. врнежи (мм) | 62 | 56 | 47 | 44 | 26 | 62 | 51 | 68 | 56 | 48 | 59 | 46 | 625 |
| Врнежливи денови (≥ 2,0 мм) | 19 | 15 | 17 | 14 | 12 | 15 | 14 | 16 | 15 | 17 | 17 | 19 | 190 |
| Влага (%) | 87 | 84 | 80 | 75 | 71 | 73 | 75 | 75 | 81 | 84 | 87 | 88 | 80 |
| Сончеви часови (дневно) | 1,5 | 2,5 | 3,5 | 5,7 | 6,9 | 6,4 | 6,6 | 6,2 | 4,8 | 3,5 | 1,8 | 1,3 | 4,2 |
| Извор: DWD, Daten: 2015–2020;[14]wetterkontor.de | |||||||||||||
Бремен како тема во уметноста и во популарната култура[уреди | уреди извор]
- „Бременските градски музиканти“ — сказна на браќата Грим.[15][16]
- „Бременска ноќ“ (Bremen Nacht) — песна на британската рок-група „Фол“ од 1988 година.[17]
Наводи[уреди | уреди извор]
- ↑ „Bevölkerungsentwicklung im Land Bremen“ (PDF). Статистичка служба на Бремен (германски). јуни 2021.
- ↑ Регистрациската ознака HB со 1 буква и 4 цифри е одредена за возилата од Бремерхафен.
- ↑ Marko Holzschneider, Marion Müller (1999). „Stadtregion Bremen: Die Stadt Bremen und ihr Umland“ (PDF). finanzen.bremen.de. Die Senatorin für Finanzen. Архивирано од изворникот (PDF; 142 kB) на 2018-10-29. Посетено на 2016-05-08.
- ↑ „Bremen/Niedersachsen, Urbane Agglomerationen“. citypopulation.de. Посетено на 2020-12-29.
- ↑ Грешка во наводот: Погрешна ознака
<ref>; нема зададено текст за наводите по имеJb2009. - ↑ „§ 8 Verfassung Bremerhaven“. Transparenzportal Bremen. Посетено на 2016-04-15.
- ↑ Грешка во наводот: Погрешна ознака
<ref>; нема зададено текст за наводите по имеNSG. - ↑ „Statistisches Jahrbuch 2014“ (PDF; 3,5 MB). statistik.bremen.de. Statistisches Landesamt Bremen. 2014-12. стр. 25. Посетено на 2015-06-04. Проверете ги датумските вредности во:
|date=(help) - ↑ 100 schräge Fakten über diese Stadt. In: Zitty. 16/2012, S. 15.
- ↑ Caroline Süss (2012-05-24). „Panoramablick und Fakten bei der Bergtour“. weser-kurier.de. Weser Kurier. Посетено на 2015-06-04.
- ↑ {{наведена книга|Author=Herbert Farr|Title= Deutschlands höchste Gipfel: 35 Touren von der Küste bis zu den Alpen|publisher=Books on Demand|Date=2009|ISBN=978-3-8370-3316-8|pages=32–35
- ↑ „Temperatur: Langjährige Mittelwerte 1981–2010“. dwd.de. Deutscher Wetterdienst. Посетено на 2016-02-10.
- ↑ „Wetterrekorde Deutschland – Wetterdienst.de“. wetterdienst.de. Deutsches Wetterdienst. Посетено на 2016-02-10.
- ↑ Klima Bremen – Wetterdienst, Deutscher Wetterdienst, auf wetterdienst.de
- ↑ Браќа Грим, Храбриот кројач, Детска радост, Скопје, 1980.
- ↑ Браќа Грим, Сказни, Наша книга, Скопје, 1972, стр. 29-32.
- ↑ Discogs, The Fall – The Frenz Experiment (пристапено на 22.10.2020)
Надворешни врски[уреди | уреди извор]
Бремен на Ризницата ?- Официјална страница на градот
- Официјална страница за туристи (различни јазици)
- Официјална страница на Das Viertel
- Сеќавања од Втората светска војна во Бремеб
| ||||||
Бремен
| ||||||||||||||||||
| ||||||||||||||||||||||
| ||||||||||||||||||||||||||||||||||||||||||||||||||||||
| |||||||||||||||||||||
.svg){kind=small}
