Кралство Хановер

Кралство Хановер
	Кралство Хановер
	Königreich Hannover
	(1806–13); Држава на Германски Сојуз; (1815–66)
Знаме	Грб
	Местоположба на Хановер Кралството Хановер (зелено) во 1815 година
Главен град	Хановер
Јазици	Германски, Западнодолногермански дијалекти
Вероисповед	Протестантство (главно Лутеранство, но и Калвинизам), Римокатолицизам
Уредување	Уставна монархија
	Крал
Историски период	Наполеонови војни / Обединување на Германија
Валута	Хановерски талер,; (1814–1857); Хановерски веринсталер,; (1857–1866)

Кралство Хановер (германски: Königreich Hannover) — кралство основано во октомври 1814 година од страна на Виенскиот конгрес, со враќање на териториите во Хановер на Џорџ III по Наполеоновите војни. Кралството го наследило поранешното Изборно Кнежевство Хановер (формално познато како Изборно Кнежевство Бранзвик-Линебург) и се приклучило на 38 други суверени држави во Германскиот Сојуз во јуни 1815 година. Кралството било управувано од династијата Хановер, кадетска гранка на династијата Велф, во личен сојуз со Обединетото Кралство на Велика Британија и Ирска од 1714 година. Бидејќи неговиот монарх престојувал во Лондон, намесник, обично помлад член на британското кралско семејство, управувал со администрацијата на Кралството Хановер.

Личниот сојуз со Обединетото Кралство завршил во 1837 година по сукцесија на кралицата Викторија, бидејќи Салискиот закон ги спречувало жените да го наследат престолот на Хановер, сè додека има жив машки наследник во семејството. Така, нејзиниот вујко станал владетел на Хановер, кој ја поддржувал губитничката страна во Австро-пруската војна и кралството било освоено од Прусија во 1866 година. Потоа станало пруска провинција. Заедно со остатокот од Прусија, Хановер станал дел од Германската Империја по обединувањето на Германија во јануари 1871. Кратко заживеал како држава Хановер во 1946 година, но подоцна била споена со неколку помали држави за да се формира сегашната држава Долна Саксонија во Западна Германија.

Поврзано[уреди | уреди извор]