Линебург (округ)

Линебург
*Landkreis Lüneburg*
Линебург; Landkreis Lüneburg;
	округ
	Грб
	Грб
Земја	Германија
Покраина	Долна Саксонија
Седиште	Линебург
Површина
• Вкупна	1.323,1 км2 (5,109 ми2)
Население (31 декември 2022)
• Вкупно	187.552
• Густина	14/км2 (37/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	LG
Мреж. место	lueneburg.de

Линебург (германски: Lüneburg) — округ (Landkreis) во сојузната покраина Долна Саксонија, Германија. Се граничи со (од југоисток надесно) окрузите Лихов-Даненберг, Илцен, Хајдекрајс и Харбург и со сојузните покраини Шлезвиг-Холштајн (округ Лауенбург) и Мекленбург-Западна Померанија (округ Лудвигслуст-Пархим).

Географија

Округот се наоѓа во Линебуршкото Поле (Lüneburger Heide) и долж течението на Елба. Поголемиот дел од округот се наоѓа јужно од реката, освен мал дел околу општината Амт Нојхаус, кој се наоѓа на спротивната страна.

Историја

Амтот Линебург бил основан во 1862 година. Тогаш амтот Лине го преместил своето седиште од манастирот Лине во Линебург, поради што било сменето и самото име. Округот бил основан откако Кралството Хановер било освоена од Прусија во 1866 година. Од 1867 година, амтовите Линебург, Блекеде и градот Линебург станале делови на округот Линебург, кој бил надлежен за даноците и за војската.

Историјата на областа отсекогаш била под влијание на градот Линебург.

Во 1993 година, општината Амт Нојхаус се приклучила на Долна Саксонија и на округот Линебург. Овој дел отсекогаш бил владеен од Линебург пред поделбата на Германија, кога станал дел од Источна Германија. Со тоа, таа е една од ретките општини од поранешната Источна Германија, кои сега станале дел од некогашната Западна Германија.

Округот е една од клучните области за споменици и археолошки откритија од праисторијата. Ернст Шпрокхоф открил 17 места западно од Илменау и 32 источно од него.

Грб

Грбот прикажува:

хералдички лав на Војводството Брауншвајг-Линебург
срцата на данскиот национален грб (бидејќи војводата Вилхелм Линебуршки бил женет со данска принцеза во XIV век)