Стрежевско Езеро
| Стрежевско Езеро Стрежево | |
|---|---|
 Стрежево - Воздушен поглед на езерото Стрежево | |
| Координати | 41°8′15.4″N 21°10′6.8″E / 41.137611°N 21.168556°E |
| Вид | вештачко |
| Главен дотек | Шемница |
| Главен истек | Шемница |
| Земји во сливот | Македонија |
| Најг. должина | 6,5 км |
| Најг. ширина | 1 км |
| Површина | 7,5 км2 |
| Водна зафатнина | 116,82 милиони м3 |
| Надм. височина на површината | 739 м |
| Острови | 0 |
Стрежевско Езеро (познато и како Стрежево) — вештачко езеро во областа Ѓават-Кол, во јужниот дел на Македонија, изградено во средниот тек на реката Шемница, десна притока на Црна Река.[1]
Езерото се наоѓа на 22 километри од градот Битола. Езерото има издолжен облик и зафаќа вкупна површина од 7,5 км2. Административно, езерото во целост се наоѓа во Општина Битола.
Брана
[уреди | уреди извор]Браната е изградена од насипан чакал и од камен, со глинено јадро. Висока е 72 м, со должина на круната од 632 м и широчина од 10 м. Езерото е долго 6,5 км, а средната широчина при максимално ниво на водата изнесува 1 км. При максимално ниво на водата (кота од 739,5 м), површината на езерото изнесува 7,5 км2, а во езерото се акумулираат 116.820.000 м3 вода. Езерото редовно се порибува.[2][3]
Употреба
[уреди | уреди извор]Стрежево претставува езеро кое се користи за наводнување, водоснабдување, како и производство на електрична енергија.[4]
Од ова езеро со вода за пиење се снабдува градот Битола и поголем дел од Пелагонискиот Регион.
Галерија
[уреди | уреди извор]
Поглед на езерото
Испразнетото езеро во летниот период
Поглед на езерото
Панорамски поглед на езерото со истоименото село
Браната на езерото покриена со вегетација
Исушен дел од езерото кај селото Свиниште
Светиот крст кај селото Лера и езерото
Поврзано
[уреди | уреди извор]Наводи
[уреди | уреди извор]- ↑ Географско друштво на СР Македонија; Македонско географско друштво (1986). Географски разгледи. Друштво.
- ↑ „Охридска пастрмка во Стрежево“. Вест. 4/8/2006. Посетено на 2010-05-25. Проверете ги датумските вредности во:
|date=(help)[мртва врска] - ↑ „Со крап и црвеноперка се пориби акумулацијата Стрежево“. MakMreza. 27 февруари 2010 17:23. Посетено на 2010-05-25. Проверете ги датумските вредности во:
|date=(help)[мртва врска] - ↑ Група автори (2016). „Вештачки езера“. Студија за геодиверзитетот и геонаследството на Република Македонија и другите компоненти на природата (PDF). Скопје: Министерство за животна средина и просторно планирање. стр. 235. ISBN 978-9989-110-90-0.
Надворешни врски
[уреди | уреди извор]
Стрежевско Езеро на Ризницата ?- Официјална страница на ЈП „Стрежево“
| ||||||||||||||||||||||
