Слатинско Езеро

Од Википедија — слободната енциклопедија
Прејди на: содржини, барај
Слатинско Езеро
Слатинско Езеро - Селото Слатино и Слатинското Езеро
Селото Слатино и Слатинското Езеро
Координати 41°21′08″ СГШ 20°50′54″ ИГД / 
Тип вештачко
Главен дотек Мраморечка Река[1]
Главен истек Слатинска Река[1]
Површина на сливот 28,5 км²[1]
Земји во сливот Македонија
Макс. должина 1 km[1]
Макс. ширина 0,6 km[1]
Површина 0,28 km2[1]
Макс. длабочина 9 m[1]
Водна зафатнина 1 мил. м³[1]

Слатинско Езеро — вештачка акумулација, која е изградена во 1963 година, сместена во Општина Дебарца, во близина на селото Слатино на 35 км северно од Охрид.[1]

Се напојува со вода од Мраморечка Река и е со вкупна зафатнина од 1.400.000 m3 и висинa на браната од 15,5 m. Водите од ова езеро се користат за наводнување на земјоделските површини во Слатинско, Издеглавско и Оздоленско Поле, со вкупно 420 ha, но и за спортски риболов и туризам.

Денес, езерото повеќе не постои, откако било целосно испразнето во 2013 година, поради пукање на неговата брана во февруари 2013 година.[2]

Етимологија[уреди | уреди извор]

Името го добило според селото Слатино.

Историја[уреди | уреди извор]

Поглед на испразнетото Слатинско Езеро, обраснато со трска

Езерото настанало со изградба на земјено-насипната брана во 1963 година. Браната била направена од глина, камења и земја.

Во 1993 година, езерото било целосно испразнето, поради поправка на браната и повторно било порибено во 1994 година.[1]

На 23 февруари 2013 година, браната на Слатинското Езеро пукнала, поради надлежните установи наредиле целосно празнење на езерото.[3] Најзагрозени од ваквата состојба се нашле малкуте преостанати жители на малото село Слатински Чифлик, како и нивите во околното поле, поради што биле и евакуирани од своите домови во најопасните моменти.[4]

Во 2015 година, по речиси две години без вода, повторно било наполнето од обилните врнежи, како и постојаниот доток на вода од реката, иако браната сè уште не била санирана, за што Општина Дебарца најавила проект за нејзина обнова во текот на 2017 година.[5]

Еколошка катастрофа[уреди | уреди извор]

Поради испразнувањето на езерото, кое било направено поради пукањето на браната во февруари 2013 година, езерото останало целосно без вода, со што била уништена целокупната флора и фауна на самото езеро, кое денес е целосно обраснато со трска.[2]

Пред целосното истекување на водата од езерото, во јуни 2013 година било одлучено целокупниот рибен фонд во езерото да биде изловен, со што крупните примероци на автохтон крап да се пренесат во езерцето во дворот на Хидробиолошкиот институт во Охрид, додека останатите ситни риби од сите видови да бидат префрлени во Требенишко Езеро и во останатите водни текови во сливното подрачје на Охридското Езеро.[2]

Наводи[уреди | уреди извор]

  1. 1,0 1,1 1,2 1,3 1,4 1,5 1,6 1,7 1,8 1,9 „Риболовна основа за риболовна вода „Слив на Охридското Езеро“ за период 2017-2022“ (на македонски). Скопје: Министерство за земјоделство, шумарство и водостопанство. http://www.mzsv.gov.mk/files/10.%20SLIV%20NA%20OHRIDSKO%20EZERO.pdf. конс. 18 октомври 2016 г. 
  2. 2,0 2,1 2,2 Митаноски, Веле. „Слатинско Езеро пред еколошка катастрофа!“, „Утрински весник“, МПМ Македонија, 7 јуни 2013 (конс. 18 октомври 2016 г). (на македонски)
  3. „Пукна браната на Слатинско Езеро“ (на македонски). Република Online. Скопје. 23 февруари 2013. http://republika.mk/26373. конс. 18 октомври 2016 г. 
  4. А., Е.. „Евакуирани четворицата жители на Слатински Чифлик“, „Вечер“, Вечер Прес, 24 февруари 2013 (конс. 17 октомври 2016 г). (на македонски)
  5. „Слатинско Езеро повторно полно со вода“ (на македонски). Meta.mk. Охрид. 3 февруари 2015. http://meta.mk/slatinsko-ezero-povtorno-polno-so-voda/. конс. 18 октомври 2016 г. 

Надворешни врски[уреди | уреди извор]