Лисиче (езеро)
- За други значења на поимот Лисиче видете на појаснителната страница
| Лисиче | |
|---|---|
 | |
 | |
| Координати | 41°41′39″N 21°35′57″E / 41.69417°N 21.59917°E |
| Вид | вештачко |
| Главен дотек | Тополка и Врановска Река |
| Главен истек | Тополка |
| Земји во сливот | Македонија |
| Најг. должина | 1,35 |
| Најг. ширина | 1,35 |
| Површина | 1 |
| Најг. длабочина | 60 |
| Водна зафатнина | 25.000.000 |
| Надм. височина на површината | 450 |
Лисиче (познато и како Езеро Лисиче) — вештачко езеро во близина на велешкото село Лисиче, Македонија. Езерото влегува во групата на изградени акумулации.[1]
Браната на езерото е подигната на Тополка и Врановска Река.[1]
Местоположба
[уреди | уреди извор]Акумулацијата се наоѓа во непосредна близина на велешкото село Лисиче, сместено во пазувите на планината Јакупица на територијата на Општина Чашка.
Опис
[уреди | уреди извор]Водната површина изнесува еден квадратен километар и со своите 25 милиони кубни метри вода, се вбројува во средно големите акумулации во Македонија. Него го полнат две реки, Тополка и Врановска. Езерото основно служи за водоснабдување на 60-тина илјади луѓе, од општините Велес и Чашка и за наводнување.[2]
Длабоко е до 60 метри и се наоѓа на 450 метри надморска височина. На средината на езерото се наоѓа водозафатната кула, која е меѓу највисоките изградени во земјава, со височина од 70 метри.
Историја
[уреди | уреди извор]Комплетниот проект почнал да се гради од 1987 година и чинел 65 милиони евра, а завршен бил 20 години подоцна, кога бил и свечено пуштен во употреба во септември 2007 година.[3]
Фауна
[уреди | уреди извор]Од ихтиофауната во акумулацијата лисиче, присутни се: црна мрена, крап, кркушка, клен од семејството на краповите и македонска пастрмка од семејството на пастрмките.
Галерија
[уреди | уреди извор]
Брана на езерото
Крак на езерото
Поврзано
[уреди | уреди извор]Наводи
[уреди | уреди извор]- 1 2 Група автори (2016). „Езера во Македонија“. Студија за геодиверзитетот и геонаследството на Република Македонија и другите компоненти на природата (PDF). Скопје: Министерство за животна средина и просторно планирање. стр. 28. ISBN 978-9989-110-90-0.
- ↑ Печков, Петар (4 октомври 2009). „Лисиче со вода и за граѓаните и за земјоделците“. Ти реков ми рече. Посетено на 14 септември 2012.
- ↑ Печков, Петар (8 септември 2007). „Свечено отворање на Хидросистемот Лисиче“. Ти реков ми рече. Посетено на 14 септември 2012.
Надворешни врски
[уреди | уреди извор]
Лисиче (езеро) на Ризницата ?
| ||||||||||||||||||||||
