Јакупица

Од Википедија — слободната енциклопедија
Прејди на: содржини, барај
Јакупица
Солунска Глава
Dolna-Babina-Dupka-Jakupica-MK.JPG
Месноста Долна Бабина Дупка со Нежиловските Стени и врвот Солунска Глава (во позадината) на планината Јакупица
Највисока точка
Надм. вис. 2.540 м[1]
Истакнатост 1.666 м
Заведена како ултра
Координати 41°42′15″ СГШ 21°24′19″ ИГД / 
Географија
Солунска Глава се наоѓа во Македонија
Солунска Глава
Местоположба во Македонија
Место Македонија Македонија
Матичен венец Јакупица
Искачување
Најлесна патека лесно планинарење, но големиот врв (приближно последните 30 метри) затворен од војската.

Јакупица или Мокра Планинапланински масив во централна Македонија. Составена е од повеќе планински делови: Караџица, Даутица, Голешница, Китка, Мумџица, Салакова Планина и Осој. Планинскиот масив е настанат во терциерот, со раседнување. Јадрото е составено од гнајс и од кристалести шкрилци, а над нив се наоѓаат дебели слоеви на мезозојски варовници и доломити. На планината се наоѓаат траги од ледената епоха, претставени преку циркови (две езера), валови и морени. Јакупица е богата со разновидна флора и фауна, пасишта, извори - врела и др. Највисок и најзабележлив врв е Солунска Глава, висок 2.540 метри. Други важни врвови се: Караџица (2.473 м), Попово Брдо (2.380 м), Остар Брег (2.365 м), Убава (2.353 м), Остар Врв (2.275 м) и Даутица (2.178 м).

Планината Јакупица со највисокиот врв Солунска Глава во средината

Релјефот е пресекуван од бројни чисти и брзи планински реки. Големи области се покриени со букови, дабови и игнолисни шуми. Исто така, постојат очигледни траги на исконски глацијација од делувалниот период. Во последно време голем број на институции имаат дадено предлог Јакупица, како и целиот масив Мокра Планина да станат национален парк[2].

Овој планински масив е лесно достапен од главниот град Скопје или од градот Велес и многуте села во оваа област.

На чисти и јасни денови, од врвот Солунска Глава се верува дека може да се види градот Солун во Грција, па оттука доаѓа и врвот.

Поврзано[уреди | уреди извор]

Наводи[уреди | уреди извор]

  1. http://www.ii.uib.no/~petter/mountains/europf.html#glava
  2. http://kanal5.com.mk/default.aspx?mId=37&egId=13&eventId=81477 Еколозите бараат нов национален парк во Централна Македонија

Надворешни врски[уреди | уреди извор]