Козјак (езеро)

Козјак
Козјак
	Козјак - Воздушен поглед на езеротоВоздушен поглед на езерото
Место	Општина Македонски Брод
Координати	41°48′42″N 21°09′58″E / 41.8116°N 21.1661°E
Вид	вештачко
Земји во сливот	Македонија
Најг. должина	32 км
Најг. ширина	400 м
Површина	13,5 км2
Најг. длабочина	135 м
Водна зафатнина	0,38 км3

За други значења на поимот Козјак видете на појаснителната страница

Козјак — вештачко езеро во Западна Македонија, најголемо во државата, сместено помеѓу планината Сува Гора на запад и резерватот „Јасен“ на исток. Езерото е долго 32 км, некаде е длабоко и 130 м, а максималното растојание од едниот до другиот брег изнесува 400 м. Кон езерото водат два пата: јужниот пристап кон езерото води од Македонски Брод и се протега по течението на реката Треска. Другиот пристап е од Скопје при што патот се протега под јужните падини на Водно.

Езерото е создадено во 2004 г., кога започнала со работа хидроцентралата „Козјак“, со капацитет од 150 гигават-часови просечно годишно производство на електрична енергија. Целиот акумулациски систем бил проектиран од кинески инженери. Основата на браната е 500 м, а круната или врвот 310 м. Максимална кота на езерото е 469,9 м. Капацитетот на езерото е приближно 0,38 км³ вода.^[1]

Флора и фауна

Во акумулацијата Козјак се среќаваат девет видови риби, но не е исклучено да се најдат и други видови на риби.^[2] Во последните години активно и редовно се врши порибување на езерото.

Вид	Научен назив	Слика
поточна пастрмка	Salmo macedonicus
крап	Cyprnus carpio
виножитна пастрмка	Oncorhynchus mykiss
клен	Leuciscus cephalus
скобуст	Chondrostoma nasus
мрена	Barbus barbus
гомнушка	Alburnoides bipunctatus
јагула	Anguilla anguilla