Мала Река (притока на Радика)

Од Википедија — слободната енциклопедија
Прејди на прегледникот Прејди на пребарувањето
Мала Река
Мала Река.jpg
Местоположба
Физички особености
УстиеРадика
 • надморска височина
606 м
Должина21,3 км
Особености на сливот
ТечениеРадикаЦрн ДримЈадранско Море

Мала Река — река во западна Македонија, лева и најголема притока на реката Радика (Голема Река). Се создава на височина од 966 м од водите на Гарска и на Тресонечка Река.

Мала Река претставува збирно име за сите реки од подрачјето на планините Бистра и Стогово.

Преглед[уреди | уреди извор]

Извира од планината Бистра на височина од 1.728 м, а се влева на височина од 606 м. Вкупната должина на речниот тек изнесува 21,3 км, има вкупен пад од 1.122 м и просечен пад од 52,7 ‰. Сливот зафаќа површина од 200,1 км2. Средногодишниот проток изнесува 6,71 м3/с. Најголем средномесечен протек од 17,1 м3/с се јавува во мај, а најмал од 1,68 м3/с во септември.[1]

Воден потенцијал[уреди | уреди извор]

Поради нејзиниот голем воден потенцијал како збирна река за сите реки и водотеци во подрачјето на малореканскиот крај била предвидена изградба на хидроелектричната централа „Бошков Мост“, чија хидроцентрала би требало да се наоѓа во близина на самиот влив на Мала Река во Радика.[2]

Елен Скок[уреди | уреди извор]

Crystal Clear app xmag.svg Главна статија: „Елен Скок.

Како главна културна знаменитост на реката се смета познатиот лачен мост Елен Скок, кој се наоѓа на реката, во близина на селото Могорче. Во близина на мостот постои уреден простор со клупи и видиковци до кој може да се пристапи од регионалниот пат кој е долж реката.

Галерија[уреди | уреди извор]

Наводи[уреди | уреди извор]

  1. Драган Василевски, Радика, „Напредок“, Тетово, 1997
  2. „ХЕ „Бошков Мост" (PDF). Електрани на Македонија. Посетено на 16 ноември 2015.

Надворешни врски[уреди | уреди извор]

Координати: 41°33′01″N 20°36′51″E / 41.55028° СГШ; 20.61417° ИГД / 41.55028; 20.61417