Турија (река)

Од Википедија — слободната енциклопедија
Прејди на прегледникот Прејди на пребарувањето
Турија
Река Турија.jpg
Глетка од реката Турија близу селото Доброшинци
ЗемјаМакедонија Македонија
Слив
Главен изворШироки Дол, помеѓу Плачковица и Огражден
1065
УстиеСтрумица
215 единица?
Сливна повр.263
Физички особености
Должина44,7 единица?

Турија — река во Македонија, десна и најголема притока на реката Струмица[1]. Долга е 44,7 километри, зафаќа сливна површина од 263 км2 и има релативен пад од 19 ‰ (промили)[1]. Во горниот дел се формира од два крака - Широки Дол кој што извира на Плачковица на надморска височина од 1065 метри и тече кон југоисток и Безгаштевска Река која што извира на иста надморска височина на планината Огражден и тече кон северозапад[1]. Тие се спојуваат меѓу Грамадик и Малинска Планина и оттука настанува реката Турија која што тече кон југ и во средниот тек е позната под името Нивичанска Река[1]. На овој потег во 1972 година е изградена вештачката акумулација Турија со зафатнина од 48 милиони м3 вода. Недалеку од селото Доброшинци ја напушта тесната планинска долина и навлегува во пространиот рамничарски дел на Струмичкото Поле, каде што претставува главна водна артерија на неговиот северен дел. Во реката Струмица се влева кај селото Турново на кота од 215 метри[1].

Наводи[уреди | уреди извор]

  1. 1,0 1,1 1,2 1,3 1,4 Стојмилов, Александар (2011) (на македонски). Географија на Република Македонија. Скопје: Универзитет за туризам и менаџмент. стр. 185.