Ново Лагово

Од Википедија — слободната енциклопедија
Прејди на прегледникот Прејди на пребарувањето
Ново Лагово
Novo Lagovo, prilep, Macedonia.jpg

Поглед кон Ново Лагово

Ново Лагово is located in Македонија
Ново Лагово
Местоположба на Ново Лагово во Македонија
Координати 41°18′39″N 21°30′57″E / 41.31083° СГШ; 21.51583° ИГД / 41.31083; 21.51583Координати: 41°18′39″N 21°30′57″E / 41.31083° СГШ; 21.51583° ИГД / 41.31083; 21.51583
Регион Прилепско поле
Општина Coat of arms of Prilep Municipality.svg Прилеп
Население 213 жит.
(поп. 2002)
Пошт. бр. 7515
Повик. бр. +389 48 XXXXXX
Надм. вис. 623 м
Ново Лагово на општинската карта
Ново Лагово во Општина Прилеп.svg

Атарот на Ново Лагово во рамките на општината
Commons-logo.svg Ново Лагово на Ризницата

Ново Лагово е село во Општина Прилеп.

Географиja и местоположба[уреди | уреди извор]

Селото лежи 5км југоисточно од Прилеп. Покрај магистралниот пат А3 (ПрилепБитола),регионалниот пат Р1101 Прилеп - Битола, и регионалниот пат Р1107 Ново Лагово-Демир Капија. Околни населени места се: Старо Лагово (2,5 км воздушна линија) на југоисток, Волково (4,5 км воздушна линија) на Исток, Беровци (2,25 км воздушна линија) и Галичани (3 км воздушна линија) на југозапад. Во селото има 6 бунари. Ново Лагово е село од збеан тип. Има 3 прави улици во правец североисток - југозапад. Долж улиците куќите се поредени во 3 низи. Селото има се на се 27 домаќинства (1954 г.). Обработената земја и пасиштата околу Н. Лагово се наоѓаат на месностите викани: Дујгас, Горно Садово, Долно Садово и Поле. Оддалеченост од поголемите градови во Македонија: Скопје (77км),Битола (35км).Оддалеченост од аеродромите во Македонија: Александар Македонски (72 км) и свети Апостол Павле (66км). Ново Лагово не излегува на железничка пруга, но и покрај тоа што не излегува на железница има поволна геостратешка позиција. Ново Лагово е поврзано со Прилеп со автобуски сообраќај. Низ селото поминува Волковска река. До реката се наоѓа црквата Света Петка, чии темели се поставени во 2001 година. Света Петка е заштитник на селото.

Историja[уреди | уреди извор]

Ново Лагово е колонистичко село, основано во атарот на Старо Лагово во 1912 г. Основачи биле православни Срби доселени 1922г. од Далмација. Тие години доселениците добиле утринска земја која ја разделиле и ја претвориле во ниви. Потоа колонизаторите купиле ниви и во атарот на соседното село Беровци. Ново Лагово добро напредувало. Населението ја искористило поволната сообраќајна положба и близината на Прилеп како пазари. Таму продавале земјоделски производи и млеко. До почетокот на Втората Светска Војна селото нараснало на 21 куќа, и било угледно село. напредувало најбрзо од сите околни села. За време на Втората Светска Војна србите од Ново Лагово страдале од Бугарите. Непријателската полиција често го опкружувала селото, ги претресувала куќите и ги тепала селаните. Населението не смеело никаде да излези надвор од селото па дури ни во Прилеп. Годината 1946, Србите од Ново Лагово освен еден род со две домаќинства се иселиле во Војводина.

Економија[уреди | уреди извор]

Источно од селото се наоѓа мини индустриска зона, изградена во 90-тите години на минатиот век.

Демографија[уреди | уреди извор]

Во куќите на иселените Срби,и на нивната земја,власта на НР Македонија во 1946/47 населила 25 домаќинства од областа на сливот на реката Црн Дрим,најмногу од струшка Малесија. Бројот на домаќинства изнесувал:

  • 1948 г. – 29
  • 1961 г. - 40
  • 1971 г. – 53
  • 2010 г. - 60

Денешно население: Најстари се Вујасиновиќ (2 куќи) слави: Свети Стефан, по потекло од Ивошевци,Бенковац,Хрватска. Фамилии доселени 1946/47 се:Кузманоски (една куќа), Маркоски (4 куќи) и Нелоски (2 куќи) кои го слават празникот Свети Архангел Михаил. Тие фамилии дошле од Ржаново, Струшка Малесија. Фамилии доселени 1946/47 се: Димоски ( 4 куќи ), Андриески (4 куќи: Андриески, Андрејески, Андријески и Андриоски), Трајчески (3 куќи), Негриоски (2 куќи), Маркоски (2 куќи), Митрески (2 куќи) кои дошле од Локов, Струшка Малесија и го слават празникот Света Петка - Петковден. Фамилија доселена во 1946/47 е и Барутоски (една куќа) од Селце,Жупа,Дебар кои го слават Свети Никола. Населението претежно се занимава со земјоделство (со одгледување на тутун,жито) и на сточарство. Пеку 90% од населението имаат завршено средно образование,а мал дел само основно или факултет. Во селото живеат 230 жители,сите од Православна вероисповед. Населението му припаѓа на 3 етнички заедници, но преку 93% се Македонци,а останатите се: Срби и Албанци (сите се жени,омажени за селаните, донесени од Албанија).

Општествени институции[уреди | уреди извор]

Црквата „Св. Петка“ во Ново Лагово

Во селото постои училиште во кое се изучува во комбинирани паралелелки до четврто одделение, учениците образованието го продолжуваат во Старо Лагово каде што завршуваат основно образование во ПООУ Круме Волнароски чие седиште се наоѓа во селото Тополчани. Ново Лагово се наоѓа во Пpеспанско-Пелагониската епархија на Македонска Православна Црква - Охридска Архиепископија. Црквата е започната со градба во 2001 г.

Администрација и политика[уреди | уреди извор]

ОСМ Мапа на Ново Лагово

Ново Лагово се наоѓа во општина Прилеп (Пелагониски регион). Ново Лагово практично е приградска населба на градот Прилеп затоа што се наоѓа на 5 км од центарот на Прилеп, а само на еден км од излезот на Прилеп. Регистарски таблички кои се користат во Ново Лагово се: PP-999-ZZ / PP-9999-ZZ. Поштенски код за селото е 7515 (MK-7515). Повикувачкиот број за Ново Лагово е ист со Прилеп 048 (од странство се бира со +389 48 XXXXХХ,притоа код за Македонија е 389, за Прилеп 048). Со селото управува месната заедница Ново Лагово.

Транспорт[уреди | уреди извор]

Селото е важна точка во Општина Прилеп бидејќи низ него поминуваат еден магистрален пат и 3 регионални патишта.

Култура и спорт[уреди | уреди извор]

Спортскиот тим на Ново Лагово се викал ФК Караорман.

ФК Караорман - Ново Лагово. Непозната година.

Иселеништво[уреди | уреди извор]

Иселеничките семејства биле: Вујасиновиќ (1куќа), Каролија (5 куќи), Масникоса (2 куќи), Милановиќ (2 куќи), Бунчиќ (2 куќи), Угричиќ (1куќа), Кутлача (1 куќа), Гриќ (1 куќа), и Рашиќ (1 куќа), по потекло од село Ивошевци во Бенковац, Задарска Жупанија, Хрватска. Р'нчиќ (1к.), Деспиниќ (1к .) и Урукало (1к.) кои се по потекло од Врлик кај Книн, Шибеничка Жупанија, Хрватска.

Надворешни врски[уреди | уреди извор]