Народна Република Македонија

Народна Република Македонија
Знаме Грб
Химна: Денес над Македонија
Главен град (и најголем)		Скопје
Службен јазик		македонски
Уредување		еднопартиски систем
федерална единица на Југославија
•	Одржување на АСНОМ и основање на државата под името ДФ Македонија	2 август 1944
•	од Кралство Југославија	8 март 1946
Површина
•	Вкупна	25,713 км2

Народна Република Македонија — името на македонската држава од 8 март 1946 до 1963. Претходниот назив на државата бил Демократска Федерална Македонија, а Президиумот на Народното Собрание го сменил називот поради уставните промени. По 1963 година, името на државата повторно било сменето во Социјалистичка Република Македонија, повторно поради уставните промени. Во 1991 година, по одржување на референдумското изјаснување, прогласена е независна Република Македонија.

Поважни настани

• Уставотворното Собрание на НР Македонија го усвоила првиот Устав на НР Македонија.
• Формирано е Друштвото на писателите на Македонија.
• Основана е Македонската опера.
• Информбирото донесува резолуција со која се осудува комунистичка Југославија.
• Основан е Македонскиот балет.
• Основан е Институтот за национална историја.
• Одржан е Првиот конгрес на Комунистичката партија на Македонија.
• Основан е Универзитетот Кирил и Методиј.
• Формиран Македонскиот фудбалски сојуз.
• Основано Друштвото на ликовните уметници на Македонија.
• Народното собрание на ФНРЈ го донесува Законот за самоуправување со претпријатијата и стопанските организации.
• Во Охрид е одржан Вториот македонски црковно-народен собор, каде што е прифатен предлогот за обнова на Охридската Архиепископија, олицетворена во самостојната Македонска православна црква.
• Во 1963 се случил катастрофален земјотрес во Скопје.

Територијално административна поделба

• Во 1952 година, со Законот за поделба на Народна Република Македонија на околии, градски општини и општини, биле за првпат воведени околиите и општините како локални територијални единици. Истата година Народна Република Македонија била поделена на 18 околии, 27 градски општини и 205 општини.
• Во 1955 година, со Законот за подрачјата на околиите и општините, во Народна Република Македонија имало 7 околии и 73 општини.
  • Скопската околија се состоела од 9 општин: Бутел, Ѓорче Петров, Драчево, Петровец, Ракотинци, Идадија, Кале, Кисела Вода и Саат Кула
  • Битолската околија се состоела од 13 општини: Битола, Бистрица, Демир Хисар, Дихово, Долнени, Кривогаштани, Крушево, Кукуречани, Мориово, Новаци, Плетвар, Прилеп и Тополчани.
  • Кумановската околија се состоела од 9 општини: Клечевце, Кратово, Крива Паланка, Куманово, Липково, Орашац, Ранковце, Старо Нагоричане и Табановце
  • Охридската околија се состоела од 9 општини: Белчишта, Брод, Дебар, Кичево, Косел, Осломеј, Охрид, Ресен, Струга
  • Тетовската околија се состоела од 7 општини: Врапчиште, Гостивар, Жеровјани, Маврово, Сараќино, Тетово и Теарце
  • Титовелешката околија се состоела од 11 општини: Богданци, Богомила, Валандово, Гевгелија, Градско, Кавадарци, Конопиште, Неготино, Отовица, Велес и Чашка
  • Штипската околија се состоела од 15 општини: Берово, Босилово, Василево, Виница, Делчево, Кочани, Ново Село, Облешево, Пехчево, Пробиштип, Радовиш, Свети Николе, Струмица, Џумајлија и Штип
• Во текот на 1962 година бројот на општините бил намален на 61.
• Во 1966 година биле укинати околиите.

Литература

• Гордана Сиљановска-Давкова, Владимир Митков, Локална самоуправа, Скопје, 2000
• Светомир Шкариќ, Уставно право, Скопје, 2006