Меглен

Општина Меглен Δήμος Αλμωπίας
Општина Меглен на картата на Централна Македонија
Сателитска снимка на Меглен — на исток е планината Пајак, на север е Кожуф, а на запад е Ниџе
Податоци
Област:	Централна Македонија
Округ:	Постол
Гео. област:	Меглен
Население:	29 354 (2001)
Седиште:	С’ботско
Нас. места:	44
Пошт. бр.:	584 00
Пов. бр.:	23840-2
Портал:	dimosalmopias.gov.gr/

Меглен (Мегленско, Мегленија; грчки: Αλμωπία, поточно: Δήμος Αλμωπίας) — етно-географска област, општина и котлина во северниот дел на Егејска Македонија, денес во составот на Грција, која на север се граничи со Република Македонија.

Географија и местоположба

Котлината и областа Меглен се наоѓаат во северниот дел на Егејска Македонија, односно во среднишниот дел на етничка Македонија. На север се граничи со Република Македонија, односно со областите Тиквешија на север и Мариово на северозапад. Кон запад, југ и исток е отворена кон поширокот регион на Егејска Македонија (денес Грција), односно на југ и југоисток се граничи со пространото Солунско Поле, на запад со Воденско, а на исток со дел од областа Бојмија.

Мегленската котлина е интересен тип на котлина со ниска надморска височина, оградена со високи планини од сите страни. Од север е оградена со планините Кожуф и Козјак, од запад со планината Ниџе, на југозапад ја оградуваат огранките на Негушка Планина, а на исток е оградена со планината Пајак.

Низ плодното рамно Мегленско Поле, протекува реката Мегленица, која протекува и низ Солунското Поле, каде што преку канали дава вода за наводнување на обработливото земјиште, а таму се влева и во реката Бистрица, која пак се влева во Егејското Море. Во Мегленската Kотлина преовладува средоземната клима, додека пак на планините континетална и планинска.

Етничка Карта на Општина Меглен

Општина Меглен и населени места

Карта на Меглен од 1904 г.

Во административна смисла, до 1997 г. Меглен бил епархија во округот Постол. Од 1997 г. со законот „Каподистријас“, Меглен е поделен на општините С’ботско (Аридеја) во западниот дел и Капињани (Ексаплатанос) во источната. Од 1 јануари 2011 г., со законот „Каликратис“ станува една општина. Главен град на областа и општината е С’ботско.

Општинска единица С’ботско

Според пописот од 2001 г., општината С’ботско (Δήμος Αριδαίας) имала 20.213 жители и ги опфаќала следиве општински оддели и населени места:

Поранешната општина С’ботско на картата на некогашниот округо Постол.

Центарот на С’ботско со статуа на Ангел Гацо.

Црквата во Баово.

• Општински оддел С’ботско (6 062 жители)

• село С’ботско (Αριδαία, Аридеја) (5.600 жители)
• село Волчишта (или В’лчишта; Υδραία, Идреја) (462 жители)

• Општински оддел Баово

• село Баово (Πρόμαχοι, Промахи) (1 825 жители)

• Општински оддел Биџова Маала

• село Биџова Маала (Πιπεριά, Пиперија или Πιπεριές, Пипериес) (589 жители)
• село Горно Турманли (Ανω Ροδωνιά, Ано Родонија)

• Општински оддел Бизово (479 жители)

• село Бизово (Μεγαπλάτανος, Мегаплатанос) (310 жители)
• село Манастир (Μοναστηράκι, Монастираки) (169 жители)

• Општински оддел Габровци (691 жител)

• село Габровци (Δωροθέα, Доротеја) (633 жители)
• село Раниславци (Αγάθη, Агати) (58 жители)

• Општински оддел Драгоманци

• село Драгоманци (Άψαλος, Апсалос) (1 178 жители)

• Општински оддел Костурени

• село Костурени (Ξιφιανή, Ксифјани) (850 жители)

• Општински оддел Пожарско (1 187 жители)

• село Пожарско (Λουτράκι, Лутраки) (1 163 жители)
• село Пожарски Бањи (Λουτρά Λουτρακίου, Лутра Лутракиу) (24 жители)

• Општински оддел Полјани

• село Полјани (Πολυκάρπη, Поликарпи) (1 071 жител)

• Општински оддел Преб’диште

• село Преб’диште (Σωσάνδρα, Сосандра) (1 206 жители)

• Општински оддел Рудино

• село Рудино (Άλωρος, Алорос) (464 жители)

• Општински оддел Саракиниово (471 жител)

• село Саракиново (Σαρακηνοί, Саракини) (375 жители)
• село Долно Родиво (Κάτω Κορυφή, Като Корифи) (96 жители)

• Општински оддел Северјани (1 340 жители)

• село Северјани (Βορεινό, Ворино) (871 жител)
• село Невор (Νεοχώρι, Неохори) (469 жители)

• Општински оддел Струпино

• село Струпино (Λυκόστομο, Ликостомо) (395 жители)

• Општински оддел Тресино

• село Тресино (Όρμα, Орма) (649 жители)

• Општински оддел Цакон Маала

• село Цакон Маала (Τσάκοι, Цаки) (1 020 жители)
• село Долно Турманли (Κάτω Ροδωνιά, Като Родонија)
• село Цакони (Χρύσα, Хриса)

• Општински оддел Црнешево

• село Црнешево (Γαρέφι, Гарефи) (736 жители)

На територијата на општинската единица се наоѓале и денес запустените села Горно Родиво (Άνω Κορυφή, Ано Корифи), Зборско (Πευκωτό, Певкото) и Кара Дере (Μαυρόλακκος, Мавролакос).

Општинска единица Капињани

Според пописот од 2001 г., општината Капињани имала 9.141 жител и ги опфаќа следниве општински оддели и населени места:

Поранешната општина Капињани на картата на некогашниот округ Постол.

Фреска од Ошинскиот манастир.

Црквата „Свети Димитар“ во Тушин.

• Општински оддел Капињани

• село Капињани (Εξαπλάτανος, Ексаплатанос) (1.768 жители)

• Општински оддел Бериславци (471 жител)

• село Бериславци (Περίκλεια, Периклија) (382 жители)
• село Лугунци (Λαγκαδιά, Лангадија) (89 жители)

• Општински оддел Гостољуби

• село Гостољуби (Κωνσταντία, Констандија) (759 жители)

• Општински оддел Карладово (893 жители)

• село Карладово (Μηλιά, Милија) (677 жители)
• село Ружјани (Ριζοχώρι, Ризохори) (537 жители)

• Општински оддел Кожушани

• село Кожушани (Φιλώτεια, Филотија) (639 жители)

• Општински оддел Новоселци (30 жители)

• село Новоселци (Νερόμυλοι, Неромили) (123 жители)
• село Продром (Πρόδρομος, Продромос) (186 жители)

• Општински оддел Ноти (450 жители)

• село Ноти (Νότια, Нотија) (388 жители)
• село Тушин (Αετοχώρι, Аетохори) (62 жители)

• Општински оддел Ошин

• село Ошин (Αρχάγγελος, Архангелос) (686 жители)

• Општински оддел Слатина

• село Слатина (Χρυσή, Хриси) (395 жители)

• Општински оддел Страишта

• село Страишта (или Витолишта; Ίδα, Ида) (735 жители)

• Општински оддел Тодорци

• село Тодорци (Θεοδωράκι, Теодораки) (772 жители)

• Општински оддел Трстеник

• село Трстеник (Θηριόπετρα, Тириопетра) (401 жител)

• Општински оддел Фуштани

• село Фуштани (Φούστανη, Фустани) (542 жители)

На територијата на општинската единица се ноаѓаат и денес запустените села Лесково и Извор.

Поврзано

• Мегленоромански јазик
• Список на села во Меглен
• Мегленска тврдина

Надворешни врски

• Портал на Општина Меглен