Ениќој (општина)

Општина Ениќој Δήμος Αμφίπολης
Општина Ениќој на картата на областа Централна Македонија
Податоци
Област:	Централна Македонија
Округ:	Сер
Гео. област:	Зихна
Население:	12 939 (2001)
Седиште:	Радулево
Нас. места:	23
Пошт. бр.:	620 41
Пов. бр.:	23240-7
Портал:	amfipoli.gr/

Општина Ениќој (грчки: Δήμος Αμφίπολης, Димос Амфиполис) — општина во Серскиот округ на Егејска Македонија, денес во Грција. Административен центар е селото Радулево (Родоливос). Поголем дел од општината припаѓа на традиционалната историско-географска област Зихна.

Населени места

Општината Ениќој е создадена на 1 јануари 2011 по законот „Каликратис“ со спојување на четири стари општини: Ениќој (Амфиполи), Кормишта (Кормиста), Ќупќој (Проти) и Радулево (Родоливос).

Општинска единица Ениќој

Поранешната општина Ениќој на картата на некогашниот округ Сер.

Според пописот од 2001 г., општината Ениќој има население од 3 623 жители. Ги опфаќа следниве општински оддели и населени места:

• Општински оддел Провишта (1950 жители)

• село Провишта (или Превишта; Παλαιοκώμη, Палеокоми) (1723 жители)
• село Ново Фили (Νέα Φυλή, Неја Фили) (227 жители) новосоздадено

• Општински оддел Ениќој (307 жители)

• село Ениќој (или Ени Ќој; Αμφίπολη, Амфиполи) (213 жители)
• село Ново Ениќој (Νέα Αμφίπολη, Неја Амфиполи) (94 жители)

• Општински оддел Локвица (465 жители)

• село Локвица (Μεσολακκιά, Месолакија) (29 жители)
• село Нова Локвица (Νέα Μεσολακκιά , Неја Месолакија) (436 жители) новосоздадено

• Општински оддел Ново Крушево (901 жител)

• село Ново Крушево (Νέα Κερδύλια, Неја Кердилија) (685 жители)
• село Новокрушевски Брег (Ακτή Νέων Κερδυλίων. Акти Неон Кердилион) (75 жители)
• село Лимани (Λιμάνι) (27 жители) новосоздадено
• село Лонкари (Λογκάρι) (22 жители) новосоздадено
• село Сикија (Συκιά) (92 жители) новосоздадено

На територијата на општинската единица се наоѓале и поранешните села Горно Крушево (Ано Кердилија) и Долно Крушево (Като Кердилија) чие население е префрлено во новосоздаденото Ново Крушево.

Општинска единица Кормишта

Поранешната општина Кормишта на картата на некогашниот округ Сер.

Според пописот од 2001 г., општината Кормишта (Δήμος Κορμίστας) се седиште во Нова Бафра има население од 3 034 жители. Ги опфаќа следниве општински оддели и населени места во историско-географската област Зихна во Источна Македонија:

• Општински оддел Нова Бафра

• село Нова Бафра (Νέα Μπάφρα, Неја Бафра) (1 004 жители) новосоздадено

• Општински оддел Баница (457 жители)

• село Баница (или Баништа; Συμβολή, Символи) (419 жители)
• село Горна Баница (Άνω Συμβολή, Ано Символи) (38 жители)

• Општински оддел Кормишта (991 жител)

• село Кормишта (Κορμίστα, Кормиста) (941 жител)
• манастир „Св. Богородица Кушничка“ (Μονή Εικοσιφοινίσσης) (50 жители)

• Општински оддел Череплен

• село Череплен (или Черепљан; Ηλιοκώμη, Илиокоми) (582 жители)

Општинска единица Ќупќој

Поранешната општина Ќупќој на картата на некогашниот округ Сер.

Според пописот од 2001 г., општината Ќупќој (Δήμος Πρώτης) со седиште во Ќупќој има население од 2 999 жители. Ги опфаќа следниве три села во областа Зихна:

• Општински оддел Ќупќој

• село Ќупќој (Πρώτη, Проти) (1 855 жители)

• Општински оддел Анџишта

• село Анџишта (Αγγίστα, Ангиста) (341 жител)

• Општински оддел Витачишта

• село Витачишта (Κρηνίδα, Кринида) (568 жители)

Општинска единица Радулево

Поранешната општина Радулево на картата на некогашниот округ Сер.

Според пописот од 2001 г., општината Радулево (Δήμος Ροδολίβους) со седиште во Радулево има население од 3 283 жители. Ги опфаќа следниве три села во областа Зихна:

• Општински оддел Радулево

• село Радулево (или Радолиово; Ροδολίβος, Родоливос) (2 552 жители)

• Општински оддел Волчишта

• село Волчишта (Δόμιρος, Домирос) (182 жители)

• Општински оддел Шемолтос

• село Шемолтос (или Шемалтос, Семалто; Μικρό Σούλι, Микро Сули) (550 жители)

Поврзано

• Зихна
• Серско Поле
• Кушнички манастир
• Список на села во Зихна

Надворешни врски

• Портал на Општина Ениќој