Мал Ѓол
| Мал Ѓол Мало Караниколичко Езеро Горно Караниколичко Езеро | |
| |
|
| |
| Површина | 7.610 м2 |
| Должина | 107,5 м |
| Ширина | 103,3 м |
| Обем | 330 м |
| Длабочина | 0,5 м |
| Надморска висина | 2.288 м |
| Планина | Шар Планина |
Мал Ѓол (познато и како Мало или Горно Караниколичко Езеро) — ледничко езеро во Македонија, едно од 27. езера на Шар Планина.[1]
Езерото се наоѓа во сливното подрачје на реката Пена на надморска височина од 2.288 метри, северозападно од Кривошијското Езеро.[2]
Од ова езеро како истека се создава Караниколичка Река, која како лева притока на Пена се влива кај селото Вешала.[2]
Одлики[уреди | уреди извор]
Тоа е второто езеро од трите кои го носат името Ѓол на Шар Планина. Тоа е мало ледничко езеро кое се наоѓа на Караниколскиот простор на 2.300 метри надморска висина, непосредно веднаш на запад над Караниколичко Езеро во вдлабнатина (цирк) под врвовите Скарпа и Гури Шереметица. Басенот му е карпест и има крушковидна форма. Површината околу езерото е ливадеста. Долго е 115, а широко е 102 метри. Вкупниот обем му изнесува 313 метри и има површина од 8.240 м². Длабоко е 0,80 метри. Се карактеризира со бистра вода, но на дното е матна. Иако нема приливи, езерото никогаш не пресушува. Кога има голем водостој водата се одлива преку карпесто влабнатото корито.[3]
Мерења во 2020 г.[уреди | уреди извор]
Пред прогласувањето на новиот национален парк „Шар Планина“, во извршената студија за валоризација на паркот се дадени мерењата дека езерото има површина од 7.610 м2, длабоко е 0,5 метри, долго е 107,5 метри, широко е 103,3 метри и средна широчина од 70,8 метри. Бреговата линија која е долга 330 метри има скоро кружен облик и се карактеризира со најмал коефициент на разгранетост кај сите шарпланински езера, чија вредност е 1,07.[2]
Поврзано[уреди | уреди извор]
Наводи[уреди | уреди извор]
- ↑ Rista Nikolić: "Glacijacija Šar Planine i Koraba“, Beograd, 1912 godina.
- ↑ 2,0 2,1 2,2 „СТУДИЈА ЗА ВАЛОРИЗАЦИЈА НА ШАР ПЛАНИНА“ (PDF). Министерство за животна средина. 2020. Посетено на 29 јануари 2022. line feed character во
|title=во положба 31 (help) - ↑ Живко Стефановски, Напредок Тетово, Шар Планина, стр 52
