Беловишка Река

Од Википедија — слободната енциклопедија
Прејди на прегледникот Прејди на пребарувањето
Беловишка Река

Dolna Ckala Belovishte.jpg
Поглед кон најголемиот водопадот на Беловишка Река
ЗемјаПолог, Македонија Македонија
Слив
Главен изворПирибег на Шар Планина
УстиеВардар
Физички особености
Должина~10 км

Беловишка Рекашарпланинска река која извира на источната страна на врвот Пирибег, тече низ тетовското село Беловиште и се влива во Вардар во близина на Јегуновце. Позната е по своите водопади кои се едни од најголемите на Балканот. Кај мештаните реката реката е позната и под името Река Јелика.

Реката ја сочинуваат три поголеми изворчиња кои се наоѓаат на источната страна на сртот на Шара помеѓу Пирибег и Ливадица и не пресушуваат во текот на целата година.

Петочко Водиче[уреди | уреди извор]

Петочко Водиче е излетничка месност над селото Беловиште по течнието на реката. Во реонот има две цркви Св. Петка и Св. Јован Крстител, црковна терпезарија и неколку рибници. Чешмата која се наоѓа во црквата „Св. Петка“ се верува дека има лековита вода за очи.

Водопади[уреди | уреди извор]

Белоовишка река прави три поголеми водопади. Првиот водопад е најмал, но со најголем воден интезитет со и се наоѓа во месноста Петочко Водиче. Висок околу 12 метри и познат е името Враживир.

Средниот водопад се нарекува Долна Цкала и е најголем водопад на Беловишка Река со пад од 43 метри. До него се стасува по 2-3 часа одење по маркирана планинарска патека, која тргнува од црквата Св.Петка од десната страна на реката.

Горниот водопад, или Горна Цкала има непрекинат пад од над 20 метри. Се наѓа во тешко пристапен терен. До него се стигнува по немаркирана планинарската патека која води за врвот Пирибег од левата страна на реката. Патеката тргнува од паркингот кај Петкино Водиче. Има помал интензитет од Долна Цкала бидејки опваќа само два од трите поголеми извори на реката.

Пределот помеѓу горна и долна цкала е тешко пристапен кањон во букова шума во кој реката формира повеќе слапови и мали водопади

Проекти[уреди | уреди извор]

Пред неколку децении постоела студија изработена од Институтот за води, да се направи мини-хидроцентрала со зафаќање и на другите шарски води. Но бидејќи биле потребни многу пари, проектот не се остварил, иако постоеле неколку понуди за тоа и од одделни меѓународни студии.

Надворешни врски[уреди | уреди извор]

Поврзано[уреди | уреди извор]

Галерија[уреди | уреди извор]