Долно Врачанско Езеро

Од Википедија — слободната енциклопедија
Прејди на прегледникот Прејди на пребарувањето
Долноврачанско езеро
Долно Врачанско Езеро 11.jpg
Координати:
Површина: 625 м2
Должина: 25 м
Ширина: 25 м

Обем:

75 м
Длабочина: 2,5 м
Надморска висина: 2.170 м
Планина: Шар Планина

Долноврачанското езеро е глацијално езеро[1] и едно од 27-те на Шар Планина.

Местоположба и одлики[уреди | уреди извор]

Поглед на Долното Врачанско Езеро под гребенот на врвот Мала Враца

Заедно со Горноврачанското езеро ги сочинуваат Врачанските езера. И ова езеро како горното било безимено, но Душко Кривокапиќ го нарекол долно, бидејќи се наоѓа на пониска надморска висина[2]. Се наоѓа на 2,170 m надморска висина. Езерото лежи во длабодолинка, односно мал но длабок цирк, на североисточната страна на Белокаменскиот гребен[3], непосредно под самиот врв Мала Враца. Басенот му е тркалест со изразито карпесто-каменесто дно, со пречник од 25 метри и со длабочина од нешто повеќе од еден метар[4]. Според податоците на македонскиот географ Александар Стојмилов, Долното Врачанско Езеро зафаќа површина од 625 м2 со должина и широчина од 25 метри, 75 метри должина на брегот и најголема длабочина од 0,50 метри[5]. Всушност точната длабочина на Долното Врачанско Езеро изнесува нешто повеќе од 2,50 метри и претставува едно од подлабоките езера на Шар Планина. Исклучително големата длабочина се должи на длабочината на циркот во кој е насобрана водата која дотекува и истекува од потокот Тиха Вода. Непосредно веднаш на запад постои уште еден длабок цирк (вдлабнатина) која што е сува бидејќи во неа не дотекува вода. Податоците во научната литература, се однесуваат всушност на блиската и соседна локва оддалечена на 50 метри, која е погрешно идентификувана како Долно Врачанско Езеро, а самото ова езеро е исто така погрешно именувано како Горно. Се одликува со многу бистра и извонредно студена вода која што поради исклучиво тревнатите брегови и непосредна околина, како и каменото дно и самата длабочина на езерото му дава многу убава и привлечна темно зелена и синкава боја, поради туристичко-промотивни цели тоа може да се именува и како Смарагдно Езеро . Водата ја добива преку влевање на мал слап (водопад) од истекот од горното езеро и се одлива истотака преку истек кој како поток под името Тиха Вода тече во долот помеѓу врвовите Голема и Мала Враца и како лева изворишна челенка се влева во реката Маздрача. Дотекувањето и истекувањето на водата, големата длабочина и близината на силните извори прават езерото да има исклучително студена вода. Блиску под езерото се наоѓа бачило, чиј добиток често се напојува од езерските води.

Галерија[уреди | уреди извор]

Види исто така[уреди | уреди извор]

Надворешни видеоснимки
Долно Врачанско Езеро
Аматерската снимка „Сребреното Горно Врачанско Езеро“ од 2016 година од серијалот „Уживај во Македонија

Надворешни врски[уреди | уреди извор]

Наводи[уреди | уреди извор]

  1. Rista Nikolić: "Glacijacija Šar Planine i Koraba“, Beograd, 1912 godina.
  2. Кузман Најденоски: „Тетово во минатото“, издание од 1964 година. Печатница „Напредок“ Тетово
  3. Душан Кривокапиќ: „Шар-Планина“, издание на „Туристичка Штампа“, Белград, 1969 година
  4. Живко Стефановски, Напредок Тетово, Шар Планина, стр 58
  5. Стојмилов, Александар (2011) (на македонски). Географија на Република Македонија. Скопје: Универзитет за туризам и менаџмент. стр. 208.