Долно Доброшко Езеро
| Долнодоброшко езеро | |
|---|---|
_03.jpg)
| |
| Координати: | 42°08'38,7 СГШ 21°00'46,2 ИГД |
| Површина: | 3.760 м2 |
| Должина: | 55 м |
| Ширина: | 75 м |
|
Обем: |
225 м |
| Длабочина: | 0.50 м |
| Надморска висина: | 2.400 м |
| Планина: | Шар Планина |
Долнодоброшкото езеро е ледничко езеро[1] и едно од 27-те на Шар Планина. Заедно со Горнодоброшкото езеро ги сочинуваат Доброшките езера. Името го добиле по селото Доброште, кое се наоѓа веднаш под нив на самото подножје на планината[2]. Се наоѓа на 2.400 m надморска висина на една зарамнета полјана која е заградена во подножјето помеѓу врвовите Доброшки Врв, Езерски Врв и Езерска Чука. Долго е 55, а широко е 77 метри, додека вкупната должина на неговите брегови изнесува 225 метри[3]. Длабоко е само половина метар. Има површина од 3.760 m²[4]. Всушност ова езеро претставува своевиден завир - односно заезерување на водите од неколку потоци и извори кои се слеваат на најниската точка на ова мало зарамнување полјана/висорамнина помеѓу трите околни стрмни врвови. Дното на езерото е рамно и песокливо, делумно со плочест нанос. Создадено е од атмосферските наноси, но во него се вливаат и неколку помали поточиња од потокот Езерска Река кој извира над Горното Доброшко Езеро се влева во него, па повторно истекува и се влева во Долното Доброшко Езеро од каде истекува и се влева во реката Габровница. Сепак, во сушни години, кон средината на летото при многу високи температури речиси пресушува[5]. Се одликува со многу бистра и студена вода, чија проѕирност се должи на протечноста на водата која се влева и истекува од него како и од многу малата длабочина со песокливо дно. До езерото нема обележана планинарска патека, но под него има бачило до кое води добро разгазен коњски и пешачки пат. Недалеку, На ливадата веднаш до Горното езеро, се поставуваат шаторите од кампот за првото ноќевање на Западната македонска планинарска трансферзала „Љуботен - Охрид“, а поради зарамнетоста на теренот и изобилството од вода бреговите околу Долното Доброшко Езеро се исто така многу поволно место за кампување.
Галерија[уреди | уреди извор]
Глетка од Долното Доброшко Езеро
Поглед на Долното Доброшко Езеро
Водите на езерото
Водите на езерото
Поглед на Долното Доброшко Езеро
Поглед од јужниот брег на езерото
Доброшките Езера со Доброшки Врв во позадината
Поглед на Доброшките Езера
_04.jpg)
_02.jpg)
_05.jpg)
_06.jpg)
_01.jpg)
_07.jpg)
.jpg)
.jpg)
Поврзано[уреди | уреди извор]
Наводи[уреди | уреди извор]
- ↑ Rista Nikolić: "Glacijacija Šar Planine i Koraba“, Beograd, 1912 godina.
- ↑ Кузман Најденоски: „Тетово во минатото“, издание од 1964 година. Печатница „Напредок“ Тетово
- ↑ Стојмилов, Александар (2011). Географија на Република Македонија. Скопје: Универзитет за туризам и менаџмент. стр. 208.
- ↑ Живко Стефановски, Напредок Тетово, Шар Планина, стр 50
- ↑ Душан Кривокапиќ: „Шар-Планина“, издание на „Туристичка Штампа“, Белград, 1969 година
