Син Врв

Од Википедија — слободната енциклопедија
Прејди на прегледникот Прејди на пребарувањето
Син Врв
Син Врв (Антени) на Шар Планина 01.jpg
Поглед кон Син Врв од Церипашина на североисток
Висина 2.530 метри.
Местоположба Македонија Македонија
ВенецШар Планина
Координати42°00′33.8″ СГШ 20°50′43.7″ ИГД / 
Прво освојувањенепознато
Најлесна патеказимска патека Попова Шапка - пл.дом „Смрека“ - Церипашина (по срт над крајна станица)

Координати: 42°00′33.8″ СГШ 20°50′43.7″ ИГД / 

Син Врв — планински врв на Шар Планина, во северо-западниот дел на Република Македонија. Тој е составен дел на Шар Планина и неговата височина е 2.530 метри. Се наоѓа во средишниот дел на Шар Планина на огранката која што се протегнува од Титов Врв до над самиот скијачки-центар Попова Шапка. Врвот се издигнува високо над карпестиот предел Бобинова Стена на гребенот Церипашнина Планина и од самиот скијачки центар е забележлив како врвот што се издигнува лево од жичарницата и ски-патеката Церипашина. На самиот врв има поставено антени и железни столбови, поради што тој е познат и под името Антени.

На самиот врв поминува зимската патека по која се искачува највисокиот шарски Титов Врв, а исто така во зимски услови по него минува ратрак патека која води до близината на гребенот на врвот Бакардан каде се скија со турно-скии и сноуборди (снегштици) по стрмните и екстремни необележани патеки на долините Казани и Казаниште. Во зависност од точката на гледање Син Врв е втор или претпоследен врв на протегање по веригата Церипашина - Син Врв - Карабунар/Вакаф - Бакардан - Титов Врв (Шар) - Мал Турчин. Препознатливи месности во непосредна близина на гребенот на Син Врв се Бобинова и Орлова Стена на источната падина и Казаниште на западната, а од самиот врв при ведро време се отвора глетка на целиот масив на Шар Планина. Потеклото на името е непознато, но во зимски услови, поради фактот што на врвот и неговите падини нема поголеми карпи и камења и тој е целосно покриен со снег, во зависност од положбата на сонцето снегот на самиот врв може да има синкава боја.

Галерија[уреди | уреди извор]