КК Работнички

Од Википедија — слободната енциклопедија
Прејди на прегледникот Прејди на пребарувањето
КК Работнички
2016/17
KK Rabotnicki.jpg
Лига Прва Лига Мажи
Основан 1946; пред 72 години (1946)
Локација Скопје
Бои на клубот црвена и бела
         
Претседател Ристо Гапиќ
Тренер Марин Докузовски
Позиција 2016/17 Полуфинале
Супер лига 2ри
Прваци 15 Прва кошаркарска лига
9 Куп на Македонија
2 Суперкуп на Македонија
Дресови
Kit body redcollar.png
Домашен jersey
Kit shorts whitesides.png
Team colours
Домашен
Kit body thinwhitesides.png
Гостински jersey
Kit shorts whitesides.png
Team colours
Гостински


Активни оддели на ЖСД Работнички
Football pictogram.svg Basketball pictogram.svg Handball pictogram.svg
Фудбал Кошарка Ракомет

КК „Работнички“македонски кошаркарски клуб од Скопје. Клубот е освојувач на 15 Првенствени титули, девет Куп титули, како и две Суперкуп титули. Домашен терен на клубот е салата Градски Парк.

Од постоењето на КК Работнички до денес низ овој Клуб продефилирале голем број кошаркари кои, секој на свој начин, дале придонес во развивањето на кошаркарскиот спорт во Македонија и влијаеле на успехот на КК Работнички.

Историја[уреди | уреди извор]

Почетоци[уреди | уреди извор]

Кошаркарскиот клуб Работнички бил основан во 1946 како дел од "ЖСД Работнички" и е најстар кошаркарски клуб во Македонија. Работнички е основан благодарение на Славко Матовски кој "собрал" група млади ентузијасти и ги подучувал за тајните на овој спорт. Од основањето на клубот повеќе години машката екипа на Работнички (Славко и Никола Матовски, Лазаревиќ, Луковски – Аџија, Христовски, Стојановски, Димовски, Стефан и Тошо Тодоровски, Димовски, Атанасовски…) се обидувала да се пласира во елитната Југословенска кошаркарска лига и клубот освоил седум Првенства на Македонија (1947, 1948, 1949, 1950, 1951, 1952 и 1953 година). Во 1953 година тоа и му успеало, Работнички се натпреварувал во Првата сојузна лига – Исток, но само една сезона. Од тоа време вреди да се напомни и третото место на Државното младинско првенство во 1957 година.

1960-ти и 1970-ти[уреди | уреди извор]

Се раѓала нова генерација (Књазев, Фишиќ, Н.Матовски, Дрнков, Мастен, Мировски, Лечиќ…) која го освоила Шампионатот на Македонија по 8ми пат вo 1961 година и дури во 1964 година се изборила за правото да членува повторно во елитната Прва сојузна лига. Во Првата сојузна југословенска кошаркарска лига, екипата на Работнички играла постојано од 1965 година до распаѓањето на Југославија. Од 1963 година до 1970 година за репрезентацијата на поранешна Југославија настапувале Ј.Луковски и С.Андоновски, а во периодот од 1970 до 1977 година: Боцевски, Радосављевиќ, Георгиевски, Ковачевиќ и Радуловиќ, а воедно Благоја Георгиевски е еден од најистакнатите спортисти на Македонија и еден од ретките македонски спортисти кој ја носи највисоката спортска титула – заслужен спортист на поранешна Југославија. Во сезоната 1975-1976 година стигнал до полуфиналето на Европскиот Куп на Победниците на Куповите.

Под спонзорство на Годел[уреди | уреди извор]

По отцепувањето од Југославија, дошло и до распаѓање на Првата и Втората југословенска кошаркарска лига, а кошаркарските клубови од Републиката своите натпревари ги продолжиле во рамките на самата Република. За државното Првенство во 1992/93 од двете кошаркарски лиги – Исток и Запад, првите четири екипи од двете групи го обезбедиле учеството во Првата мак-партнер кошаркарска лига. Од оформувањето на Првата лига (1992) па се до 2000 година, клубот настапувал како Годел Работнички, под покровителство на кожарското претпријатие "Годел", клубот освоил седум Првенствени титули во 1993, 1994, 1995, 1996, 1997, 1998, 1999, како и три Куп титули во 1993, 1994, 1998 година. Во сезоната 1999/00, за првпат откога постоела македонската Прва лига, тимот не освоил титула, бидејќи во финалето загубил од гостиварски Никол Ферт, урнувајќи го митот за непобедливиот "џин".

Ерата на Фершпед[уреди | уреди извор]

Во сезоната 2000/01, Работнички бил без генерален спонзор, но тоа не го спречило да го освои Првенството. За следната сезона, како нов спонзор на клубот дошол „Фершпед“. Истата сезона, Фершпед Работнички повторно го освоил Првенството, во финалето против Куманово. Во сезоната 2002/03, Фершпед Работнички во лигашкото финале го победил Поло Трејд, додека во Купот 2003 го победил МЗТ Аеродром. Во сезоната 2003/04, Фершпед повторно ја освоил двојната круна, против МЗТ во Првенството, и против Неметали Огражден во Купот. Во истата сезона, во Јужната конференција на ФИБА Европа Купот, Работнички станал вицепрвак. Сезоните 2004/05 и 2005/06, минале во знак на соперништвото со Вардар. За овие две сезони, двете екипи ги играле сите финалиња од Лигата и Купот, сите во полза на Фершпед Работнички. Следната сезона во Лигата, Работнички станал вицепрвак, губејќи во финалето од Струмица 2005, додека во Купот 2007 стигнал до финалето. Клубот добил вајлд карта за учество во Јадранската лига за сезоната 2007/08, но подоцна го откажал учеството.[1] Во сезоната 2007/08, Работнички стигнал до полуфиналето во Првенството и Купот. Во сезоната 2008/09, Фершпед Работнички го освоил домашното Првенство, во Балканската лига станал вицепрвак, додека во Купот стигнал до полуфиналето.

Доскорешни сезони[уреди | уреди извор]

Oд сезоната 2009/10, Работнички останал без генерален спонзор. Во домашното Првенство завршил на шестото место во Супер лигата, а во Купот 2010 до четвртфиналето. Во Балканската лига опстоил само до првата фаза на натпреварувањето. Во сезоната 2010/2011, нов генерален спонзор на клубот бил "КУБУС", при што бил освоен Купот 2011, додека во Првенството било освоено второто место, но по две сезони, спонзорот си заминал. Од сезоната 2011/2012, главен спонзор на клубот е Општина Центар и за сезоната 2012/2013, кошаркарскиот клуб Работнички се трансформирал во Акционерско друштво.[2] Во сезоната 2013/14, Работнички го освоил второто место во Првенството. За следната сезона, Работнички го освоил Купот на Македонија 2015. Во Првенството 2014/2015, Работнички бил елиминиран во полуфиналето од Куманово 2009.[3][4] Во 2015 година, Работнички се натпреварувал во обновениот Суперкуп, станувајќи вицепрвак во тоа издание. Истата сезона стигнал до четврфиналето во Првенството и Купот. Работнички сезоната 2016/17, стигнал до полуфиналето во Купот 2017 и Првенството. Во сезоната 2017/18, Работнички бил вицепрвак во Купот 2018, додека во Првенството, по пауза од девет години, Работнички повторно бил првак.

Постигнувања[уреди | уреди извор]

Сезона 2017/2018[уреди | уреди извор]

Crystal Clear app xmag.svg Главна статија: „КК Работнички сезона 2017/18.

Составот на Работнички за сезоната 2017/2018

број име висина
(цм)
позиција години националност пристигнал
во (година)
претходен клуб
10 Маркус Гинјард 196 Крилен центар
/ Бек
31  САД 2017 Чарни Полска
7 Шон Еванс 203 Крилен центар 29  САД 2018 Бока Јуниорс Аргентина
20 Чавдар Костов 195 Бек 30  Бугарија 2017 Кимис Грција
1 Кирил Николовски 210 Крилен центар
/ Центар
29 Македонија Македонија 2017 Карпош Соколи
14 Бојан Крстевски 206 Крилен центар
/ Центар
28 Македонија Македонија 2017 Кожув
5 Димитар Мираковски (К) 177 Разигрувач 37 Македонија Македонија 2014 Кожув
15 Расел Робинсон 185 Бек 32  САД 2017 Шчеќин Полска
9 Ѓорѓи Чековски 203 Крилен центар 38 Македонија Македонија 2015 Сигал Приштина Косово
6 Димитар Караџовски 190 Бек 33 Македонија Македонија
 Бугарија
2018 Куманово 2009
25 Виктор Ефремовски 191 Крило 19 Македонија Македонија 2015 Вардар
8 Петар Николиќ 189 Бек 24 Македонија Македонија
 Србија
2015 Водњански Лисици
6 Дамјан Крстевски 193 Бек 18 Македонија Македонија 2014 Младински состав
Повремени играчи од младинските погони на Работнички
12 Славчо Темелковски 199 Центар 17 Македонија Македонија 2016 Младински состав
7 Андреа Деолски 188 Бек 18 Македонија Македонија 2016 Младински состав
4 Андреј Јордановски 183 Разигрувач 18 Македонија Македонија 2017 Вардар
Максим Митевски 18 Македонија Македонија 2017 Младински состав

Извор: Македонска Кошаркарска Федерација eurobasket.com

|}

Меѓународни натпреварувања[уреди | уреди извор]

Сезона Натпреварување Достигнување Поб Пор
1973 ФИБА Корач Куп Групна фаза1 0 0
1975/76 ФИБА Европски Куп на
Победниците на Куповите
Полуфинале 4 4
1993/94 ФИБА Европска Лига Шестнаестинафинале 2 2
1993/94 ФИБА Европски Куп Групна фаза 2 8
1994/95 ФИБА Европска Лига Прва рунда 1 1
1995/96 ФИБА Европска Лига Прва рунда 1 1
1996/97 ФИБА ЕвроКуп Групна фаза 1 9
1997/98 ФИБА ЕвроКуп Групна фаза 0 10
1999/00 ФИБА Сапорта Куп Групна фаза 1 9
2000/01 ФИБА Корач Куп Прва рунда 0 22
2002/03 ФИБА Европа Куп на Шампиони
(Јужна Конференција)
Групна фаза 1 9
2003/04 ФИБА Европа Куп
(Јужна Конференција)
Вицепрвак 5 3
2004/05 ФИБА Европа Лига Групна фаза 2 10
2008/09 Балканска Лига Вицепрвак 7 5
2009/10 Балканска Лига Групна фаза 1 7
2017/18 ФИБА Европа Куп Прва ква. рунда 0 2

Натпреварување Сез Нат Поб Пор
Европска Лига / Евролига 3 8 4 4
Европски КПК / Европски Куп /
ЕвроКуп / Сапорта Куп
5 48 8 40
Европа Лига / ЕвроЧеленџ 1 12 2 10
Европа Куп 1 2 0 2
Корач Куп 21 2 0 22
Европа Куп на Шампиони /
Европа Куп
2 18 6 12
Балканска Лига 2 20 8 12

1 Работнички првично бил избран во групата, но потоа се повлекол од натпреварувањето.

2 Реванш натпреварот завршил со резултат од 70:70. Немало потреба да се потреба да се игра продолжение бидејќи вкупниот резултат од двата натпревари одел во полза на противникот на Работнички.

  • Со задебелените букви се постоечките натпреварувања.
  • Со косите букви се непостоечките натпреварувања.

Поважни кошаркарски имиња[уреди | уреди извор]

Извор:eurobasket.com

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]