КК Гостивар
| КК Гостивар | |||
|---|---|---|---|
| Податотека:KK Gostivar.png | |||
| Лига | Прва лига мажи | ||
| Основан | 1954 2009 (обновен) 2015 (обновен) | ||
| Распаднат | 2008 2011 | ||
| Место | Гостивар | ||
| Бои на клубот | сина и бела | ||
| Претседател | Александар Трпевски | ||
| Тренер | Никола Димитриевски | ||
| Позиција 2018/19 | Полуфинале Супер лига 4ти | ||
| Прваци | 1 Прва лига мажи 2 Куп на Македонија 2 Суперкуп на Македонија 3 Прва кошаркарска републичка лига | ||
| Дресови | |||
| |||
КК Гостивар - кошаркарски клуб од Гостивар, Македонија. Клубот моментално се натпреварува во Првата македонска кошаркарска лига. Клубот е освојувач на Првата македонска кошаркарска лига, како и двократен освојувач на Купот и Суперкупот на Македонија.
Историја[уреди | уреди извор]
Според спортските хроничари првите официјални натпревари во Гостивар се играле на почетокот на 50-тите години на минатиот век, на некогашното игралиште на ДТВ „Партизан“, на земјената подлога, во центарот на градот, а денес просторот се користи за паркинг. Екипата го носела името „Трговски“. Во 1954 година го регистрирале клубот и го промениле името во КК „Маврово“, а „Електро-Маврово“ од Гостивар бил долги години спонзор. Трипати клубот бил освојувач на титулата Републички првак и тоа во 1965, 1967 и 1968 година. Во последните три децении на минатиот век Гостивар бил втор кошаркарски град во Македонија, после Скопје. Екипата на Маврово неколку сезони успешно се натпреварувала во Втората кошаркарска лига на поранешната заедничка држава, СФРЈ. Во повеќе наврати екипата се обидува да стане член и на Првата лига, меѓутоа недостасувал последниот решавачки чекор за постигнување на целта.[1][2]
По независноста[уреди | уреди извор]
Во Македонската кошаркарска лига се водела изедначена борба за првото место на табелата меѓу Маврово односно Никол Ферт и Работнички од Скопје. Тие биле најквалитетни и најтрофејни екипи во Македонија, во освојувањето на Купот на Македонија и на републичкото Првенство.[2] КК Гостивар бил домаќин на Купот на Македонија 1994.[1] Никол Ферт во Купот на Македонија 1999 бил вицепрвак, губејќи од МЗТ Аеродром. Следната сезона бил првак во Првенството и го освоил Суперкупот на Македонија 2000 победувајќи го МЗТ Аеродром. Никол Ферт го освоил Купот на Македонија 2001, кога го победил Работнички. Исто така, од Николферт бил освоен и Купот на Македонија 2002 и Суперкупот на Македонија 2002. Во тој период Николферт го срушил рекордот за најмлад играч во Првата лига, внесувајќи го тогаш девет годишниот Никола Гајдаџиев.[3] Во 2004 година му било дадено старо-ново име на клубот - Маврово.[4][5] За време на сезоната 2007/08, Маврово за време на полусезоната поради финансиски причини бил исфрлен од Првата лига и за следната сезона требал да се натпреварува во Втората лига.[6] Повторно поради финансиски проблеми, Маврово го откажал учеството и во Втората лига и се распаднал.[7] Клубот во 2009 година бил обновен под името Гостивар 2009 и настапувал две сезони и потоа повторно се распаднал.
Повторна обнова[уреди | уреди извор]
Клубот бил обновен во 2015 година поради тоа требал за започне да се натпреварува во Третата лига.[8] Но по пат на договор Т-Баскет подоцна му го предал неговото учество во Втората лига.[2][9][10] Со освојувањето на првото место во Втората лига 2016/17, Гостивар добил право да учествува во Првата лига.
Историја на клупското име[уреди | уреди извор]
Во својата историја екипата на Маврово повеќепати го менувала името, поради смена на спонзорите: Готекс, Вардар Комерц, Никол ферт, повторно Маврово сè до 2008 година и Гостивар 2009 по обновувањето.[2]
- 1996—2004: Никол Ферт
- 2004—2008: Маврово
- 2009—2011: Гостивар 2009
- 2015-2017: Гостивар 2015
- 2017-: Гостивар
Моментален состав 2023/24[уреди | уреди извор]
Извор:Кошаркарска федерација на Македонија Архивирано на 26 октомври 2020 г. eurobasket.com
| Играчи |
|---|
| Војче Лефкоски |
| Максим Митевски |
| Тома Стојаноски |
| Марко Пецаноски |
| Габриел Коскоски |
| Виктор Златевски |
| Кристијан Симњаноски |
| Лука Смилески |
| Момчило Јованоски |
| Џејлин Конел Инграм |
| Кристофер Томас Остен |
| Тирес Десен Трој Вилијамс |
| Кенет Џамал Џонс |
Постигнувања[уреди | уреди извор]
- Прва македонска кошаркарска лига(1): 2000
- Куп на Македонија(2): 2001, 2002
- Суперкуп на Македонија(2): 2000, 2002
- Македонска републичка лига(3): 1965, 1967, 1968
Поврзано[уреди | уреди извор]
- Втора македонска кошаркарска лига
- Прва македонска кошаркарска лига
- Куп на Македонија
- Суперкуп на Македонија
- Кошаркарска федерација на Македонија
- Спорт во Гостивар
- Кошарка во Македонија
Наводи[уреди | уреди извор]
- ↑ 1,0 1,1 Спорт/Кошарка - К.К. „Гостивар“ Архивирано на 15 април 2016 г. gostivar.net 2002
- ↑ 2,0 2,1 2,2 2,3 Ќе го вратиме реномето на кошарката во Гостивар utrinski.mk 4 ноември 2015
- ↑ „НОВА МОДА ИЛИ НЕШТО ДРУГО: Дали играњето на пионери со сениори е исправно и „здраво"?“. sportmedia.mk. 7 ноември 2017. Посетено на 9 ноември 2017.
- ↑ Беспотресно прелевање и едно прволигашко откажување[мртва врска] vest.com.mk 2 јули 2004
- ↑ Лазовски се гледа во финалето, Петровиќ најавува "ремонт"[мртва врска] vest.com.mk 12 октомври 2004
- ↑ Прволигашко збогум за гостиварци[мртва врска] vecer.mk 7 јануари 2008
- ↑ Вести - Спорт[мртва врска] kiss.com.mk 7 јуни 2008
- ↑ Билтен бр.1 Сезона 2015/2016 - Сениорски лиги Архивирано на 4 март 2016 г. basketball.org.mk 7 септември 2015
- ↑ Изјава на КК Т-Баскет КК Т-Баскет на Facebook 30 септември 2015
- ↑ Интервју со Попоски: КК Гостивар со шампионски амбиции Архивирано на 4 март 2016 г. sportclub.mk 30 октомври 2015
Надворешни врски[уреди | уреди извор]
- Мрежно место на Македонската Кошаркарска Федерација Архивирано на 28 мај 2010 г.
| ||||||||||