КК МЗТ Скопје

Од Википедија — слободната енциклопедија
Прејди на: содржини, барај
КК МЗТ Аеродром
лого на КК МЗТ Аеродром
Цело име Кошаркарски Клуб МЗТ Аеродром
Основан 9 март 1966; пред 49 години (1966-03-09)
Распаднат
Арена Спортски центар
Јане Сандански
Локација Скопје
Тимски бои сина и бела
         
Претседател Сашо Босилков
Главен тренер Алеш Пипан
Титули 3 Прва кошаркарска лига
7 Куп на Македонија
Лига Прва Лига Мажи
2013/14 1. место
Официјално веб-место
Дресови
Kit body unknown.png
{{{title}}} jersey
Team colours
{{{title}}}
Kit body unknown.png
{{{title}}} jersey
Team colours
{{{title}}}

МЗТ Аеродром е кошаркарски клуб од Општина Аеродром, Македонија. Клубот ги игра натпреварите во Спортскиот центар Јане Сандански.

Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), три по осамостојувањето на Македонија (2012, 2013, 2014), како и седум титули во Кошаркарскиот куп на Македонија (1996, 1997, 1999, 2000, 2012, 2013, 2014).

Историја[уреди]

1996 - 1990[уреди]

Кошаркарскиот клуб МЗТ Аеродром е формиран во 1966 година и до 1984 година бил активен во рамките на Младинското спортско друштво, а потоа преминал под покровителство на „Металскиот завод-Тито“. Оттогаш, клубот постојано настапувал под името „МЗТ“, со чести измени на некои додавки, кои ги одразувале спонзорите.

КК „Скопје“ бил формиран од група ентузијасти, предводени од првиот претседател на клубот Миле Меловски. Во клубот веднаш се зачлениле голем број младинци, кои почнале да тренираат на асфалтното игралиште во населбата „Автокоманда“. Во првата екипа биле Трпезановски, Атанасовски, Стрезовски, Лазаревски и Домлевски, кој бил и првиот тренер. За две години, клубот станал член на Македонската лига, а набрзо, во периодот од 1970 до 1974 година, екипата на КК „Скопје“ била републички првак. Тоа ѝ обезбедувало учество во квалификациите за учество во Втората сојузна лига, но на квалификационите натпревари (двапати во Скопје и по еднаш во Титоград и во Младеновац), клубот не успевал да избори учество во Втората лига.

Во 1971 година за претседател на клубот бил изран Урош Маљковиќ, а во 1972 година за тренер бил ангажиран Борис Соколовски. Со реорганизација на лигите, во 1974 година, КК „Скопје“ добил право да се натпреварува во Втората лига-Јужна група. Во првата сезона во оваа конкуренција клубот го освоил седмото место, но поради лошата финансиска состојба постојано биле доведувани во прашање патувањата на туѓ терен. Тогаш со првата екипа наизменично работеле Домлевски и Стерули Андоновски, кој бил големо име во македонската кошарка.

Веќе следната година откако се натпреварувал во Втората лига, КК „Скопје“ стигнал до прволигашките квалификации. Но, поради пристрасноста на судиите, клубот го напуштил теренот во Иванград, така што првиот обид не се успеал, а по тој инцидент уследила и казна со одземање осум бодови за следната година. Во овој период, за клубот настапувале повеќе познати македонски кошаркари, како: Черепналковски, Кафеџиски, Ристевски, Никифоровиќ, Кардалев, Бошковски и Лазаров. Во тие години, за младинскиот погон бил одговорен Димитар Трпезановски.

Сепак, подоцна, клубот западнал во криза и повторно се нашол во Републичката лига. Тогаш за тренер бил ангажиран Таки Џиков, кој претходно работел како одбојкарски тренер. Со него, во 1979 година било освоено првото место во Македонската лига, а екипата имала успех и во квалификациите, па така повторно се вратила во Втората лига. Урош Маљкович успешно ја извршувал функцијата на претседател, а Трпезановски и натаму бил одговорен за пионерите и младинците. Тогаш, при крајот на 1970-тите, „Металскиот завод Тито“, барајќи и сопствена афирмација, почнал да вложува во КК „Скопје“ и на претседателската фотеља дошол Слободан Муцунски, еден од водечките луѓе во „МЗТ“. Комплетното превземање под патронот на „МЗТ“ било реализирано во 1984 година, кога за шеф на стручниот штаб бил ангажиран познатиот стручњак Лазар Лечиќ, а за тренер бил назначен Александар Књазев. Во составот на екипата во тој период се наоѓале уште: Дуковски, Зивчевиќ, Блажевски, Петровиќ, Мирчевски и Марковски. На овие играчи им се приклучиле уште неколку засилувања, па така, тимот под новото име „МЗТ-Скопје“ во 1986 година станал член на Првата југословенска лига.

По осамостојувањето на Македонија[уреди]

По прогласувањето на независноста на Македонија, „металците“ веднаш станале еден од најрелевантните фактори во македонската кошарка, освојувајќи седум победи во Купот на Македонија (1996, 1997, 1999, 2000, 2012, 2013, 2014 година), две во Супер купот и три шампионски титули (2012, 2013, 2014). Притоа, клубот бил познат под различни имиња, меѓу кои:[1]:

  • КК Скопје - 1966
  • КК МЗТ Бос - 2000
  • КК МЗТ 2000 - 2000 до 2004
  • КК МЗТ - 2004 до 2007
  • КК МЗТ Фон Универзитет - 2007 до 2009
  • КК МЗТ Скопје - 2009 до 2010
  • КК МЗТ Скопје Аеродром - 2010 - денес

Во октомври 2014 година, по поразот од „Фени индустри“ на домашен терен со 73-80, тренерот на „МЗТ Аеродром“ Змаго Сагадин добил отказ, а на неговото место дошол Врбица Стефанов.[2] Во ноември 2014 година, во тимот на „МЗТ“ се вратил Дамјан Стојановски, а една недела претходно и Сеад Шеховиќ и Дион Диксон.[3] [4] По оставката на Стефанов, на тренерското место дошле уште Боби Митев и Александар Јончевски. На 1 март 2015 година, во „МЗТ“ се вратил поранешниот тренер, Алеш Пипан (од сезоната 2012-2013), кој дошол во клубот откако претходно добил отказ од тимот на „Олимпија“. Со неговото враќање на тренерското место, Алекандар Јончевски се преместил на местото помошник во стручниот штаб. На тој начин, за само една сезона, „МЗТ“ сменил дури пет тренери.[5]

Меѓународни настапи[уреди]

Покрај настапите во Македонската лига, „МЗТ Аеродром“ настапувал и во регионалната „АБА Јадранска лига“, како и во ФИБА Еврокупот. Во сезоната 2012-2013, во АБА лигата, „МЗТ Аеродром“ успеал да ги порази „KK Цибона“ и „ХКК Широки ВВин“, а изгубил од „КК Будуќност Воли“, „КК Раднички Крагуевац“, „КК Сплит“, „КК Црвена Ѕвезда“ и „КК Игокеа“, а забележал големите победи против „КК Унион Олимпија“, „КК Цедевита“ и „КК Задар“. На крајот од првиот круг од сезоната, „МЗТ Аеродром“ доживеал убедлив пораз од „КК Партизан“, но и убедлив триумф над унгарскиот претставник „Шолнок Олај“.


Во сезоната 2014-2015 година, тимот на „МЗТ Аеродром“ повторно играл во АБА лигата. На 7 октомври 2014 година, во првиот натпревар одигран на домашен терен, „МЗТ“ го победиле тимот на „Задар“ со 72:58.[6] Во третото коло, на гостувањето во Подгорица, „МЗТ Аеродром“ бил убедливо поразен од домаќинот „Будуќност“ со 69-96.[7] Потоа, тренерот Сагадин бил сменет и под водство на новиот тренер, Врбица Стефанов, во следното коло, одиграно на 18 октомври 2014 година на домашен терен, „МЗТ Аеродром“ го победил унгарскиот клуб „Шолнок“ со 74-58. Најефикасни играчи во тимот на „МЗТ Аеродром“ биле Александар Цветковиќ и Ненад Зивчевиќ, со по 14 поени.[8] Во петтото коло, на гостувањето во Ново Место, Словенија, „МЗТ Аеродром“ бил убедливо поразен од „Крка“ со 52-85 (15-23, 16-20, 12-21, 9-21).[9]

Поразите на „МЗТ“ продолжиле и во шестото коло, кога на домашен терен загубил од тимот на „Цедевита“ од Загреб со 61-76.[10] Во седмото коло, одиграно на 9 ноември 2014 година, „МЗТ“ му гостувал на „Партизан“ во Белград при што загубил со 50-65 (15-11, 14-18, 11-21, 10-15). Најефикасен во тимот на „МЗТ“ бил новото засилување Дамјан Стојановски, кој постигнал 10 поени.[11] Во 12. коло, на гостувањето кај „Цибона“, „МЗТ“ загубил со 61-70, со што го претрпил осмиот пораз во сезоната. Најефикасни во редовите на „МЗТ“ биле Дион Диксон, со постигнати 18 поени и Сеад Шеховиќ, со 12 поени.[12] По одиграните 12 кола во АБА-лигата, тимот на „МЗТ“ бил на последното место во лигата според ефикасноста, со постигнати 66,33 поени по натпревар, со најслаб шут во лигата (реализација од 40,11%), најслаб шут за два поени (реализација од 46,06%) и најмал број асистенции (13,33 по натпревар).[13] Непосроедно пред 23. коло, во тимот на „МЗТ“ се вратил тренерот Алеш Пипан, но и покрај тоа, „МЗТ“ претрпел тежок пораз од „Унион Олимпија“ од 57-76 (14-20, 14-19, 13-18, 16-19).[14]

Раководство[уреди]

Позиција Име
Сопственик Македонија Општина Аеродром
Претседател Македонија Сашо Босилков
Претседател на одборот Македонија Борче Христов
Спортски раководител Македонија Ѓорѓе Војновиќ
Раководител Македонија Видоја Секулоски
Технички раководител Македонија Марјан Михајловски

Спонзори[уреди]

Овластен покровител на дресовите Општина Аеродром
Овластен покровител на дресовите Аџибадем Систина
Овластен покровител на дресовите НЛБ Тутунска Банка
Овластен покровител на дресовите Триглав осигурување
Овластен покровител на дресовите Гранит
Овластен покровител на дресовите T-Mobile
Овластен опремувач Ли Нинг
Овластен преносител МТВ

Ривалства[уреди]

Навивачи[уреди]

Crystal Clear app xmag.svg Главна статија: „Фамилија Аеродром.
„Family Aerodrom“ во 2012 година

Навивачите на МЗТ АеродромFamily Aerodrom“ се добро познати низ Македонија за нивниот фанатизам.

Поврзано[уреди]

Наводи[уреди]

  1. „Профил на МЗТ Аеродром на eurobasket.com“. http://www.eurobasket.com/team.asp?Cntry=FYR%20MACEDONIA&Team=612&Page=0. конс. 23 ноември 2010. 
  2. „Стефанов: Ќе го вратиме победничкиот дух кај шампионот“, Дневник, година XVIII, број 5594, петок, 17 октомври 2014, стр. 24-25.
  3. „Дамјан на располагање на дербито со Работнички“, Дневник, година XVIII, број 5608, вторник, 4 ноември 2014, стр. 22.
  4. „Скопјани освежени со Диксон и Шеховиќ ќе ја нападнат Цедевита“, Дневник, година XVIII, број 5606, сабота, 1 ноември 2014, стр. 23.
  5. „Пипан се врати во МЗТ Скопје за дуелот со неговата Олимпија“, Дневник, година XIX, број 5704, сабота, 28 февруари 2015, стр. 26.
  6. „Новиот тренер дебитираше со победа“, Општина Аеродром, број 61, година IX, ноември-декември 2014, стр. 3.
  7. „Сагадин: Нè скрши цврстата одбрана на домаќинот“, Дневник, година XVIII, број 5591, вторник, 14 октомври 2014, стр. 22.
  8. „Играчите го фалат Стефанов, а тој го истакнува колективот“, Дневник, година XVIII, број 5596, понеделник, 20 октомври 2014, стр. 22.
  9. „МЗТ беше само статист во Ново Место“, Дневник, година XVIII, број 5601, понеделник, 27 октомври 2014, стр. 22.
  10. „МЗТ Скопје продолжува со стилот стани-падни“, Дневник, година XVIII, број 5608, вторник, 4 ноември 2014, стр. 22.
  11. „Партизан му го нанесе третиот пораз во низа на МЗТ Скопје“, Дневник, година XVIII, број 5613, понеделник, 10 ноември 2014, стр. 22.
  12. „Митев: Жалам за поразот од Цибона, се надевам дека ќе победиме на следниот меч“, Дневник, година XVIII, број 5643, вторник, 16 декември 2012, стр. 22.
  13. „Неефикасноста главен проблем за кризата кај МЗТ сезонава“, Дневник, година XVIII, број 5646, петок, 19 декември 2014, стр. 26-27.
  14. „Пипан: Се извинувам, ќе биде подобро“, Утрински весник, година XVI, број 4724, вторник, 3 март 2015, стр. 19.


Надворешни врски[уреди]