Владо Илиевски

Од Википедија — слободната енциклопедија
Прејди на прегледникот Прејди на пребарувањето
Не е исто со Влатко Илиевски.
Владо Илиевски
Vladoilievski12.png
Прекар(и) Влатко
Позиција Разигрувач
Висина 1.88 м
Тежина 84 кг
Роден 19 јануари 1980 (1980-01-19) (воз. 38 г.)
СтрумицаСР Македонија СФРЈ
Националност Македонец
Средно училиште St.Thomas Aquinas
(Св.Тома Аквински)
Драфт 2002 / не
Проф. кариера 1995/1998–2017
Кариера
  • Неметали Огражден (1995-1996)
  • Партизан Србија (1998–00)
  • Антбирлик Анталија Турција (2000–01)
  • Унион Олимпија Словенија (2001–03)
  • Барселона Регал Шпанија (2003–05)
  • Лотоматика Рома Италија (2005–06)
  • ВидиВичи Болоња Италија (2006–07)
  • Монтепаски Сиена Италија (2007–08)
  • Унион Олимпија Словенија (2008–09)
  • Тау Керамика Шпанија (2009)
  • Унион Олимпија Словенија (2009–11)
  • Анадолу Ефес Турција (2011)
  • Локомотив Кубањ Русија (2012)
  • Цедевита Хрватска (2012-2013)
  • ЧЕЗ Нимбурк Чешка (2013-2014)
  • Цибона Хрватска (2014-2015)
  • Капо Д’Орландо Италија (2015-2016)
  • Работнички (2016-2017)
Награди
  • Втора најдобра петорка на сезоната (2017г.)[1]
  • Најдобра домашна петорка на сезоната (2017г.)[1]
  • Инфо од: 07.02.2018.

    Владо „Влатко“ Илиевски (роден на 19 јануари 1980 во Струмица) — бивш македонски кошаркар и репрезентативец. Владо е помал брат на поранешниот кошаркар Димче Гаштарски.[2]

    Тој е висок 188 см и тежок 84 кг. Играл на позиција разигрувач.

    Клубска кариера[уреди | уреди извор]

    Својата кошаркарска кариера ја почнал во 1995 година во салата Парк, каде го носел дресот на Неметали Огражден. По настапот за струмичкиот тим Илиевски заминал во САД каде што настапувал на средношколско ниво во кошаркарската екипа на Средното Училиште „Св. Тома Аквински“ („St. Thomas Aquinas“) од Конетикат.[3][4]

    Во мај 2000 година, Илиевски бил на списокот на пријавените неапсолвенти и странци за НБА драфтот во конкуренција од 20 кошаркари. Тој бил пријавен под југословенскиот пасош што тој го поседувал.[5]

    Во мај 2008 година, Илиевски настапувал во полуфиналето („фајнал-форот“) на Евролигата, каде неговиот клуб „Сиена Монтепаски“ бил поразен од „Макаби Тел Авив“, но го освоил третото место во мечот против „Тау Керамика“. По завршувањето на Европското првенство, немајќи потпишано договор со ниту еден клуб, одредено време Илиевски тренирал во клубот „Хелиос“ од Домжале, Словенија.[6]

    По настапот за чешкиот „Нимбурк“ во сезоната 2013-2014, во ноември 2014, Илиевски потпишал за загребскаЦибона“.[7] Во дресот на „Цибона“, Илиевски дебитирал на 9 ноември 2014 година, во натпреварот со „Крка“ во АБА-лигата при што постигнал осум поени.[8]

    Во јули 2015, Владо потпишал за италијанскиот клуб Капо Д’Орландо.[9] За сезоната 2016/17, Владо потпишал со Работнички. Договорот бил со важност од една година, но во истиот постоела клаузула која му овозможувала на Илиевски да замине во странство до крајот на календарската 2016 година.[10][11] Во јануари 2017 година, Илиевски ја продолжил соработката со Работнички до крајот на сезоната.[12] По завршувањето на сезоната, Владо Илиевски се повлекол од активната кошарка.[13]

    Репрезентативна кариера[уреди | уреди извор]

    Илиевски во репрезентивниот дрес

    Во 2011 година, на Европското првенство во Литванија го постигнал најголемиот успех со македонската репрезентација, освојувајќи го четвртото место. На тоа првенство, Илиевски бил еден од најзаслужните за постигнатиот успех и се прославил со постигнувањето на решавачката „тројка“ во четвртфиналниот натпревар против Литванија, како и со изјавата „леле, што направивме“. Потоа, Илиевски најавил повлекување од репрезентативниот дрес, но повторно настапил за Македонија на Европското првенство во Словенија, одржано во септември 2013 година. За време на завршниот турнир во групната фаза во Загреб - Хрватска, Владо бил вториот играч со најмногу поени во македонската репрезентација односно имал 45 поени на пет натпревари (9 по натпревар).[14] По елиминацијата на Македонија во групната фаза, Илиевски се повлекол од репрезентацијата.[15][16][17]

    Останата кариера[уреди | уреди извор]

    Во јануари 2018 година, Илиевски се кандидирал за претседател на Македонската кошаркарска федерација.[18][19]

    Наводи[уреди | уреди извор]

    1. 1,0 1,1 Eurobasket.com All-Macedonian League Awards 2017“, eurobasket.com, 29 мај 2017 (посет. 7 февруари 2018 г).
    2. ВЛАДО ИЛИЕВСКИ, стрелецот на победничкиот кош на натпреварот со Литванија - Мама Стојка: Влатко спиеше со баскетот“, „vest.mk“, 16 септември 2011 (посет. 8 септември 2016 г). (на mk)
    3. Легендата се враќа дома: Илиевски по 20 години ќе заигра во Струмица“, gol.mk, 24 ноември 2016 (посет. 25 ноември 2016 г).
    4. Vlado Ilievski, un regista da oscar per Capo!“, orlandinabasket.it (посет. 25 ноември 2016 г).
    5. Илиевски меѓу 20-те неамериканци рано пријавени за НБА—драфтот“, dnevnik.com.mk, 22 мај 2000 (посет. 19 септември 2016 г).
    6. „Илиевски тренира со Хелиос“, Дневник, број 5291, година XVII, среда, 16 октомври 2013, стр. 27.
    7. „Илиевски потпиша за Цибона“, Дневник, година XVIII, број 5612, сабота-недела, 8-9 ноември 2014, стр. 22.
    8. „Победа и осум поени за Илиевски во дебито за Цибона“, Дневник, година XVIII, број 5614, вторник, 11 ноември 2014, стр. 22.
    9. Илиевски се пресели во Италија, потпиша за Капо Д’Орландо ekipa.mk 10 јули 2015
    10. Владо Илиевски официјално потпиша за Работнички ekipa.mk 7 септември 2016
    11. ОФИЦИЈАЛНО: Илиевски една година во Работнички sportmedia.mk 7 септември 2016
    12. Илиевски останува во Работнички до крајот на сезонава“, ekipa.mk, 31 јануари 2017 (посет. 1 февруари 2017 г).
    13. ИНТЕРВЈУ – ВЛАДО ИЛИЕВСКИ: Дојде време да и кажам збогум на кошарката!“, ekipa.mk, 9 јуни 2017 (посет. 15 јуни 2017 г).
    14. Accumulated Stats eurobasket2015.org
    15. Владо Илиевски во солзи се прости од репрезентацијата zazabava.com 10 септември 2015
    16. Владо Илиевски се збогува од Македонската репрезентација 365.com.mk 11 септември 2015
    17. Владо Илиевски: Се надевам дека ќе продолжам да бидам дел од македонската кошарка derbi.mk 13 септември 2015
    18. „Илиевски: Иницијативата е поднесена, продолжува борбата за подобра кошарка во Македонија!“. gol.mk. 10 јануари 2018. http://www.gol.mk/kosharka/ilievski-inicijativata-e-podnesena-prodolzhuva-borbata-za-podobra-kosharka-vo-makedonija. посет. 10 јануари 2018 г. 
    19. „Илиевски се кандидираше, дали ќе има уште некој?“. sportmedia.mk. 10 јануари 2018. http://sportmedia.mk/kosharka/domashno-prvenstvo/ilievski-se-kandidirashe-dali-kje-ima-ushte-nekoj. посет. 10 јануари 2018 г. 

    Надворешни врски[уреди | уреди извор]