Машка кошаркарска репрезентација на Македонија

Македонија
Ранг листа на ФИБА	34. (во свет, 2016); 13. (во Европа, 2016)
Член на ФИБА од	1993
ФИБА зона	ФИБА Европа
Национална федерација	МКФ
Тренер	Јорданчо Давитков
Прекар	Лавови; Црвено-Жолти
Олимписки игри
Учества	0
Медали	0
Светско првенство во кошарка
Учества	0
Медали	0
Евробаскет
Учества	5 (1999, 2009, 2011, 2013, 2015)
Медали	0
Светли	Темни

Машката кошаркарска репрезентација на Македонија, позната и како „Репрезентација А Мажи“ — спортска репрезентација која ја претставува Македонија во кошарка во машка конкуренција.

Репрезентацијата е под покровителство на Македонската Кошаркарска Федерација (КФМ) и е членка на ФИБА од 1993 година. Најголем успех на репрезентацијата е учеството на Европското првенство во кошарка во 2011 година во Литванија, каде Македонија го освоила четвртото место. Поради овој успех, самопрегорноста во играта и афирмацијата на татковината во светот, екипата била одликувана со Медал за заслуги за Македонија од страна на претседателот на државата.^[2]

Историја

КФМ, како раководно тело на кошаркарските репрезентации и екипи во Македонија, била создадена во 1992 година и една година подоцна била примена во рамките на ФИБА Европа. Претходно, македонските машки и женски кошаркари биле дел од репрезентацијата на СФРЈ, која своевремено била една од најголемите сили на светската кошаркарска сцена. По распадот на СФРЈ, секоја поранешна југословенска република започнала со нови кошаркарски федерации и репрезентации.

Европски првенства

година	место	натпреварување	домаќин
1955	Види Југославија	Евробаскет 1955	Унгарија
1957	Види Југославија	Евробаскет 1957	Бугарија
1959	Види Југославија	Евробаскет 1959	Турција
1961	Види Југославија	Евробаскет 1961	Југославија
1963	Види Југославија	Евробаскет 1963	Полска
1965	Види Југославија	Евробаскет 1965	СССР
1967	Види Југославија	Евробаскет 1967	Финска
1969	Види Југославија	Евробаскет 1969	Италија
1971	Види Југославија	Евробаскет 1971	Западна Германија
1973	Види Југославија	Евробаскет 1973	Шпанија
1975	Види Југославија	Евробаскет 1975	Југославија
1977	Види Југославија	Евробаскет 1977	Белгија
1979	Види Југославија	Евробаскет 1979	Италија
1981	Види Југославија	Евробаскет 1981	Чехословачка
1983	Види Југославија	Евробаскет 1983	Франција
1985	Види Југославија	Евробаскет 1985	Западна Германија
1987	Види Југославија	Евробаскет 1987	Грција
1989	Види Југославија	Евробаскет 1989	Југославија
1991	Види Југославија	Евробаскет 1991	Италија

Летни олимписки игри

година	место	натпреварување	домаќин
1936	Види Југославија	Кошарка на Летните олимписки игри 1936	Германија
1948	Види Југославија	Кошарка на Летните олимписки игри 1948	Велика Британија
1952	Види Југославија	Кошарка на Летните олимписки игри 1952	Финска
1956	Види Југославија	Кошарка на Летните олимписки игри 1956	Австралија
1960	Види Југославија	Кошарка на Летните олимписки игри 1960	Италија
1964	Види Југославија	Кошарка на Летните олимписки игри 1964	Јапонија
1968	Види Југославија	Кошарка на Летните олимписки игри 1968	Мексико
1972	Види Југославија	Кошарка на Летните олимписки игри 1972	Германија
1976	Види Југославија	Кошарка на Летните олимписки игри 1976	Канада
1980	Види Југославија	Кошарка на Летните олимписки игри 1980	СССР
1984	Види Југославија	Кошарка на Летните олимписки игри 1984	САД
1988	Види Југославија	Кошарка на Летните олимписки игри 1988	Кореја

Светски првенства

година	место	натпреварување	домаќин
1950	Види Југославија	Светско првенство во кошарка 1950	Аргентина
1954	Види Југославија	Светско првенство во кошарка 1954	Бразил
1959	Види Југославија	Светско првенство во кошарка 1959	Чиле
1963	Види Југославија	Светско првенство во кошарка 1963	Бразил
1967	Види Југославија	Светско првенство во кошарка 1967	Уругвај
1970	Види Југославија	Светско првенство во кошарка 1970	Југославија
1974	Види Југославија	Светско првенство во кошарка 1974	Порторико
1878	Види Југославија	Светско првенство во кошарка 1978	Филипини
1982	Види Југославија	Светско првенство во кошарка 1982	Колумбија
1986	Види Југославија	Светско првенство во кошарка 1986	Шпанија
1990	Види Југославија	Светско првенство во кошарка 1990	Аргентина

Настапи на Македонија како самостојна репрезентација

Евробаскет 1999

Првиот голем успех, македонската кошаркарска репрезентација го забележала во 1999 година, кога се пласирала на завршницата на европското првенство во Франција. За време на ова првенство, Македонија била дел од групата А, заедно со СР Југославија, Франција и Израел. Во оваа група, Македонија завршила последна, со освоени 3 бода и кош разлика од -21. Целосно гледано, на ова европско првенство, Македонија завршила на 14 место, пред Босна и Херцеговина и последнопласираната Грција.

Екипа	Бодови	Поб.	Пор.	PCT	ДП	ПП	Раз.
Сојузна Република Југославија	6	3	0	1.000	227	181	+46
Франција	5	2	1	0.667	200	196	+4
Израел	4	1	2	0.333	191	220	-29
Македонија	3	0	3	0.000	197	218	-21

Евробаскет 2009

Следниот позначаен резултат Македонија го забележала по 10 години од првото учество на европското првенство, кога успеала да се пласира на завршницата на европското првенство во Полска во 2009 година. На завршниот турнир, Македонија дошла преку квалификациите кои траеле од 3 до 20 септември 2008 година. Македонија била дел од групата Б, заедно со Летонија, Португалија и Естонија. На крајот од квалификациската рунда, Македонија како водач во групата обезбедила место на завршницата во Полска. На Европското првенство, Македонија била дел од групата А, заедно со Грција, Хрватска и Израел. На ова европско првенство, Македонија го забележала дотогаш најголемиот успех, односно успеала да ја помине групата и на конечната листа да заврши на деветтото место. По поминувањето на групата, Македонија била дел од групата Е, заедно со Франција, Русија, Грција, Хрватска и Германија и завршила на претпоследното место, кое гарантирало деветто место на конечната ранг листа. На овој евробаскет, Македонија го забележала успехот со победување на репрезентациите на Израел и Германија и со конечен рекорд 2-4. На ова првенство, селектор на репрезентацијата бил српскиот тренер Јовица Арсиќ, која ја водел македонската репрезентација од 2007 година, а по завршувањето на првенството, и покрај остварениот задоволителен успех, тој неочекувано предвреме го раскинал договорот со КФМ.^[3]

Екипа	Одиг.	Поб.	Пор.	ДК	ПК	КР	Бодови	Двобој
Франција	5	5	0	380	334	+46	10
Русија	5	3	2	338	338	0	8	1–0
Грција	5	3	2	380	337	+43	8	0–1
Хрватска	5	2	3	357	364	-7	7
Македонија	5	1	4	337	396	-59	6	1–0
Германија	5	1	4	360	383	-23	6	0–1

Евробаскет 2011

Екипа	ОН	Поб.	Пор.	ДП	ПП	КР	Бод.
Русија	5	5	0	355	310	+45	10
Македонија	5	4	1	338	313	+25	9
Грција	5	3	2	348	336	+12	8
Словенија	5	2	3	337	337	0	7
Финска	5	1	4	338	372	-34	6
Грузија	5	0	5	329	377	-48	5

Македонија се пласирала на Евробаскетот 2011 во Литванија преку квалификациите. Во квалификицациите, Македонија играла во група со Велика Британија, Босна и Херцеговина, Украина и Унгарија. Како второпласирана репрезентација во квалификациите, Македонија обезбедила учество на Евробаскетот, каде играла во групата C, со Црна Гора, Хрватска, Грција, Босна и Херцеговина и Финска.

На Евробаскетот 2011 година, Македонија била предводена од селекторот Марин Докузовски. Во прелиминарнара фаза, Македонија завршила на првото место во групата C, со 4 победи и еден пораз, односно ги победила селекциите на Грција, Финска, Хрватска и Босна и Херцеговина, а забележала пораз од Црна Гора, кој воедно бил прв натпревар во групата. Со тој резултат, Македонија влегла во втората фаза од првенството, односно во групата F, каде играла против Грузија, Словенија и Русија, а во таа група биле и репрезентациите на Финска и Грција.

По победата над Грузија, Македонија обезбедила пласман во четвртфиналето, што до тој момент бил најголем успех во македонската кошаркарска историја. Во претпоследното коло од втората фаза, Македонија ја поразила Словенија, а во последното коло од втората фаза, Македонија тесно изгубила од Русија на две секудни при крајот.

Како второпласирана во групата од втората фаза, Македонија во четвртфиналето играла со третопласираната од другата група, односно со домаќинот Литванија, која ја совладала со два бода разлика и обезбедила учество во полуфиналето. Во полуфиналето, селекцијата на Македонија се сретнала со Шпанија, која во четвртфиналето ја победила Словенија и така го постигнала најголемиот успех во историјата на македонската кошарка. Во полуфиналето, Македонија загубила од Шпанија и со тоа играла за бронза со Русија, а Шпанија играла за златото со Франција. Во борбата за третото место, Македонија загубила од Русија и завршила на четвртото место - најдобриот пласман во историјата на оваа репрезентација. Истовремено, благодарение на освоеното четврто место, Македонија директно се пласирала на Евробаскетот 2013 и на квалификацискиот турнир за Олимписките игри во Лондон 2012.

По завршувањето на првенството, во Скопје била приредена голема прослава низ улиците и плоштадите, дополнета со пригодна програма. Сепак, и покрај остварениот огромен успех, веднаш по Евробаскетот 2011, селекторот Докузовски поднесол оставка.^[3]

Летни олимписки игри 2012

Македонија, како четвртопласирана на Евробаскетот 2011, обезбедила пласман на квалификацискиот турнир за Летните олимписки игри во Лондон 2012 година. Македонија играла во групата Д, со селекциите на Нов Зеланд и Ангола. Првите две пласирани екипи од оваа група играле во четвртфиналето против првите две пласирани од групата Ц при што смо три екипи обезбедиле пласман на ЛОИ во Лондон 2012. Турнирот се одржувал во Венецуела, а првиот натпревар Македонија го одиграла на 3 јули 2012 против Нов Зеланд. Македонија не успеала да се квалификува за Олимписките игри, бидејќи била поразена во четвртфиналето со пораз од Доминикана.

Евробаскет 2013

Македонија се квалификувала за Евробаскетот 2013 година, кој се одржал во Словенија. На ова првенство, репрезентацијата ја водел селекторот Алеш Пипан, кој истовремено бил тренер и на МЗТ Аеродром. При извлекувањето на групите, Македонија била во првиот шешир и играла во групата B, заедно со селекциите на Црна Гора, Босна и Херцеговина, Србија, Латвија и Литванија, а натпреварите се играле во Јесенице.^[4] Настапот на ова првенство, Македонија го завршила уште во првата фаза, пласирајќи се како последна во групата В. По завршувањето на првенството, како последица на острите критики за претрпениот неуспех, селекторот Пипан поднесол оставка.^[5]

Евробаскет 2015

Во квалификациите за Евробаскет 2015, Македонија била во групата „Д“, заедно со репрезентациите на Данска, Белгија и Белорусија. Во првото коло, во Скопје, Македонија ја победила репрезентацијата на Белгија со 76-73. Во второто квалификациско коло, во данскиот град Хорсенс, Македонија го победила домаќинот Данска со 81-75. На 17 август 2014 година, Македонија играла со Белорусија како гостин и победила со 81-70. Три дена подоцна, на 20 август, на гостувањето во Белгија, Македонија изгубила со 60-63. На 24 август, во Скопје, Македонија ја победила Данска, со резултат 80-46, а на последната средба, одиграна на 27 август во Скопје била поразена и репрезентацијата на Белорусија, со 72-66.
На тој начин, Македонија завршила на второто место во својата група, остварувајќи пет победи и еден пораз, со исто бодови како и првопласираната Белгија, но со послаба кош-разлика. Оттука, како најдобро рангирана второпласирана репрезентација во квалификациите, Македонија обезбедила директен пласман на Европското првенство. Во квалификациите, најдобар стрелец бил Бојан Трајковски, со 68 бода (просек од 11,3 бода), а Ричард Хендрикс бил најдобар скокач, со 64 скока (10,7 по натпревар).^[6]^[7]^[8]^[9]^[10]^[11]^[12]^[13]
Со ждрепката за Европското првенство 2015, Македонија била распоредена во групата „Ц“, заедно со Хрватска, Словенија, Грција, Грузија и Холандија.^[14]

Во март 2015 година, Кошаркарската Федерација потпишала едногодишен спонзорски договор со турската авио компанија „Туркиш Ерлајнс“.^[15]

На средината на јули, МКФ го ангажирала Италијанецот Џакомо Браида за кондиционен тренер на репрезентацијата.^[16]

Пред почетокот на подготовките за идното континентално првенство, српскиот селектор Александар Џикиќ од МКФ добил отказ,^[17]^[18] а на негово место бил поставен Марјан Србиновски.^[19]^[20]
Својот настап на првенството, македонската репрезентација го завршила уште во првата фаза, претрпувајќи четири порази од пет натпревари. Најпрвин, Македонија била поразена од Грција со 65-85, а во второто коло била подобра од Холандија, остварувајќи ја единтсвената победа на првенството (78-71). Меѓутоа, во третото коло, Македонија претрпела пораз од Хрватска од 55-73, а во следното коло била поразена и од Грузија, со 75-90. Во последниот натрпевар на првенството, Македонија загубила од Словенија со 51-62.^[21]

Состав

Моментален состав

Состав за натпреварите од квалификациите за Европското првенство 2029 против Ирска и Луксембург во јули 2026.

Состав на кошаркарската репрезентација на Македонија

Играчи

Тренери

Поз.	#	Играч	Возраст - Датум на раѓање	Висина	Клуб	Држава
2.5 Б/К	8	Војдан Стојановски (к)	&1000000000000003800000038 – 9 декември 1987(1987-12-09)	1.95 м	МЗТ Скопје	MKD
3.5 К	11	Стојан Ѓуроски	&1000000000000003400000034 – 6 ноември 1991(1991-11-06)	2.03 м	Работнички	MKD
4.5 К/Ц	77	Нејт Сестина	&1000000000000002900000029 – 12 мај 1997(1997-05-12)	2.06 м	Олимпија Милано	ITA
2.5 Б/К	25	Виктор Ефремовски	&1000000000000002700000027 – 21 октомври 1998(1998-10-21)	1.94 м	Работнички	MKD
1.5 Б	33	Лука Стојановски	&1000000000000002600000026 – 4 февруари 2000(2000-02-04)	1.91 м	Пелистер	MKD
4.0 КЦ	6	Ваљмир Какруки	&1000000000000002500000025 – 20 септември 2000(2000-09-20)	2.04 м	Приштина	KOS
3.0 К	23	Андреј Јакимовски	&1000000000000002500000025 – 18 март 2001(2001-03-18)	2.02 м	Аквила Баскет Тренто	ITA
1.0 ПМ	00	Виктор Ташовски	&1000000000000002400000024 – 22 ноември 2001(2001-11-22)	1.82 м	ТФТ	MKD
3.5 К	26	Тома Стојаноски	&1000000000000002200000022 – 14 јуни 2004(2004-06-14)	1.98 м	Гостивар	MKD
2.0 БШ	2	Петар Бошалески	&1000000000000002200000022 – 8 јули 2004(2004-07-08)	1.92 м	Пелистер	MKD
3.5 К	34	Павел Иванов	&1000000000000002100000021 – 17 јуни 2005(2005-06-17)	2.02 м	Кожув	MKD
5.0 Ц	1	Марко Луканоски	&1000000000000002000000020 – 16 март 2006(2006-03-16)	2.09 м	Игокеа	BIH

Тренер

Хозе Мариа Берокал

Асистенти

Водич

Клуб – последен клуб
пред натпреварите
Години – наполнети
години на 12 јули 2026

Поранешни состави

Европско првенство 1999: завршиле на 13. место меѓу 16 екипи^[22]

4 Врбица Стефанов, 5 Владо Илиевски, 6 Ѓорѓи Чековски, 7 Мирза Куртовиќ, 8 Марјан Србиновски, 9 Игор Михајловски, 10 Петар Наумоски, 11 Тодор Гечевски, 12 Дејан Јовановски, 13 Срѓан Станковиќ, 14 Перо Блажевски, 15 Душан Боцевски (Тренер: Заре Марковски)

Европско првенство 2009: завршиле на 9. место меѓу 16 екипи^[23]

4 Врбица Стефанов, 5 Димитар Мираковски, 6 Дарко Соколов, 7 Ристе Стефанов, 8 Војдан Стојановски, 9 Перо Блажевски, 10 Диме Тасовски, 11 Тодор Гечевски, 12 Перо Антиќ, 13 Дамјан Стојановски, 14 Џеремаја Мејси, 15 Предраг Самарџиски (Тренер: Јовица Арсиќ)

Европско првенство 2011: завршиле на 4. место меѓу 24 екипи^[24]

4 Димитар Мираковски, 5 Владо Илиевски, 6 Дарко Соколов, 7 Лестер Бо Мекејлеб, 8 Војдан Стојановски, 9 Дамјан Стојановски, 10 Марко Симоновски, 11 Тодор Гечевски, 12 Перо Антиќ, 13 Ивица Димчевски, 14 Ѓорѓи Чековски, 15 Предраг Самарџиски (Тренер: Марин Докузовски)

Европско првенство 2013: завршиле на 21. место меѓу 24 екипи^[25]

4 Александар Костоски, 5 Владо Илиевски, 6 Дарко Соколов, 7 Лестер Бо Мекејлеб, 8 Војдан Стојановски, 9 Дамјан Стојановски, 10 Владимир Брчков, 11 Тодор Гечевски, 12 Перо Антиќ, 13 Стојан Ѓуроски, 14 Ѓорѓи Чековски, 15 Предраг Самарџиски (Тренер: Алеш Пипан)

Европско првенство 2015: завршиле на 19. место меѓу 24 екипи^[26]

4 Владимир Брчков, 5 Владо Илиевски, 6 Дарко Соколов, 7 Александар Костоски, 8 Војдан Стојановски, 9 Дамјан Стојановски, 10 Марко Симоновски, 11 Љубомир Младеновски, 12 Бојан Трајковски, 13 Стојан Ѓуроски, 14 Ричард Хендрикс, 15 Предраг Самарџиски (Тренер: Марјан Србиновски)

Поранешни играчи

Некои поуспешни поранешни кошаркари се:

Список на натурализирани кошаркари

Играч	Датум на издавање на македонскиот пасош
Слободан Шљиванчанин	14.01.2001
Владимир Кузмановиќ¹	26.03.2002
Кенион Џонс	15.11.2002
Мајкл Вилкинсон	08.03.2006
Кевин Флечер¹	08.03.2006
Рајан Стак	15.08.2006
Џеремаја Мејси	05.12.2007
Дариус Вашингтон¹	11.01.2008
Маркис Грин	27.07.2010
Кенеди Вилсон¹	27.07.2010
Лестер Бо Мекејлеб	28.07.2010
Тод Зафировски¹ ²	10.05.2012
Ричард Хендрикс	17.05.2013
Ромео Тревис	28.07.2016
Џордан Теодор	30.06.2017
Шејн Витингтон	15.06.2018
Џејкоб Вајли	12.11.2020
Ти Џеј Шортс	31.10.2022
Итан Хап	31.10.2022
Омари Мур	11.11.2025
Нејт Сестина	11.11.2025
Диџеј Стјуарт Џуниор	19.06.2026
Мозес Рајт	19.06.2026

¹ Не настапил за репрезентацијата

² Самоиницијативно покренал постапка за македонски пасош

Извор: basketball.org.mk Архивирано на 28 септември 2016 г.

Наводи

↑ „Ранг список на ФИБА“. Архивирано од изворникот на 2016-09-17. Посетено на 2017-03-10.
↑ „Кошаркарите сепак со медал“. Курир. 20 септември 2011. Архивирано од изворникот на 2011-09-23. Посетено на 20 септември 2011.
1 2 "Џикиќ ќе ги засука ракавите", Дневник, година XVII, број 5351, петок, 27 декември 2013, стр. 27.
↑ „Црна Гора прв противник на Евробаскетот во Словенија“. Архивирано од изворникот на 2012-11-22. Посетено на 2012-11-19.
↑ „Џикиќ ќе ги засука ракавите“, Дневник, година XVII, број 5351, петок, 27 декември 2013, стр. 27.
↑ „Џикиќ: Можеме и мораме подобро“, Дневник, година XVIII, број 5542, петок, 15 август 2014, стр. 20-21.
↑ „Македонија и Белгија ќе се најдат на Евробаскетот“, Дневник, година XVIII, број 5548, петок, 22 август 2014, стр. 20-23.
↑ „Селекторот Александар Џикиќ нема да го менува тимот што победува“, Дневник, година XVIII, број 5553, петок, 29 август 2014, стр. 22-23.
↑ „Хендрикс најдобар скокач, Македонија со најмногу тројки“, Дневник, година XVIII, број 5553, петок, 29 август 2014, стр. 22.
↑ „Трајковски: Тие што не веруваа во нас, ги канам да нè гледаат на ЕП“, Дневник, година XVIII, број 5553, петок, 29 август 2014, стр. 22.
↑ Newtime Македонија ја победи Белорусија за три од три во квалификациите (пристапено на 7.9.2014)^{[мртва врска]}
↑ „vesti.mk (пристапено на 7.9.2014)“. Архивирано од изворникот на 2014-08-24. Посетено на 2014-09-07.
↑ „Дерби, Џикиќ незадоволен: можеше и подобро! (пристапено на 7.9.2014)“. Архивирано од изворникот на 2014-08-27. Посетено на 2014-09-07.
↑ „Џикиќ: Прво да видиме со какви состави ќе играме и ние и противниците“, Дневник, година XVIII, број 5638, среда, 10 декември 2014, стр. 22-23.
↑ „Туркиш ерлајнс“, нов спонзор на кошаркарската репрезентација на Македонија Архивирано на 27 март 2015 г. ekipa.mk 24 март 2015
↑ Италијанецот Браида ангажиран за кондицијата на репрезентативците пред ЕП Архивирано на 19 јули 2015 г. sport365.mk 16 јули 2015
↑ „Потрес“ во кошарката: МКФ го отпушти Џикиќ, Србиновски нов селектор Архивирано на 24 јули 2015 г. ekipa.mk 22 јули 2015
↑ Џикиќ по отказот: Во шок сум, навистина не знам зошто повеќе не сум селектор на Македонија! sportmedia.mk 22 јули 2015
↑ ОФИЦИЈАЛНО: Марјан Србиновски е нов селектор! Архивирано на 26 јули 2015 г. ekipa.mk 22 јули 2015
↑ ОФИЦИЈАЛНО: Србиновски ќе ја предводи Македонија на ЕП! sportmedia.mk 22 јули 2015
↑ „Грузија нè прегази, Словенија нè докрајчи“, Дневник, година XIX, број 5862, петок, 11 септември, стр. 24-25.
↑ „Macedonia at the EuroBasket 1999“. 23 јуни 1999.
↑ „Macedonia at the EuroBasket 2009“. Посетено на 15 септември 2009.
↑ „Macedonia at the EuroBasket 2011“. Посетено на 18 септември 2011.
↑ „Macedonia at the EuroBasket 2013“. Посетено на 9 септември 2013.
↑ „Macedonia at the EuroBasket 2015“. Посетено на 10 септември 2015.

Поврзано

Надворешни врски

Официјалното мрежно место на МКФ Архивирано на 25 мај 2017 г.
Старото официјално мрежно место на МКФ
Профил на МКФ на FIBA Europe (англиски)
Колекција на најдобрите моменти на Македонија на ЕвроБаскет 2011 на YouTube.

[1] „Ранг список на ФИБА“. Архивирано од изворникот на 2016-09-17. Посетено на 2017-03-10.

[2] „Кошаркарите сепак со медал“. Курир. 20 септември 2011. Архивирано од изворникот на 2011-09-23. Посетено на 20 септември 2011.

[XVII_2013-3] 1 2 "Џикиќ ќе ги засука ракавите", Дневник, година XVII, број 5351, петок, 27 декември 2013, стр. 27.

[4] „Црна Гора прв противник на Евробаскетот во Словенија“. Архивирано од изворникот на 2012-11-22. Посетено на 2012-11-19.

[5] „Џикиќ ќе ги засука ракавите“, Дневник, година XVII, број 5351, петок, 27 декември 2013, стр. 27.

[6] „Џикиќ: Можеме и мораме подобро“, Дневник, година XVIII, број 5542, петок, 15 август 2014, стр. 20-21.

[7] „Македонија и Белгија ќе се најдат на Евробаскетот“, Дневник, година XVIII, број 5548, петок, 22 август 2014, стр. 20-23.

[8] „Селекторот Александар Џикиќ нема да го менува тимот што победува“, Дневник, година XVIII, број 5553, петок, 29 август 2014, стр. 22-23.

[9] „Хендрикс најдобар скокач, Македонија со најмногу тројки“, Дневник, година XVIII, број 5553, петок, 29 август 2014, стр. 22.

[10] „Трајковски: Тие што не веруваа во нас, ги канам да нè гледаат на ЕП“, Дневник, година XVIII, број 5553, петок, 29 август 2014, стр. 22.

[11] Newtime Македонија ја победи Белорусија за три од три во квалификациите (пристапено на 7.9.2014)^{[мртва врска]}

[12] „vesti.mk (пристапено на 7.9.2014)“. Архивирано од изворникот на 2014-08-24. Посетено на 2014-09-07.

[13] „Дерби, Џикиќ незадоволен: можеше и подобро! (пристапено на 7.9.2014)“. Архивирано од изворникот на 2014-08-27. Посетено на 2014-09-07.

[14] „Џикиќ: Прво да видиме со какви состави ќе играме и ние и противниците“, Дневник, година XVIII, број 5638, среда, 10 декември 2014, стр. 22-23.

[15] „Туркиш ерлајнс“, нов спонзор на кошаркарската репрезентација на Македонија Архивирано на 27 март 2015 г. ekipa.mk 24 март 2015

[16] Италијанецот Браида ангажиран за кондицијата на репрезентативците пред ЕП Архивирано на 19 јули 2015 г. sport365.mk 16 јули 2015

[17] „Потрес“ во кошарката: МКФ го отпушти Џикиќ, Србиновски нов селектор Архивирано на 24 јули 2015 г. ekipa.mk 22 јули 2015

[18] Џикиќ по отказот: Во шок сум, навистина не знам зошто повеќе не сум селектор на Македонија! sportmedia.mk 22 јули 2015

[19] ОФИЦИЈАЛНО: Марјан Србиновски е нов селектор! Архивирано на 26 јули 2015 г. ekipa.mk 22 јули 2015

[20] ОФИЦИЈАЛНО: Србиновски ќе ја предводи Македонија на ЕП! sportmedia.mk 22 јули 2015

[21] „Грузија нè прегази, Словенија нè докрајчи“, Дневник, година XIX, број 5862, петок, 11 септември, стр. 24-25.

[22] „Macedonia at the EuroBasket 1999“. 23 јуни 1999.

[23] „Macedonia at the EuroBasket 2009“. Посетено на 15 септември 2009.

[24] „Macedonia at the EuroBasket 2011“. Посетено на 18 септември 2011.

[25] „Macedonia at the EuroBasket 2013“. Посетено на 9 септември 2013.

[26] „Macedonia at the EuroBasket 2015“. Посетено на 10 септември 2015.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]