Перо Антиќ

Од Википедија — слободната енциклопедија
Прејди на: содржини, барај
Перо Антиќ
Антиќ во дресот на Црвена Звезда (2017)
Антиќ во дресот на Црвена Звезда (2017)
Позиција центар
крилен центар
Висина 2,10 м
Тежина 118 кг
Лига Турска Супер лига
Екипа Фенербахче
Број 12
Роден 29 јули 1982
Скопје, СР Македонија, СФРЈ
Националност Македонец
Проф. кариера 1999–
Кариера

КК Работнички
КК АЕК Атина
КК Црвена Ѕвезда
КК Локомотив Кубан Краснодар
КК Лук Оил Академик Софија
КК Спартак Санкт Петерсбург
КК Олимпијакос
Атланта хокс
КК Фенербахче
КК Црвена Ѕвезда

  • Најдобар кошаркар во странство за 2012 година[1][2][3]
  • Најдобар кошаркар во странство за 2013 година[4][5][6]
  • Најдобар кошаркар во странство за 2014 година[7][8]
  • Најдобар кошаркар во странство за 2016 година[9][10]
Инфо од: 06.07.2017.

Перо Антиќ (р. 29 јули 1982 во Скопје) — македонски професионален кошаркар и член на македонската кошаркарска репрезентација. Антиќ е висок 210 см и тежок 110 кг, а игра на позицијата центар.

Биографија[уреди | уреди извор]

Антиќ почнал да игра кошарка на 11-годишна возраст, заедно со неговиот брат Александар во младинските школи на "КК Работнички", како и во кадетската и јуниорската репрезентација на Македонија. На возраст од 16 години го направил своето деби во првиот тим на клубот. На 17 години, отишол на колеџ во САД.
Во април 2015 година, Антиќ бил уапсен рано наутро во њујоршкиот клуб „1 ОАК“, бидејќи ја попречувал полицијата да изврши увид во инцидентот во кој кошаркарот Крис Коупленд и неговата сопруга биле нападнати и расечени со нож.[11]

Професионална кариера[уреди | уреди извор]

Домашна кариера[уреди | уреди извор]

Својата професионална кариера, Антиќ ја започнал во "КК Работнички" од Скопје во 1999 година.

Меѓународна кариера[уреди | уреди извор]

Од 2001 до 2005 година, Антиќ настапувал за „АЕК“ од Атина. Со овој тим во 2001 го освоил Купот на Грција, а во 2002 година, по цели 15 години, клубот постанал шампион на Грција). Од 2005 до 2007 година, тој настапувал за „КК Црвена Ѕвезда“ и во 2006 година го освоил Купот на СЦГ. Потоа, кариерата ја продолжил во „КК Лукоил Академик“ од Софија, каде играл од 2007 до 2008 година. Со овој клуб, Антиќ ги освоил купот и шампионатот на Бугарија, а тој и во двете натпреварувања ги освоил сите награди (МВП, најдобар стрелец и најдобар скокач). Така, тој бил најкорисниот играч на сезоната 2007/2008 во Бугарија, каде имал просек од 23,3 поени и доминантни 9,3 скокови по натпревар. Од 2008 до 2010 година, Антиќ играл за „КК Локомотив“ од Ростов на Дон, а во сезоната 2010 година се вратил во „КК Лукoил Академик“ од Софија и со тој клуб пак ги освоил шампионатот и купот на Бугарија, а Антиќ бил прогласен за МВП). Истата година, Антиќ потпишал за „КК Спартак“ од Санкт Петербург и со негова помош, клубот по долги години го освоил Купот на Русија, а Антиќ бил прогласен за МВП.
Во 2011 година, непосредно по освојувањето на четвртото место на Евробаскетот во Литванија, Перо заминал во грчкиот клуб „Олимпијакос“ од Атина. Во 2012 година, со овој клуб, Антиќ го освоил грчкиот шампионат, а постанал и шампион на Европа. Следната година, "Олимпијакос" по втор пат постанал европски шампион. Веднаш по тоа, Антиќ, како слободен играч, потпишал договор со клубот од НБААтланта Хокс“, со што постанал првиот Македонец кој заиграл во НБА.[12]
Летото 2015 година, Антиќ ја напуштил екипата на „Атланта“ и потпишал договор со „Фенербахче“. Според истражувањето на американскиот статистичар Марк Поркаро и турскиот новинар Ферсу Јајабејоглу, Антиќ се нашол на 32. место на најплатените кошаркари во Европа, со годишна плата од 1,2 милиони евра.[13]

Настапи во НБА[уреди | уреди извор]

Сезона 2013-2014[уреди | уреди извор]

Непосредно по потпишувањето за „Атланта хокс“, Антиќ не добивал можност да заигра. Својот прв настап за „Атланта“ го имал дури во ноември, на натпреварот против „Њујорк Никс“, одигран на домашен терен во „Арената Филипс“, на кој Антиќ одиграл 12 минути и 55 секунди при што постигнал 4 поени, а имал 5 скокови и 2 асистенции. Сепак, на крајот, „Атланта“ го загубила мечот со 91-95.[14]

Подоцна, по повредата на центарот на „Атланта“, Ал Хорфорд, Антиќ добивал поголема минутажа и играл сè подобро, добивајќи место во првата петорка на „Атланта“. Така, на мечот против „Индијана пејсерс“, Антиќ постигнал 16 поени, а на мечот против „Мајами хит“ и рекордни 17 поени. Најпосле, на мечот против „Орландо меџик“, одигран на гостински терен, Антиќ поминал дури 33 минути на паркетот и го забележал првиот „дабл-дабл“ во НБА, остварувајќи 10 поени, 12 скокови и една асистенција. Притоа, Антиќ ги постигнал решавачките четири поени во победата против „Орландо“ (натпреварот завршил со резултат од 112-109 за „Атланта“).[15]

Во првиот дел од сезоната, заклучно со јануари 2014 година, Антиќ покажал солидни остварувања на паркетот: од вкупно 29 настапи во лигата, во просек, постигнувал по 5,8 поени, 3,4 скокови и 1 асистенција по натпревар, а просечно играл 15,5 минути по натпревар. Само во јануари, кога заиграл во првата петорка на „Атланта“, неговиот просек изнесувал 11,4 поени, 5,9 скока и 1 асистенција по натпревар, со прецизност од 49,2% од игра, 43,2% од линијата за три поени и 78,6% од слободни фрлања. Во конкуренција на дебитантите во НБА, Антиќ бил трет најпрецизен шутер на тројки, десетти најдобар скокач и дванаесеттиот најдобар стрелец. Како резултат на одличните игри, Антиќ бил избран за настап на „ол-стар викендот“ (NBA all star weekend), во рамките на таканаречениот „рајзинг старс челинџ“ (rising stars challenge), на кој настапуваат најдобрите дебитанти во НБА лигата и играчите кои втора сезона настапуваат во НБА.[16]

На почетокот на март 2014 година, по пауза од 17 натпревари, поради повреда на глуждот, Антиќ повторно заиграл за „Атланта хокс“ на гостувањето против „Портланд трејлблејзерс“. Притоа, Антиќ влегол во игра од клупата и на теренот поминал 16 минути, постигнувајќи 10 поени и 4 скокови. Во однос на прецизноста, Антиќ погодил двапати од линијата за слободни фрлања (од два обида), постигнал две тројки (од 4 обида) и еднаш погодил од поле (од еден обид). Сепак, и покрај добрата игра на Антиќ, неговиот тим бил поразен со 78:102.[17] Меѓутоа, по само неколку настапи, кон крајот на март, на натпреварот против „Минесота тимбервулфс“, по еден успешен шут за тројка, Антиќ ја нагазил ногата на својот тренер и повторно се повредил.[18]

Сезона 2014-2015[уреди | уреди извор]

Втората сезона во НБА-лигата, Антиќ ја започнал во мечот против „Индијана Пејсерс“, кој неговиот тим го добил со 102-92. Притоа, Антиќ одиграл 20 минути и постигнал седум поени и имал еден скок и една асистенција.[19] Во следното коло, во натпреварот одигран на гости против актуелниот шампион „Сан Антонио Спарс“, тимот на Антиќ загубил со 92-94, а тој одиграл нецели 16 минути, постигнувајќи седум поени (од три обиди од игра) и имал три скока.[20] Потоа, на натпреварот против „Њујорк никс“, одигран во Атланта, Антиќ играл 17 минути при што постигнал само два поена, а имал и два скока.[21] Во осмото коло, Антиќ настапил во натпреварот против „Јута џез“ во кој неговиот тим победил со 100-97, а Антиќ одиграл 20 минути, постигнувајќи 6 поени и 5 скока.[22] Во 20. коло, на натпреварот против „Индијана“, одигран на гостински терен во Индијанаполис, тимот на „Атланта“ ја остварил седмата победа во низа (108-92), а Антиќ остварил учинок од седум поени, два скока и една асистенција, поминувајќи 15 минути на паркетот.[23] Потоа, „Атланта“ ја остварил и осмата победа по ред, совладувајќи го тимот на „Филаделфија“ со 95-79, а Антиќ играл 12 минути, постигнувајќи пет поени (од кои, една тројка).[24]

По пауза од три натпревари, поради грип, Антиќ се вратил во тимот на „Атланта“ на гостувањето против „Кливленд кавалирс“, кога „Атланта“ победила со 127-98, при што Антиќ играл 13 минути и постигнал 11 поени, а имал и четири скока и две асистенции.[25] Во јануари 2015 година, Антиќ настапил во почетната петорка на натпреварот на „Атланта“ против „Бостон селтикс“, во кој неговиот тим победил со 105-91, што претставувало десетта победа во низа. Притоа, Антиќ одиграл 24 минути и имал учинок од шест поени, пет скока, четири украдени топки и една асистенција.[26] Малку подоцна, со победата против „Индијана“ од 110-91, „Атланта“ поставила нов клупски рекорд, остварувајќи ја 14. победа по ред, во која значаен придонес имал и Антиќ, со своите 12 поени, четири скока и две асистенции, играјќи 18 минути за својот тим.[27]

Во февруари 2015 година, на домашен терен, „Атланта“ го победила тимот на „Њу Орлеанс“ со 105-96, а Антиќ постигнал девет поени и имал шест скока.[28] Во следното коло, на гостувањето против „Мемфис“, тимот на „Атланта“ загубил со 88-94, а Антиќ играл 15 минути при што остварил учинок од два поена и два скока.[29] Потоа, „Атланта“ загубила на гостувањето против „Бостон селтикс“ со 88-89, а Антиќ имал скромен учинок од едне поен и четири скока.[30] На гостински терен, „Атланта“ го победила и тимот на „Милвоки бакс“ со 97-86, а Антиќ одиграл 13 минути при што постигнал три поени (сите од слободни фрлања) и имал три скока и една асистенција.[31] Подоцна, на натпреварот против „Далас маверикс“, во кој „Атланта“ победила со 104-87, Антиќ имал два скока и една асистенција, но не успеал да постигне кош, бидејќи бил непрецизен од трите обиди за „тројка“.[32] [33]

Во март 2015 година, по повредата на коленото, Антиќ се вратил во тимот на „Атланта“ на натпреварот против „Хјустон рокетс“, во кој неговиот тим победил со 104-96, а Антиќ одиграл 12,45 минути, остварувајќи учинок од три поени, два скока и две асистенции.[34] По залечувањето на повредата на ногата, Антиќ се вратил во тимот на „Атланта“ на гостувањето кај „Денвер Нагетс“ при што неговиот тим загубил со 102-115. Антиќ играл околу 20 минути, во кои постигнал шест поени имал два скока.[35] Во натпреварот против „Голден стејт“, којшто тимот на „Атланта“ го загубил со 95-114, Антиќ одиграл речиси 20 минути, со учинок од три поени (сите од слободни фрлања), пет скока и една асистенција.[36] На гостувањето во Орландо, тимот на „Атланта“ забележал победа од 95-83, а Антиќ одиграл околу 22 минути и имал учинок од пет поени и четири скока.[37] Потоа, „Атланта“ го победила и тимот на „Милвоки“ 101-88, а Антиќ играл 15 минути, со учинок од осум погодоци и два скока.[38]

Во април 2015 година, во вториот натпревар од четврфиналната серија од разигрувањето за титулата, „Атланта“ го победила „Бруклин“ со 96-91 при што Антиќ постигнал осум поени, сите во третата четвртина, а остварил и два скока.[39] Подоцна, во четвртиот натпревар, којшто „Атланта“ го загубила со 115-120, Антиќ одиграл речиси 17 минути и имал учинок од шест поени и четири скока.[40] Во мај, во петтиот меч против „Вашингтон“, Антиќ одиграл нецели седум минути во кои постигнал четири поени, сите од слободни фрлања, а имал и три скока.[41] Во првиот натпревар од финалето во источната конференција на НБА, „Атланта“ изгубила на домашен терен од „Кливленд Кавалирс“ со 89-97, а Антиќ одиграл 10 минути при што не успеал да даде ниту еден погодок.[42]

Репрезентативни настапи[уреди | уреди извор]

Со репрезентацијата на Македонија, на Европското првенство 2011 во Литванија, Перо Антиќ го освоил четвртото место.

Останати дела[уреди | уреди извор]

Во летото 2017 година, Перо Антиќ станал главен акционер во кошаркарскиот клуб Гостивар 2015.[43]

Признанија[уреди | уреди извор]

По враќањето од Евробаскетот во Литванија, заедно со членовите на националниот тим, тој ја добил академската титула „Хонорис кауза“, доделена од страна на Универзитетот „ФОН“.[44]

Наводи[уреди | уреди извор]

  1. Година во знакот на Антиќ, Гечевски, Тодоров…“, ekipa.mk, 19 декември 2012 (конс. 6 јули 2017 г).
  2. КФМ ги објави најдобрите“, ohridnews.com, 19 декември 2012 (конс. 6 јули 2017 г).
  3. Гечевски најдобар македонски кошаркар“, vecer.mk, 20 декември 2012 (конс. 6 јули 2017 г).
  4. МКФ ги прогласи најдобрите за 2013, Чековски и Антиќ со главните награди“, ekipa.mk, 8 февруари 2014 (конс. 6 јули 2017 г).
  5. Ѓорги Чековски најдобар кошаркар во Македонија 2013 година“, ohridnews.com, 8 февруари 2014 (конс. 6 јули 2017 г).
  6. Чековски и Антиќ најдобри кошаркари за 2013 година“, mkd.mk, 8 февруари 2014 (конс. 6 јули 2017 г).
  7. „Дамјан Стојановски и Емил Рајковиќ – кошаркарски лауреати за 2014“. ekipa.mk. 19 февруари 2015. http://ekipa.mk/damjan-stojanovski-emil-rajkovik-kosharkarski-laureati-za-2014/. 
  8. „Рајковиќ и Д. Стојановски лауреати за 2014 година“, Утрински весник, година XVI, број 4716, сабота-недела, 21-22 февруари 2015, стр. 18.
  9. Најдоброто од кошарката во 2016: Костоски, Антиќ и Димитријевиќ…“, ekipa.mk, 18 јануари 2017 (конс. 19 јануари 2017 г).
  10. Костоски: Наградата ја посветувам на мојот татко“, sportmedia.mk, 18 јануари 2017 (конс. 19 јануари 2017 г).
  11. „Перо Антиќ уапсен во Њујорк“, Дневник, година XIX, број 5738, четврток-петок, 9-10 април 2015, стр. 27.
  12. www.eurobasket2011
  13. „Перо Антиќ меѓу најскапите играчи во Евролигата“, Дневник, година XIX, број 5874, петок, 25 септември 2015, стр. 20.
  14. „Антиќ заигра, Хокс загуби од Никс“, Дневник, год. XVII, бр. 5316, петок, 15 ноември 2013, стр. 27.
  15. „Антиќ со дабл-дабл притиска за ол стар-викендот“, Дневник, год. XVIII, бр. 5373, петок, 24 јануари 2014, стр. 26.
  16. „Антиќ лансиран меѓу НБА-ѕвездите“, Дневник, год. XVIII, бр. 5379, петок, 31 јануари 2014, стр. 26.
  17. „Антиќ единствена светла точка кај Атланта“, Дневник, година XVIII, број 5409, петок, 7 март 2014, стр. 25.
  18. „Антиќ го шина глуждот“, Дневник, година XVIII, број 5427, петок, 28 март 2014, стр. 29.
  19. „Антиќ стартува во сезоната со 7 поени против Пејсерс“, Дневник, година XVIII, број 5607, понеделник, 3 ноември 2014, стр. 22.
  20. „Атланта поразена од Спарс“, Дневник, година XVIII, број 5611, петок, 7 ноември 2014, стр. 27.
  21. „Атланта подобра од Њујорк“, Дневник, година XVIII, број 5613, понеделник, 10 ноември 2014, стр. 22.
  22. „Перо Антиќ со Атланта влезе во победничка серија“, Дневник, година XVIII, број 5617, петок, 14 ноември 2014, стр. 25.
  23. „Антиќ и Атланта седум меча не знаат за пораз“, Дневник, година XVIII, број 5638, среда, 10 декември 2014, стр. 22.
  24. „Атланта и Антиќ не попуштаат со победничкиот ритам“, Дневник, година XVIII, број 5640, петок, 12 декември 2014, стр. 26.
  25. „Антиќ се врати во тимот, Атланта го суреди Кливленд“, Дневник, година XVIII, број 5646, петок, 19 декември 2014, стр. 26.
  26. „Атланта и Антиќ во Бостон стасаа до 10. триумф во низа“, Дневник, година XIX, број 5668, петок, 16 јануари 2015, стр. 20.
  27. „Атланта со рекордна победничка низа, Антиќ со 12 поени“, Дневник, година XIX, број 5673, петок, 23 јануари 2015, стр. 24.
  28. „Атланта им се врати на победите, Антиќ постигна 9 поени“, Дневник, година XIX, број 5685, петок, 6 февруари 2015, стр. 23.
  29. „Десетти пораз сезонава за Атланта“, Дневник, година XIX, број 5688, вторник, 10 февруари 2015, стр. 22.
  30. „Бостон со звукот на сирената ја совлада Атланта“, Дневник, година XIX, број 5691, петок, 13 февруари 2015, стр. 22.
  31. „Три коша на Антиќ во триумфот над Милвоки“, Утрински весник, година XVI, број 4718, вторник, 24 февруари 2015, стр. 18.
  32. „Атланта без проблем против Далас, Антиќ остана без поени“, Дневник, петок, 27 февруари 2015, стр. 23.
  33. „Антиќ без поен против Далас“, Утрински весник, година XVI, број 4721, петок, 27 февруари 2015, стр. 24.
  34. „Атланта се врати од -18 против Хјустон“, Утрински весник, година XVI, број 4725, четврток, 5 март 2015, стр. 20.
  35. „Антиќ се врати во тимот, Атланта загуби“, Дневник, година XIX, број 5715, петок, 13 март 2015, стр. 20.
  36. „Дуелот на најдобрите сезонава во НБА му припадна на Голден стејтДневник, година XIX, број 5721, петок, 20 март 2015, стр. 24.
  37. „Атланта со победа во Орландо“, Дневник, година XIX, број 5727, петок, 27 март 2015, стр. 27.
  38. „Антиќ со 8 поени учествуваше во триумфот на Атланта над Милвоки“, Дневник, година XIX, број 5731, среда, 1 април 2015, стр. 27.
  39. „Антиќ клучен фактор за втората победа на Атланта против Бруклин“, Дневник, година XIX, број 5749, петок, 24 април 2015, стр. 26.
  40. „Бруклин израмни во плејоф-серијата со Атланта“, Дневник, година XIX, број 5753, среда, 29 април 2015, стр. 26.
  41. „Атланта уште една победа ја дели од конференциското финале“, Дневник, година XIX, број 5766, петок, 15 мај 2015, стр. 24.
  42. „Атланта немоќна пред налетот на Леброн“, Дневник, година XIX, број 5772, петок, 22 мај 2015, стр. 26.
  43. Перо Антиќ главен акционер во КК Гостивар“, sportmedia.mk, 4 јули 2017 (конс. 4 јули 2017 г).
  44. Универзитет ФОН

Поврзано[уреди | уреди извор]

Надворешни врски[уреди | уреди извор]