Сан Антонио Спарс

Од Википедија — слободната енциклопедија
Прејди на прегледникот Прејди на пребарувањето
Сан Антонио Спарс
Сан Антонио Спарс лого
Конференција Западна Конференција
Дивизија Југозападна дивизија
Основан 1967
Историја Сан Антонио Спарс (1976-сѐ уште)
Арена АТ&Т Центар
Град Сан Антонио
Тимски бои               
Сопственик/ци Питер Холт
Генерален менаџер Р. С. Бафорд
Тренер Грег Попович
Шампиони 4 (1999, 2003, 2005, 2007)
Конференциски титули 5 (1999, 2003, 2005, 2007, 2013)
Дивизиски титули 19 (1978, 1979, 1981, 1982, 1983, 1990, 1991, 1995, 1996, 1999, 2001, 2002, 2003, 2005, 2006, 2009, 2011, 2012, 2013)
Пензионирани броеви 7 (00, 6, 12, 13, 32, 44, 50)
Официјална веб-страница spurs.com
Kit body basketball.png
Дома jersey
Team colours
Дома
Kit body basketball.png
Гости jersey
Team colours
Гости


Сан Антонио Спарс (англиски: San Antonio Spurs) е професионален кошаркарски тим со седиште во градот Сан Антонио, Тексас. Тие се членови на Југозападната дивизија од Западната Конференција во НБА. Клубот бил основан во Далас, но во 1973 година се преселил во Сан Антонио, а од 1976 настапува во НБА лигата.

Оваа организација има освоено пет шампионски пехари,[1] со што е четвртата најуспешна франшиза на сите времиња во американската професионална кошарка. Во нивното повеќедецениско учество во елитната кошаркарска лига, само четири пати се немаат пласирано во плеј-оф завршницата. Тие ја држат најдолгата низа на последователни плејоф учества (16), како и најдолгата низа на сезони со преку 50 победи во регуларниот дел (14).[2]

Тимот од клупата го предводи Грег Попович. Спарс имаат долга играчка традиција, но можеби најпознато дуо во нивната историја е центарскиот двоец Дејвид Робинсон и Тим Данкан, познат и како „кулите Близначки“. По пензионирањето на Робинсон, на сцена стапила „големата тројка“ сочинета од Данкан, Тони Паркер и Ману Џинобили. Овие тројца играчи биле носечкиот столб на екипата во изминатата деценија, во која четири пати играле во големото финале.

Низ текот на годините, Спарс израснале во силни конкуренти на Лос Анџелес Лејкерс и Далас Маверикс за доминација на Западот. Во новиот милениум, само овие три екипи ја претставувале Западната Конференција во битката за шампионскиот прстен.[3]

Состав[уреди | уреди извор]

Име Години Држава Височина Позиција
Арон Бејнс 26 Австралија Австралија 2.08 м крилен центар
Декуан Блер 24  САД 2.01 м центар
Мет Бонер 33  САД 2.08 м крило
Нандо де Коло 25  Франција 1.96 м бек
Борис Диао 31  Франција 2.03 м крило/центар
Тим Данкан (капитен) 37  САД 2.11 м крилен центар
Ману Џинобили 35  Аргентина 1.98 м бек шутер
Дени Грин 25  САД 1.98 м бек шутер
Кори Џозеф 21  Канада 1.91 м бек
Кавај Ленард 21  САД 2.01 м крило/бек
Трејси Мекгрејди 34  САД 2.03 м бек/крило
Патрик Милс 24 Австралија Австралија 1.83 м бек
Гери Нил 28  САД 1.93 м бек
Тони Паркер 31  Франција 1.88 м плејмејкер
Тијаго Сплитер 28  Бразил 2.11 м центар

Наводи[уреди | уреди извор]

  1. Спарси шампиони на НБА“, „Он Нет“, 15 јуни, 2007 (посет. 30 мај, 2013 г).
  2. Lee, Michael. „For Spurs, a Familiar Ring“, „The Washington Post“, 15 јуни, 2007, стр. E01 (посет. 17 јули, 2009 г).
  3. Сан Антионио Спарс шампиони во НБА“, „Дојче Веле“, 15 јуни, 2007 (посет. 30 мај, 2013 г).

Надворешни врски[уреди | уреди извор]