Атанас Градоборлијата

Од Википедија — слободната енциклопедија
Атанас Градоборлијата
Роден 1860
Градобор, Солунско, Егејска Македонија
Починал 24 мај 1903
Градобор, Солунско, Егејска Македонија

Атанас Димитров наречен „Градоборлијата“ (1860 - 24 мај 1903) — македонски револуционер, деец на Македонската револуционерна организација.

Животопис[уреди | уреди извор]

Атанас Градоборлијата е роден во 1860 година во с. Градобор, Солунско.

Заедно со Иван Карасулијата, Илија Крчовалијата, Апостол Петков и други е меѓу старите арамии, на кои се потпира Гоце Делчев во првите години на изградувањето на ВМОРО и Четничкиот институт.

Градоборлијата е курир, член на тајната полиција и терорист на организацијата. Во 1895 година е уапсен од страна на османлиските власти и затворен во Канл куле во Солун, но по шест месеци успева да избега. Од 1898 година е четник при Михаил Апостолов во Гевгелиско, а подоцна е самостоен војвода во своето родно Солунско. Во 1898 година дејствува заедно со Дончо Златков во Пирин, а во 1902 година со Алексо Поројлијата и Иван Карасулијата.

Атанас Градоборлијата загинува со целата своја чета во мај 1903 година во близина на своето родно село, отруени од Гркомани.[1][2]

Наводи[уреди | уреди извор]

  1. Албум-алманах „Македония“, София, 1931.
  2. Николов, Борис Й. Вътрешна македоно-одринска революционна организация. Войводи и ръководители (1893 – 1934). Биографично-библиографски справочник. София, 2001, стр. 12.