Данаил Крапчев

Данаил Крапчев
македонски и бугарски новинар
Роден	15 декември 1880 Прилеп, Македонија
Починал	10 септември 1944 Горна Џумаја, Бугарија

Данаил Василев Крапчев бил македонски револуционер, учесник во македонското револуционерно движење, деец на Македонската револуционерна организација. Во подоцнежниот свој живот се занимавал со новинарство и е еден од поистакнатите бугарски политички аналитичари.

Биографија

Роден е во Прилеп на 15 декември 1880 година. Во 1898 година завршува Солунскаta машка гимназија „Св. Кирил и Методиј“, а во 1906 година историја на Софискиот универзитет. Истата година започнал со новинарската активности во неделното списание Македонско-одрински преглед, по што станува нелегален четник на Организација. Во 1907 година заедно со Пејо Јаворов и Васил Пасков го редактирал весникот "Илинден" во Софија.

Следната 1908 година го уредува истовремено весник "Татковина" и весникот "Роднина" во Солун. Во периодот меѓу 1909-1912 го издавал весникот "Вардар" во Софија и последователно го преименувал на други реки "Места", "Струма", "Марица", "Брегалница" за да ја надмине забраната во Турција. Во 1912 година Данаил Крапчев е повторно четник заедно со Јаворов. Истата година го уредувал весникот "Бугарин" во Солун.

По Втората балканска војна е уредник е на органот на бугарската демократската партија "Прјапорец" во Софија. Во периодот меѓу 1915-1918, Данаил Крапчев е воен дописник на весниците "Воени известувања", "Добруџа"и "Прјапорец". Во 1919 година создаал независен информативен весник "Зора", на кој е директор до крајот на својот живот. Во исто време е директор-сопственик на акционерско друштво "Бугарски печат"и "Печат". Член е на Македонскиот научен институт.

По превратот од 19 мај 1934 година поради своите демократските позиции е протеран во Карлово. На 9 септември 1944 година е уапсен поради политички причини. Починал при неразјаснети околности на 10 септември 1944 година во полициската станица на Горна Џумаја. Посмртно е осуден од Народниот суд. Во февруари 1994 година Врховниот суд на Република Бугарија укинала пресудата .

Надворешни врски

• online: Данаил Крапчев и вестник Зора. Незабравимото. Интервюта, писма, документи
• Помен за Данаил Крапчев, Цвета Трифонова
• Комунистите убиха Данаил Крапчев заради българолюбието му, Виолета Радева
• 114 години от рождението на Данаил Крапчев - Той води гигантска битка за равноправна България, Райна Иванова
• За създателя на българския „Таймс” Данаил Крапчев