Антигон Хаџов
| Антигон Хаџов | |
 |
|
| македонски револуционер | |
| Роден | 16 јули 1874 Струга, Македонија |
|---|---|
| Починал | 21 јули 1912 Струга, Македонија |
Антигон, или Антиноген, (Гени) Димитров Хаџов бил македонски револуционер, учесник во македонското револуционерно движење, член и раководител на Македонската револуционерна организација, учесник во Илинденското востание и еден од членовите на Горскиот штаб на Крушевската востаничка околија [1].
[уреди] Биографија
Хаџов е роден 1874 година во градот Струга, како единствено дете во семејството на егзархиски наставници. Во 1892 година завршил во Солунската машка гимназија „Св. Кирил и Методиј“ и станал учител во Струга. Влегол во Македонската револуционерна организација уште како ученик, посветен на Александар Чакаров.
Во почетокот на 1903 година станува учител во егзархиската прогимназија во Крушево и зема учество во подготовките на востанието. Во текот на Илинденското востание бил член на Горскиот штаб на Крушевската востаничка околија и учествувал во одбрана на Крушевската република.
По востанието се легализирал и станува учител во Охрид, каде што е член на околискиот револуционерен комитет [2]. Според Милан Матов:
- Во овој период... најголемата вистинска полза (имаше б.н) од Гени, зашто целата интелигенција беше емигрирале и само тој остана од неа да му помага на Христо Узунов. Со тоа тој решително помогна да се обноват револуционерните групи покрај целото Охридско Езеро [3].
[уреди] Извори
- ↑ Историја на Крушево и Крушевско, Од постанокот на градот до поделбата на Македонија, книга прва, Крушево, 1978
- ↑ Николов, Борис Й. Вътрешна македоно-одринска революционна организация. Войводи и ръководители (1893-1934). Биографично-библиографски справочник, София, 2001, стр. 177.
- ↑ Матов, Милан. Най-комитата разказва..., София, 2002, стр. 37.
[уреди] Литература
- Историја на Македонскиот народ, Просветно дело, Скопје, 1972
