Таџурски Залив

Од Википедија — слободната енциклопедија
Прејди на прегледникот Прејди на пребарувањето
Таџурски Залив
الخليج للدمار
Badda Tajuura
Locatie Golf van Tadjoura.PNG
Таџурскиот Залив во рамките на регионот
Сливни земји  Џибути
 Сомалија
Најг. должина 64 км
Најг. ширина 26 км
Површина &100000000000000019199991.920 км2
Прос. длабочина -1.078 м
Соленост 3,6–3,7%
Најг. температура 31°C
Најм. температура 26°C
Острови Муша, Маскали, Абу Маја, Варамус
Населени места Џибути Џибути, Таџура, Сагало, Обок и Лојада
Сомалија Лавјакадо

Таџурски Залив (арапски: خليج تدجورا, сомалиски: Badda Tajuura) — залив кај Африканскиот Рог во Источна Африка, сместен е помеѓу протокот Баб-ел-Мандеб кон Црвеното Море и Аденскиот Залив кон Арапското Море и Индискиот Океан. Изобилува со риби, пространи корални гребени и голем фонд на бисерни остриги. Брегот во најголема мера се протега во Џибути, а Сомалија има мал излез во јужниот дел на заливот.

Други морски живеалишта во заливот се морските треви, солниците и мангровите.

Историја[уреди | уреди извор]

Во август 1840 г. е склучен договорот за пријателство и трговија помеѓу султанот Мухамед бин Мухамед и командантот Роберт Морсби од индиската морнарица, со кој островот Муша е продаден на Британија за десет вреќи ориз. Во 1887 г. Британците им го отстапиле островот на Французите, признавајќи го француското влијание во заливот, а за возврат Франција се откажала од Зајла и околните острови.

Географија[уреди | уреди извор]

Сателитска снимка на Таџурскиот Залив

Заливот зафаќа површина од 347 км2. Долг е (од Сагало до Обок) 64 км, а широк околу 26 км. За разлика од соседните водни површини, самиот Таџурски Залив е релативно плиток, со наклонети брегови. Брегот изобилува со песочни дини и наместа со палми. Крајбрежните води на север се порамни и плитки. Водата е секогаш топла, што се должи на климата и плиткоста на заливот; најтопла е во јули, со просек од 32 °C, а најстудена во јануари, со просек од 26 °C[1].

Во пристапниот дел од заливот се среќаваат островите Муша и Маскали. Долниот дел е одвоен со потесен копнен дел наречен Губет-ел-Хараб и Асалското Езеро (54 км2). Во далечното минато, заливот го опфаќал и подрачјето на Асалското Езеро, кое денес е околу 155 метри под морското ниво.

Опфат[уреди | уреди извор]

Заливот се протега во рамките на следниве граници:

на исток — западниот крај на Аденскиот Залив (линија од Обок до Лавјакадо).
на запад — меридијанот на Губет-ел-Хараб.

Острови[уреди | уреди извор]

Заливот има поголем број мали острови, од кои најголем е Муша. Островите сепак имаат историска важност во колонијалните активности на Франција и Британија.

Жив свет[уреди | уреди извор]

Живиот свет во Таџускиот Залив е разновиден и посебен, што се должи на неговата географска положба. Многу животински и растителни видови во заливот се на работ на изумирање или во значителна опасност. Од особено значење се коралите и морските крави.

Население[уреди | уреди извор]

Крајбрежјето на заливот е многу погусто населено во џибутскиот отколку во сомалискиот дел. Поважни населени места се следниве:

 Џибути

 Сомалија

Туризам[уреди | уреди извор]

Брег на Таџурскиот Залив

Таџурскиот Залив е едно од најважните туристички места во Џибути, со 40% од посетителството во земјата. Најпосетени се градовите Обок и Таџура. Со своите корални гребени, заливот ужива популарност меѓу нуркачите, кои покажуваат особен интерес за нуркање со китови-ајкули.

Околу Таџура се протега планинскииот венец Года (1.700 м). Помеѓу градовите сообраќаат и траекти.

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]