Дејвисов Проток

Од Википедија — слободната енциклопедија
Прејди на прегледникот Прејди на пребарувањето
Дејвисовиот Проток помеѓу Лабрадорското Море и Бафиновиот Залив

Дејвисов Проток (англиски: Davis Strait, дански: Davisstrædet француски: Détroit de Davis) — северен крак на Лабрадорското Море, сместен меѓу среднозападен Гренланд и Бафиновата Земја (Нунавут, Канада). Протокот го носи името на англискиот истражувач Џон Дејвис (1550–1605), кој прв се нашол во ова подрачје барајќи „Северозападен Премин“.

Граници[уреди | уреди извор]

Според Меѓународната хидрографска организација, границите на Дејвисовиот Проток се следниве:[1]

На север: јужниот крај на Бафиновиот Залив [напоредникот 70° СГШ помеѓу Гренланд и Бафинова Земја].

На исток: југозападното крајбрежје на Гренланд.

На југ: напоредникот 60° СГШ помеѓу Гренланд и Лабрадор.

На запад: источниот крај на северозападните премини јужно од 70° СГШ [источното крајбрежје на Бафинова Земја до нејзиниот југоисточен крај Ист Блаф] и Хандсоновиот Проток [линија од Ист Блаф, (61°53′N 65°57′W / 61.883° СГШ; 65.950° ЗГД / 61.883; -65.950), до ‘ртот Меридијан, западниот крај на Долните Севиџови Острови, долж крајбрежјето, па до југозападниот крај, а оттаму линија низ западниот крај на островот Резолушн, преку југозападниот брег, па до ‘ртот Хатон (јужниот крај), па оттука линија до ‘ртот Чидли, Лабрадор (60°24′N 64°26′W / 60.400° СГШ; 64.433° ЗГД / 60.400; -64.433)].

Геологија[уреди | уреди извор]

Крајбрежјето на Дејвисовиот Проток во западен Гренланд

Прптокот има сложени геолошки особености грабени (басени) и сртови, веројатно созададени со ударното раседување за време на палеогенот (пред 45-62 милиони години). Ова раседување предизвикало придвижување на плочите во Лабрадорското Море и Бафиновиот Залив. Затоа, ова е најширокиот проток на светот.

Длабочина[уреди | уреди извор]

Длабочината на протокот се движи од 1000-2000 м, и со тоа е значително поплиток од Лабрадорското Море на југ и Бафновиот Залив на север.

Наводи[уреди | уреди извор]

  1. „Граници на океаните и морињата, III издание“ (PDF). Меѓународна хидрографска организација. 1953. конс. 6 февруари 2010.  (англиски)

Надворешни врски[уреди | уреди извор]

Координати: 65°N 58°W / 65° СГШ; 58° ЗГД / 65; -58 (Davis Strait)