Малачки Проток

Од Википедија — слободната енциклопедија
(Пренасочено од Молучки Проток)
Малачки Проток
Selat Melaka
Малачкиот Проток го поврзува Тихиот Океан на исток со Индискиот Океан на запад
ПодрачјеАндаманско Море - Каримата
Координати4° N; 100° E / 4° СГШ; 100° ИГД / 4; 100 (Малачки Проток)Координати: 4° N; 100° E / 4° СГШ; 100° ИГД / 4; 100 (Малачки Проток)
Видпроток
Сливни земји Тајланд
 Малезија
 Сингапур
 Индонезија
Прос. длабочина25 м
Населени места

Малачки Проток (малајски: Selat Melaka, индонезиски: Selat Malaka) — тесна водна површина долга 805 км која се протега Малајскиот Полуостров и индонезискиот остров Суматра. Наречен е по Малачкиот Султанат кој заповедал со архипелагот од 1414 до 1511 г.

Граници[уреди | уреди извор]

Според Меѓународната хидрографска организација границите на Малачкиот Проток се следниве:[1]

На запад. Линија од Педропунт (најсеверната точка на Суматра, 5°40′ N; 95°26′ E / 5.66° СГШ; 95.43° ИГД / 5.66; 95.43) и Лем Воалан (јужниот крај на островот Пукет во Сијам [Тајланд], 7°45′ N; 98°18′ E / 7.75° СГШ; 98.3° ИГД / 7.75; 98.3).

На исток. Линија од ’ртот Танџинг Пиај (Булус) (јужниот крај на Малајскиот Полуостров, 1°16′ N; 103°31′ E / 1.26° СГШ; 103.51° ИГД / 1.26; 103.51) и Браќата (1°11′ N; 103°21′ E / 1.19° СГШ; 103.35° ИГД / 1.19; 103.35), а оттаму до Клајн Каримун (1°10′ N; 103°23′ E / 1.16° СГШ; 103.39° ИГД / 1.16; 103.39).

На север. Југозападниот брег на Малајскиот Полуостров.

На југ. Североисточниот брег на Суматра на исток сè до Танџонг Кедабу (1°06′ N; 102°58′ E / 1.1° СГШ; 102.96° ИГД / 1.1; 102.96), а оттаму до Клајн Каримун.

Стопанска важност[уреди | уреди извор]

Од стопанска и стратешка гледна точка, Малачкиот Проток претставува еден од најважните водни патишта во светот.

Протокот е главен премин за бродскиот сообраќај помеѓу Индискиот и Тихиот Океан, поврзувајќи ги најголемите стопанства во Азија како Индија, Кина, Јапонија и Јужна Кореја. Годишно низ протокот поминуваат по 94.000[2] бродови,[3] и превезуваат една четвртина од трговската стока во светот како нафта, кинески производи и индонезиско кафе.[4]

Нив Малачкиот Проток минува и една четвртина од нафтените танкери во светот, главно од земјите во Персискиот Залив кон големите азиски пазари како Кина, Јапонија и Јужна Кореја. Во 2006 низ теснецот се превезувале 15 милиони барели дневно (2.400.000 м3/ден).[5]

Најголемите бродови што можат да поминат низ протокот се нарекуваат „малакамакс“. Протокот е длабок само 25 м, па затоа најголемите бродови (претежно нафтени танкери) не можат да поминуваат низ него. Бродовите што се поголеми од ова мораат да одат преку Ломбочкиот и Макасарскиот Проток, преминот Сибуту и Миндорскиот Проток.

Во Филипсовиот Канал во подрачјето јужно од Сингапур, Малачкиот Проток се стеснува до 2,8 км (1,5 морски милји), што претставува едно од најзначајните геостратешки тесни грла на светот.[6]

Поврзано[уреди | уреди извор]

Наводи[уреди | уреди извор]

  1. „Граници на океаните и морињата, III издание“ (PDF). Меѓународна хидрографска организација. 1953. Архивирано од изворникот (PDF) на 2011-10-08. Посетено на 7 февруари 2010. (англиски)
  2. Aljazeera.net (англиски)
  3. Малачки Проток - Тесни грла во светската нафтена трговија - Управа за енергетско информирање на САД (англиски)
  4. Freeman, Donald B. (2003). The Straits of Malacca: Gateway or Gauntlet?. McGill-Queen's University Press. ISBN 0-7735-2515-7.. A book review citing this information can be found at University of Toronto Quarterly, Volume 74, Number 1, Winter 2004/5, стр. 528-530
  5. Малачки Проток - Тесни грла во светската нафтена трговија - Управа за енергетско информирање на САД (англиски)
  6. Тесни грла во светскиот превоз на нафта (англиски)

Надворешни врски[уреди | уреди извор]