Кондороби

Од Википедија — слободната енциклопедија
Прејди на прегледникот Прејди на пребарувањето
Кондороби
Μεταμόρφωση
Кондороби is located in Грција
Кондороби
Кондороби
Координати: 40°33′N 21°19′E / 40.550° СГШ; 21.317° ИГД / 40.550; 21.317Координати: 40°33′N 21°19′E / 40.550° СГШ; 21.317° ИГД / 40.550; 21.317
ЗемјаГрција
ОбластЗападна Македонија
ОкругКостурски округ
ОпштинаКостур
Општ. единицаКостур
Надм. вис.&10000000000000670000000670 м
Население (2001)[1]
 • Вкупно173
Часовен појасEET (UTC+2)
 • Лете (DST)EEST (UTC+3)

Кондороби (грчки: Μεταμόρφωση, Метаморфоси, до 1950 Κονδορόπη, Кондоропи)[2] — село во Општина Костур во Костурски округ, Егејска Македонија, денес во областа Западна Македонија, Грција.

Географиja и местоположба[уреди | уреди извор]

Селото се наоѓа на 10 километри североисточно од градот Костур (Касторија) и Костурското Езеро во историско-географската област Пополе во јужните делови на Нередска Планина. Селото се наоѓа на надморска височина од 670 метри.

Историја[уреди | уреди извор]

Во 15 век во селото живееле 59 глави на домакинства[3]

Во „Етнографија на Адријанопол, Монастир и Салоника“ , издадена во Цариград во 1878 година и статистиката на машкото население од 1873, Кондороби се состоело од 58 семејства со 210 жители Македонци[4][5] Според статистиката на Васил К’нчов („Македонија. Етнографија и статистика“) во 1900 година Кондороби имало 190 жители Македонци[4][6].

Поради активното учество на локалното население во Илинденското востание, селото настрадало од страна на османлиските војски. Според писмото на водачите на востанието во Костурско, Васил Чекаларов, Лазар Поптрајков, Пандо Кљашев, Манол Розов и Михаил Розов, кое било испратено до сите странски конзулати во Битола на 30 август 1903 година, во селото биле опожарени 30 куќи, но не постојат извори за бројот нс убиените[7]. Според друг извор биле изгорени сите 23 куќи, додека целото население побегнало од селото и се засолнило во Тихолишта[8].

Селото било под влијание на Цариградската патријаршија до 20 век, но по Илинденското востание поминало под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живеале 288 Македонци и работело егзархиско училиште[4][9]. Според Георги Константинов Бистрицки селото пред Балканската војна имало 60 македонски семејства[10]. Во 1905 година селото настрадало од грчки андартски напади.[11]

По крајот на Балканските војни, селото било вклучено во составот на Грција. На пописот од 1913 година биле евидентирани 212 жители, додека на пописот од 1920 година, во селото биле евидентирани 182 жители. Во 1945 година биле регистрирани 300 Македонци.

Во 1950 година името на селото било прекрстено во Метаморфосис.Селото настрадало во текот на Грчката граѓанска војна и голем број на жители на селото биле принудени да ги напуштат своите домови, и тие главно заминале во Македонија или во социјалистичките земји од Источна Европа. 49 деца од селото биле протерани како деца бегалци[12]

Демографија[уреди | уреди извор]

Во 1928 година селото броело 235 жители.[13], додека во 1940 година селото броело 326 жители.

Селото во пописот од 1951 година броело 189 жители, на пописот од 1961 година, во селото живееле 220 жители, во 1971 година имало 175 жители, во 1981 година имало 156 жители, додека во 1991 година имало 211 жители[14]. Денеска, населението на селото е 173 жители според пописот од 2001 година.

Година 1913 1920 1928 1940 1951 1961 1971 1981 1991 2001
Население 212[15] 182[16] 235 [17] 326[18] 189[19] 220 175 156 211 173

Личности[уреди | уреди извор]

Роденио в Кондороби

Наводи[уреди | уреди извор]

  1. (PDF 39 Мб) Фактична состојба на населението и домовите во Грција според пописот од 18 март 2001 г.. Државен завод за статистика на Грција. 2003. http://dlib.statistics.gr/Book/GRESYE_02_0101_00095.pdf. 
  2. Μετονομασίες των Οικισμών της Ελλάδας. Μπλάτση -- Μεταμόρφωση
  3. Гандев, Христо. Българската народност през XV век. Демографско и етнографско изследване, Наука и Изкуство, II изд., София, 1989. Данните могат да са и за село Кладороби, Леринско.
  4. 4,0 4,1 4,2 Како што е општопознато, Македонците во бугарските извори се присвојуваат и водат како Бугари, и покрај признанието дека самите отсекогаш се изјаснувале како Македонци.
  5. Македония и Одринско. Статистика на населението от 1873 г., Македонски научен институт, София, 1995, стр. 108-109.
  6. Кънчов, Васил. Македония. Етнография и статистика, София, 1900, стр. 265.
  7. Чекаларов, Васил. Дневник 1901-1903 година, Ива Бурилкова, Цочо Билярски, ИК „Синева” София, 2001, стр. 294.
  8. Илюстрация Илинден, бр.139, стр.13
  9. Brancoff, D.M. "La Macédoine et sa Population Chrétienne". Paris, 1905, pp. 180-181
  10. Бистрицки. Българско Костурско, Ксанти, 1919, стр.7.
  11. Силянов, Христо. Освободителните борби на Македония, том II, София, 1993, стр. 220.
  12. Mapping Migration in Kastoria, Macedonia. Vissinia.
  13. Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928
  14. Folketeljing 2011, revidert
  15. [Απαρίθμηση (1913), 40]
  16. Ελληνική απογραφή 1920: 78 άρρενες και 104 θήλεις σελ. ξ' Πίνακας 2*
  17. Ελληνική απογραφή 1928, σελ. 287 107 άρρενες κι 128 θήλεις, Ομοδημότες 232, ετεροδημότες 3, απογράφτηκαν αλλλού 2. Ρευστοποιήθηκε μία περιουσία οικογένειας που μετανάστευσε στη Βουλγαρία
  18. Ελληνική απογραφή 1940: πραγματικός πληθυσμός 326, νόμιμος πληθυσμός 323
  19. Ελληνική απογραφή 1951 σελ. 271
  20. Μάνος, Νικόλαος. Αφανείς Γηγενείς Μακεδονομάχοι (1903-1913), Ι. Σ. Κολιόπουλος (επιστ. εποπτεία), Ι. Δ. Μιχαηλίδης – Κων. Σ. Παπανικολάου (επιμ.), Θεσσαλονίκη, Ε.Μ.Σ. – University Studio Press, 2008, стр. 86.
  21. Македоно-одринското опълчение 1912-1913 г. Личен състав, Главно управление на архивите, 2006, стр. 31.
  22. Македоно-одринското опълчение 1912-1913 г. Личен състав, Главно управление на архивите, 2006, стр. 397.
  23. Македоно-одринското опълчение 1912-1913 г. Личен състав, Главно управление на архивите, 2006, стр. 778.