Корешта
Корешта (дијалектно: Корешча), честопати членувано како Корештата (грцизирано: Κορέστια, Корестија) — историско-географска и етнографска област во Егејска Македонија, денес во Грција. Го зафаќа северозападниот дел од денешната административна област Западна Македонија.
Потекло на името[уреди | уреди извор]
Според некои грчки и македонски научници,, името на оваа област произлегува од древномакедонската област Орестида.[1][2]. Според Љубица Станковска, „Корешта“ доаѓа од личното име Корета.[3]
Географија[уреди | уреди извор]
Корештата на северозапад се граничи со планината Корбец (Трикларио), на североисток со Бигла (Варнудас), на југоисток со областа Пополе и на југозапад со Нестрамско. Низ оваа област поминува Желевска Река (Рулска Река), а нејзина притока е Беличка Река.
Населени места[уреди | уреди извор]
Корештата ги опфаќа следниве населени места:
- Општина Костур: Габреш (Гаврос), Дреновени (Кранионас), Жервени (Агиос Антониос), Кономлади (Макрохори), Поздивишта (Халара), Статица (Мелас), Чрновишта (Маврокамбос), Жупаништа (Левки), Косинец (Јеропиги), Д’мбени (Дендрохори) и Лабаница (Агиос Димитриос).
- Општина Преспа: Смрдеш (Кристалопиги), Брезница (Ватохори), Рулја (Котас), Желево (Андартико), Оштима (Тригоно), Трново (Прасино), В’мбел (Мосхохори) и Бесвина (Сфика);
- Општина Лерин: Турје (Корифи);
- Општина Нестрам: Крчишта (Полијанемо).
Во Корештата влегува и селото Врабник, кое по поделбата на Македонија ова село се нашло во рамките на денешна Р. Албанија.
Поврзано[уреди | уреди извор]
Наводи[уреди | уреди извор]
- ↑ Историја — Општина Костур (грчки)
- ↑ Аргировски, Мито. За етимологијата на Корешта. Onomastica Jugoslavica бр. 6, Загреб, 1979, стр. 112-113.
- ↑ Станковска, Љубица. „Топонимски вариjации во Костурско-Леринската област“. во: Македонските диjалекти во Егеjска Македониjа, Скопjе, 1994, стр. 241.
