Нередска Планина

Од Википедија — слободната енциклопедија
Прејди на прегледникот Прејди на пребарувањето
Нередска Планина
Βέρνο
Οξυα Καστοριάς.jpg
Поглед на Нередска Планина од селото Блаца
Највисока точка
Надм. вис.2128 м [1]
Географија
МестоЗападна Македонија, Грција

Нередска Планина (грчки: Βέρνο, Верно) — планина во западниот дел на Егејска Македонија, односно крајниот северозападен дел на денешна Грција. Има меридијански правец на протегање север - југ, а кон крајот на својот масив скршнува на југоисток. Нередска Планина ја оградува Пелагонија (Леринското Поле) од западната и југозападната страна и таа се надоврзува на Баба Планина преку превојот Вигла. Сместена е југозападно од градот Лерин и низ неа поминува локален пат кој води кон грчко-албанската граница и областа Преспа. Највисок врв е врвот Вич со 2128 метри надморска височина.

Планината има изобилство од високотревни пасишта, а во подножјето се застапени листопадни шуми (бука, даб, костен и др.) додека кон врвовите се застапени зимзелените шуми.

Историја[уреди | уреди извор]

На падините на Нередската Планина се одвивале голем број историски настани од кои најпознати се битките за време на Граѓанската војна во Грција (1945-1949). Како доста тешко пристапен терен Нередската Планина долго време служела како упориште на КПГ, ДАГ и НОФ и била слободна територија, пред сè и поради помошта на селаните околните села кои биле целосно населени со Македонци. Во почетокот на воените дејствија на Нередската Планина се стационирале голем број на војници на демократските сили, а тука биле одржани и неколку пленуми и советувања на КПГ. Кон крајот на војната на врвот Вич се одиграла една од најголемите и најкрвавите битки за време на Граѓанската војна во Грција.

Население и населени места[уреди | уреди извор]

Од двете страни на падините на Нередска Планина се сместени повеќе села од кои најпознати се Неред (Полипотамон), Арменско (Алона) на источната страна, Вишени (Висинеа) на западната и др. Етничкиот состав на селата е драстично променет особено по завршетокот на Граѓанската војна, кога грчките монархо-фашистички сили поради бесот заради помошта што им ја даде локалното македонско население на КПГ, ДАГ и демократските сили врз него изврши масовни ѕверски убиства, протерувања и етнички чистења.

Денес населението на овие села главно го сочинуваат Грци и Власи, а во мал дел се останати и Македонци.

Галерија[уреди | уреди извор]

Наводи[уреди | уреди извор]