Сува Гора (Преспа)

Од Википедија — слободната енциклопедија
Прејди на прегледникот Прејди на пребарувањето
Сува Гора
Mali i Thatë
11061 171199148219 666363219 2837546 1273806 n.jpg
Поглед на билото на Сува Гора кон Грамушта во далечината, на растојание од 65 км
Највисока точка
ВрвВир
Надм. вис.2.288 м [1]
Координати40°53′00″ N; 20°50′00″ E / 40.8833° N; 20.8333° E / 40.8833; 20.8333Координати: 40°53′00″ N; 20°50′00″ E / 40.8833° N; 20.8333° E / 40.8833; 20.8333
Географија
МестоМала Преспа, Албанија
Матичен венецГаличица
Геологија
Старост на карпатамезозоик
Видваровничка

Сува Гора или Сува Планина (албански: Mali i Thatë) — планина во Мала Преспа, југоисточна Албанија со мал крак во околината на Љубаништа и Свети Наум во Охридско, југозападна Македонија. Планината е висока 2.288 м и претставува јужно продолжение на Галичица. Се граничи со Преспанското Езеро на исток, Охридското Езеро на северозапад и гледа кон градот Поградец на запад. Се протега во должина од 25 км во правец север-југ, а широка е 8 км во средишниот дел. Највиско место на планината е Вир (Pllaja e Pusit), на нешто поголема височина од врвот на самата Галичица во потесна смисла. Од овој врв се гледаат неколку планини во Албанија, Охридското и Преспанското Езеро, како и планината Баба на Пелистер (2.601 м) — трета по висина во Македонија.

Планината има антиклинален облик и е речиси целосно сочинета од мезозојски варовнички образби.[2] Падините се карпести и каменливи (особено од западната страна), додека пак билото е речиси рамно, но полно со карстни шуплини.

Планинарење[уреди | уреди извор]

Планината најдобро се искачува од страната на Поградец, почнувајќи од селото Аларуп, преку с. Грабовица па на исток до селата Блаце и Братомир.[3]

Растителност и ресурси[уреди | уреди извор]

Растителноста на Сува Гора претежно се состои од пасишта, додека источната страна кон Пустец е обрасната со буково-дабови шуми и честак.

Кај селото Горна Горица почвата е богата со железната руда боксит и наоѓалишта на креда.[2]

Историски настани[уреди | уреди извор]

Во Албанската буна од 1911 г. на Сува Гора се одвивале борби, во кои влашката чета на војводата Спиро Белкамени го поразила отоманскиот контингент.

Поврзано[уреди | уреди извор]

Наводи[уреди | уреди извор]

  1. Вир — GeoNames
  2. 2,0 2,1 "Fjalori Enciklopedik Shqiptar", Akademia e Shkencave e RPSSH, Tiranë, 1985 стр. 664
  3. „Охридско Езеро: Започнете го вашето патување“ (PDF). МСЗП. Меѓународен сојуз за заштита на природата. (македонски)

Надворешни врски[уреди | уреди извор]