Бешичка Планина

Од Википедија — слободната енциклопедија
Прејди на прегледникот Прејди на пребарувањето
Бешичка Планина
Βόλβης Όρη
Највисока точка
Надм. вис.668 м
Координати40°43′30″ N; 23°28′03″ E / 40.7251° СГШ; 23.4674° ИГД / 40.7251; 23.4674Координати: 40°43′30″ N; 23°28′03″ E / 40.7251° СГШ; 23.4674° ИГД / 40.7251; 23.4674
Географија
МестоЛагадинско, Егејска Македонија

Бешичка Планина (грчки: Βόλβης Όρη, Όρη Βόλβης, Όρη Μπεσικίων; турски: Beşikdağ, Бешикдаг) — ниска планина во Лагадинско, Егејска Македонија. Сместена е северно од Бешичкото Езеро.

Мал Бешик, Бешичкото Езеро и Бешичка Планина (десно) на гравура од 1813 г.

Планината е наречена по селата Голем Бешик и Мал Бешик, по кои а наречено и езерото. На север одвоена е од Богданска Планина и Орсова Планина со долината на пресушените Мавровско и Ланџанско Езеро.[1] Понекогаш оваа планина се смета за дел од Богданска Планина (Бешикдаг)

Езерата на јужната граница (Бешичкото и Лагадинското) се заведени во Рамсарската конвенција во 1974 г. и членки на мрежата на заштитени подрачја Натура 2000 (1220001 и 1220009), како и прогласени за места од орнитолошка важност (032). Поширокото подрачје е национален парк под името „Лагадинско Езеро - Бешичко Езеро и Македонски Темпи“ во 2003 г. Три повеќевековни чинари во околината на селата Сарај и Пазаруда, во кои се гнездат чапји и бели штркови, се прогласени за заштитени споменици на природата.[1]

Карпите на планината се гнајсови, а има и малку амфиболити.[1]

До врвот се стасува преку селото Ѓувелци (420 м) за околу час и половина.[1]

Врвови
Име Грчки Висина (м) Местоположба
Πετρωτό 668[1] Ј од Ѓувелци
Αγριόβικος 625[1] СЗ од Мал Бешик, Ј од Кавак
Картал Αετορράχη, Καρτάλ Λόφος 661[1] ЈЗ од Ѓувелци, Ј од Канџа
Кури Хоџа Κορυφή Αβραάμ, Κουρή Χότζα 5573[1] ЈИ од Јакина, СИ од Ваисли
Бешик Κούνια, Μπεσίκια 660[1] ЈЗ од Ѓувелци, Ј од Канџа и ЈИ од Јакина
Κριτσελή 606[1] СЗ од Мал Бешик, Ј од Кавак
Карабунар Μαυροπούρναρο, Καρά Μπουνάρ 560[1] СИ од Голем Бешик
Сиври Σημάδι, Σιβρή 627[1] СИ од Голем Бешик и СЗ од Мал Бешик
Στανότοπος, Σπανότοπος 652[1] Ј од Ѓувелци
Чобан Цопани 473 ЈИ од Кавак

Поврзано[уреди | уреди извор]

Наводи[уреди | уреди извор]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Νέζης, Νίκος (2010). Τα ελληνικά βουνά : γεωγραφική εγκυκλοπαίδεια. Τόμος 2. Ηπειρωτική Ελλάδα. Πελοπόννησος - Στερεά Ελλάδα - Θεσσαλία - Ήπειρος - Μακεδονία - Θράκη. Αθήνα: Ελληνική Ομοσπονδία Ορειβασίας Αναρρίχησης : Κληροδότημα Αθ. Λευκαδίτη. стр. 384. ISBN 978-960-86676-6-2.