Јакина

Од Википедија — слободната енциклопедија
Прејди на прегледникот Прејди на пребарувањето
Јакина
Ασκός
Јакина is located in Грција
Јакина
Јакина
Местоположба во областа
Јакина is located in Лагадина (општина)
Јакина
Местоположба на Јакина во Солунскиот округ и областа Централна Македонија
Координати: 40°45.04′N 23°23.14′E / 40.75067° СГШ; 23.38567° ИГД / 40.75067; 23.38567Координати: 40°45.04′N 23°23.14′E / 40.75067° СГШ; 23.38567° ИГД / 40.75067; 23.38567
ЗемјаГрција
ОбластЦентрална Македонија
ОкругСолунски
ОпштинаЛагадина
Општ. единицаСухо
Надм. вис.&10000000000000480000000480 м
Население (2011)[1]
 • Вкупно1.426
Часовен појасEET (UTC+2)
 • Лете (DST)EEST (UTC+3)
Пошт. бр.570 16
Повик. бр.23950

Јакина (грчки: Ασκός, Аскос; до 1927 г. Γιακίνια, Јакинија[2]) — село во Лагадинско, Егејска Македонија, денес во општината Лагадина во областа Централна Македонија, Грција. Населението брои 1.426 жители (2011).

Географија[уреди | уреди извор]

Селото е сместено во јужните пазуви на Богданска Планина, на 9 км јужно од Сухо и источно од Лагадина.[3]

Историја[уреди | уреди извор]

Во османлиско време Јакина првобитно била населена со Јуруци, а потоа станала турско село со 153 куќи. Подрачјето на Јакина зафаќало 70 км2 и впрочем било збир од повеќе маала кои се сметале за одделни населби: Камбулу, Кара Исли, Меминли, Дере Махале, Прнар Баши, Џами и Чил Махале.[3] Со Букурешкиот договор во 1913 г. тој дел на Македонија потпаднал под Грција, кога селото броело 1.186 жители, сите Турци. На овој попис маалата се вбројани заедно во целината на Јакина. Во 1920 г. се забележани вкупно 1.156 турски жители, иако населението на секое маало е попишано одделно.

Маалата на Јакина со нивното население во 1920 г.
Маало Население Народност
Камбулу 212 Турци
Кара Исли (Кара Исла) 270 Турци
Меминли — (30?)
Дере Махале 76 Турци
Прнар (Прнар Баши) 360 Турци
Џами Махале 90 Турци
Чил Махале 118 Турци
Вкупно 1.156

Напомена: Во пописот не е спомнато маалото Меминли, поради што Симовски претпоставува дека било растурено во Првата светска војна.[3] Во подоцнежните официјални сознанија се гледа дека маалото сепак продолжило да постои, што значи дека во 1920 г. е попишано, но изоставено како одделно маало; ова се гледа од фактот што недостасуваат 30 жители за да се добие вкупниот број на населението на Јакина утврден таа година.

Во 1924 населението како муслиманско е иселено во Турција, и во Јакина властите довеле Грци дојдени од Аскос (денес Јалиќој), Источна Тракија, а подоцна и понтски Грци од селото Ахтас.[4] Во 1927 г. името му е сменето во Аскос, според источнотракиското село од кое дошле првите доселени Грци.

На пописот од 1928 г. е заведено дека Јакина се состоела од маалата Камбулу, Кари Исли, Меминли и Прнар Баши, опфаќајќи вкупно 1.307 жители. Во 1940 г. е забележано дека во Јакина живееле 1.336 лица, за во 1951 г. да се зголемат на 1.802, а во 1961 на 2.143 жители.[3] Во 1971 г. населението се намалило на 1.667 лица, па повторно почнало да се зголемува, со 1.788 во 1981 и 2.012 во 1991 г.[3] Оттогаш, во следните децении бројт на жителите бележи повторен пад. лпга во 2001 г. се попишани 1.493, а во 2011 г. — 1.426 жители.

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 1.336 1.802 2.143 1.667 1.788 2.012 1.493 1.426
Извор за 1940-1991 г.: Т. Симовски, Населените места во Егејска Македонија

Стопанство[уреди | уреди извор]

Селото има површини од обработливо земјиште со плодна почва на која се произведуваат памук, пченица и други култури.

Поврзано[уреди | уреди извор]

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција. 
  2. Μετονομασίες των Οικισμών της Ελλάδας. Γιακίνια -- Ασκός
  3. 3,0 3,1 3,2 3,3 3,4 Симовски, Тодор (1998). Населените места во Егејска Македонија : географски, етнички и стопански карактеристики. II. Скопје: Институт за национална историја. стр. 285. 
  4. Портал на гимназијата во Јакина