Ракли

Од Википедија — слободната енциклопедија
Прејди на прегледникот Прејди на пребарувањето
Ракли
Ηράκλειο
Ракли is located in Грција
Ракли
Ракли
Координати: 40°46′N 23°1′E / 40.767° СГШ; 23.017° ИГД / 40.767; 23.017Координати: 40°46′N 23°1′E / 40.767° СГШ; 23.017° ИГД / 40.767; 23.017
ЗемјаГрција
ОбластЦентрална Македонија
ОкругСолунски округ
ОпштинаЛагадина
Општ. единицаЛагадина
Надм. вис.&1000000000000009700000097 м
Население (2001)[1]
 • Вкупно914
Часовен појасEET (UTC+2)
 • Лете (DST)EEST (UTC+3)

Ракли или Аракли (грчки: Ηράκλειο, Ираклио, до 1927 Αρακλή, Аракли)[2] — село во Општина Лагадина во Солунски округ, Егејска Македонија, денес во областа Централна Македонија, Грција.

Географиja и местоположба[уреди | уреди извор]

Селото се наоѓа на 3 километри западно од градот Лагадин (Лагадина). Селото се наоѓа на надморска височина од 97 метри.

Историја[уреди | уреди извор]

Во 19 век Ракли е село, кое припаѓало кон Лагадинската каза на Отоманската империја. Во „Етнографија на Адријанопол, Монастир и Салоника“ , издадена во Цариград во 1878 година и статистиката на машкото население од 1873, селото се состоело од 40 семејства со 192 жители Македонци[3] Според статистиката на Васил К’нчов („Македонија. Етнографија и статистика“) во 1900 година селото имало 230 жители Македонци[4].

Селото било под влијание на Цариградската патријаршија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живеале 120 Грци и работеле две грчки училишта[5].

По крајот на Балканските војни, селото било вклучено во составот на Грција.

Демографија[уреди | уреди извор]

Во 1928 година селото броело 631 жител.[6], додека во 1940 година селото броело 822 жители.

Селото во пописот од 1951 година броело 875 жители, на пописот од 1961 година, во селото живееле 866 жители, во 1971 година имало 788 жители, во 1981 година имало 747 жители, додека во 1991 година имало 1022 жители[7]. Денеска, населението на селото е 914 жители според пописот од 2001 година.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 822 875 866 788 747 1022 914 /
Извор за 1940-1991 г.: Т. Симовски, Населените места во Егејска Македонија

Наводи[уреди | уреди извор]