Анхалт-Цербст

Од Википедија — слободната енциклопедија
Анхалт-Цербст
Landkreis Anhalt-Zerbst

округ
Земја Германија
ПокраинаСаксонија-Анхалт
Укинат2007-07-01
СедиштеЦербст
Површина
 • Вкупна1.225 км2 (473 ми2)
Население (1999)
 • Вкупно79,500
 • Густина65/км2 (170/ми2)
Часовен појасCET (UTC+1)
 • Лете (ЛСВ)CEST (UTC+2)
Рег. таб.AZE
Мреж. местоhttp://www.anhalt-zerbst.de

Анхалт-Цербст (германски: Anhalt-Zerbst) — поранешен округ во сојузната покраина Саксонија-Анхалт, Германија. Се граничел со (од север надесно) окрузите Потсдам-Мителмарк (Бранденбург) и Витенберг, градот Десау и окрузите Кетен, Шенебек и Јерихов.

Историја[уреди | уреди извор]

Додека денес Цербст е мал град, тој некогаш заедно со Десау бил еден од двата централни града на Анхалт. Кога државата Анхалт била распуштена во 1603, една од наследничките држави било кнежевството Анхалт-Цербст. Била мала држава со скоро никаква политичка моќ. Во 1793 година, линијата на принцови престанала и Анхалт-Цербст била припоена кон соседното кнежевство Анхалт-Десау.

Сегашниот округ бил основан во 1994, со спојување на претходните окрузи Цербст и Рослау со делови од поранешниот округ Грефенхајнихен. Неговите граници се приближно исто со старото кнежевство.

Катарина II од Русија била престолонаследничка на Анхалт-Цербст.

Географија[уреди | уреди извор]

Анхалт-Цербст се состои од низини северно од реката Елба. Елба влегува во округот на исток, тече низ југоисточниот дел и потоа ја формира јужната и западната граница на Анхалт-Цербст. Бреговите на Елба во рамките на округот се дел од резерватот Средна Елба. На север се наоѓаат јужните делови на платото Флеминг.

Грб[уреди | уреди извор]

Грб Грбот прикажува:
  • горе лево и долу десно: три црвени рози, грб на поранешното кнежевство Анхалт-Цербст
  • средина: црна мечка на црвен ѕид, симболизирајќи го Алберт I Бранденбург (наречен „Алберт Мечка“), кој владеел со областа во XII век
  • горе десно и долу лево: хералдички орел на грофовијата Линдау, кое постоеле во областа во XIV век

Градови и општини[уреди | уреди извор]

Градови Општински заедници
  1. Рослау
  2. Цербст
  1. Косвиг (вкл. го градот Косвиг)
  2. Елба-Еле-Нуте (вкл. ги градовите Линдау и Лобург)
  3. Верлицер Винкел (вкл. ги градовите Ораниенбаум и Верлиц)

Поврзано[уреди | уреди извор]

Надворешни врски[уреди | уреди извор]

Координати: 52°00′ N; 12°05′ E / 52° СГШ; 12.08° ИГД / 52; 12.08