Јерихов (округ)

Јерихов
*Jerichower Land*
Јерихов; Jerichower Land;
	округ
Знаме	Грб
Земја	Германија
Покраина	Саксонија-Анхалт
Седиште	Бург
Површина
• Вкупна	1,336,63 км2 (516,08 ми2)
Население (31 декември 2020)
• Вкупно	89.403
• Густина	67/км2 (170/ми2)
Часовен појас	CET (UTC+1)
• Лете (ЛСВ)	CEST (UTC+2)
Рег. таб.	JL, BRG, GNT
Мреж. место	www.lkjl.de

Јериховер Ланд (германски: Jerichower Land) — округ во североисточниот дел на Саксонија-Анхалт, Германија. Соседни окрузи се (од југ надесно) Анхалт-Битерфелд, Залцланд, слободниот округ Магдебург, Берде, Штендал и окрузите Хафеланд и Потсдам-Мителмарк во Бранденбург.

Историја[уреди | уреди извор]

Во 1816, површината на округот станала дел од пруската Провинција Саксонија и била поделена административна во три окрузи, Јерихов I, Јерихов II и Цизар. Округот Цизар бил додаден на Јерихов I во 1826.

По Втората светска воја, окрузите биле изменети. Некои површини на двата окрузи биле додадени на соседните окрузи Хафелберг, Ратенов, Бранденбург, Лобург и Цербст. Двата окрузи биле исто така преименувани по нивните административни седишта, така Јерихов I станал Округ Бург, а Јерихов II станал Округ Гентин. Во 1952, округот Бург бил поделен на два дела. Меѓутоа, во 1957, округот Лобург бил споен со округот Бург.

Во 1994, двата окрузи Бург и Гентин биле споени и го прифатиле историското име Јерихов. Во 2007, 6 општини од поранешниот округ Анхалт-Цербст (Хобек, Лобург, Либс, Предел, Розијан и Швајниц) биле додадени на округот Јерихов.

Името на округот потекнува од градот Јерихов, име кое се поврзува со раното доселување на словенските племиња. Не е поврзано со името на градот Ерихон (герм. Jericho) на Блискиот Исток.

Географија[уреди | уреди извор]

Главни водотеци во округот се реките Елба, Еле, Иле и Нуте, како и каналот Елба-Хафел.

Грб[уреди | уреди извор]

Вертикалните линии во левата половина на грбот го симболизираат Каналот Елба-Хафел, додека жеравот во десната половина ја симболизира природата на округот. Жеравите се чести птици во округот.