Мансфелд (округ)

Мансфелд Mansfelder Land
округ
Земја	Германија
Покраина	Саксонија-Анхалт
Укинат	2007-07-01
Седиште	Ајслебен
Површина
• Вкупна	759 км2 (293 ми2)
Население (2002)
• Вкупно	104,970
• Густина	140/км2 (360/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	ML
Мреж. место	mansfelderland.de

Мансфелд (германски: Mansfelder Land) — поранешен округ во средишниот дел на Саксонија-Анхалт, Германија. Соседни окрузи биле (од север надесно) Ашерслебен-Штасфурт, Бернбург, Зал, Мерзебург-Кверфурт, Зангерхаузен и Кведлинбург. Бил припоен на 1 јули 2007 во новиот округ Мансфелд-Јужен Харц, како дел од административната реформа во Саксонија-Анхалт.

Историја

Округот бил создаден во 1994 со спојување на претходните окрузи Хетштет и Ајслебен. Овие биле наследници на Mansfelder Gebirgskreis (планински округ Мансфелд) и Mansfelder Seekreis (езерски округ Мансфелд), кои биле преименувани по Втората светска војна.

Градот Ајслебен е познат како родно место на Мартин Лутер.

Географија

Округот се наоѓа во јужните падини на планината Харц.

Грб

Горниот лев дел од грбот го покажува грбот на грофовите од Мансфелд. Хоризонталните линии се симбол на Кверфурт, додека дијамантите се оригинален симбол на грофовијата Мансфелд. Двата симболи биле комбинирани кога Бурхард фон Кверфурт станал гроф на Мансфелд. Рударските алатки како и рибата во десната половина - се преземени од грбот на Мансфелдер Зекрајс - претставувајќи ја индустријата на округот, како и природата. Дрвото во долниот лев дел ја претставува природата во округот и бил преземен од грбот на Мансфелдер Гебиргскрајс.

Градови и општини

Градови	Општински заедници
Мансфелд	Гербштет (вкл. го градот Гербштет) Хетштет (вкл. го градот Хетштет) Лутерштат Ајслебен (вкл. го градот Ајслебен) Мансфелдер Грунд-Хелбра Зегебит Мансфелдер Ланд Випер-Ајне (вкл. го градот Зандерслебен)

Надворешни врски

• Службена страница (германски)