11 јули

Предлошка:Јули 2026

11 јули — 192-иот ден во годината според грегоријанскиот календар (193-и во престапна година). Остануваат 173 денови до крајот на годината.

Настани:

1921	Почна борбата за ослободување на Монголија што ја поведе монголската Народна револуционерна партија под раководство на Суха Батор. Овој датум се прославува како национален празник на Народна Репулика Монголија.
1946	Основана Меѓународната ракометна федерација (ИХФ).
1979	Американската вселенска станица „Скајлаб“ по шестгодишно кружење по орбитата околу Земјата, се распадна при приземјувањето.
1987	Обединетите Нации објавуваат дека новороденчето Матеј Гаспар од Загреб е петмилијардитиот жител на Земјата.
1995	Република Македонија и Република Литванија воспоставиле дипломатски односи на ниво на амбасади.
1995	Околу 8.000 Бошњаци, главно цивили, се убиени од српските сили под команда на генерал Ратко Младиќ близу Сребреница, Босна и Херцеговина.
2000	Во посредништво на американсиот претседател Бил Клинтон, започнуваат преговорите меѓу израелскиот премиер Ехуд Барак и водачот на Палестинците Јасер Арафат околу суверенитетот на Ерусалим.
2008	Кнезот на Хунзите Газафар Али Кан со титула мир и неговата сопруга, кнегињата Рани Атика, пристигнале во посета на Македонија и биле примени од премиерот Никола Груевски и од архиепископот г.г. Стефан.

Родени:

1274	Роберт Брус — крал на Шкотска.
1767	Џон Квинси Адамс — претседател на САД.
1844	Петар I Караѓорѓевиќ — крал на Србија и Кралство СХС.
1871	Стјепан Радиќ — хрватски политичар и писател.
1888	Карл Шмит — германски политички теоретичар.
1920	Јул Бринер — американски глумец.
1927	Теодор Мајмен — американски физичар, конструктор на првиот ласер.
1934	Џорџо Армани — италијански моден творец.
1934	Љупка Арсова - Џундева — македонска глумица.
1949	Емерсон Леао — бразилски фудбалски голман.
1949	Френк Биерд — американски рок-музичар, член на групата ЗЗ Топ (ZZ Top).
1953	Леон Спинкс — американски боксер, поранешен светски првак.
1957	Мајкл Роуз — јамајски реге-пејач.
1957	Питер Марфи — англиски рок-музичар, член на групата „Баухаус“ (Bauhaus).
1958	Уго Санчес — мексикански фудбалер.
1959	Сузан Вега — американска поп-пејачка.
1959	Ричи Самбора — американски рок-гитарист, член на групата Бон Џови (Bon Jovi).
1970	Џастин Чејмберс — американски глумец.
1975	Рубен Бараха — шпнски фудбалер и тренер.
1980	Даниеле Пјетрополи — италијански велосипедист.
1987	Давиде Малакарне — италијански велосипедист.
1990	Каролина Возњацки — данска тенисерка.
1992	Мохамед Елнени — египетски фудбалер.
2000	Дарко Чурлинов — македонски фудбалер.
2002	Амад Диало — фудбалер од Брегот на Слоновата Коска.

Починале:

1903	Вилијам Хенли Ернест — англиски поет.
1937	Џорџ Гершвин — американски композитор и музичар.
1942	Отон Жупанчич — словенечки поет.
1982	Меша Мехмед Селимовиќ — југословенски писател.
1989	Лоренс Оливие — англиски филмски и театарски глумец, продуцент и режисер.
1992	Хајрудин Крвавац — босански и југословенски филмски режисер.
2014	Чарли Хејдн — американски џез-музичар.
2024	Шели Дивал — американска глумица.
2025	Дејвид Каф — британски рок-музичар.